sofia the first costume لبس صوفيا التنكرى من صنع إيدى لأميرتى الصغيرة جنى
النهاردة حابه أشاركوا بتجربتى لتفصيل وخياطة فستان صوفيا التنكرى اللى صنعته بإيدى لحبيبتى وأميرتى جنى قولوا ماشاء الله لاحول ولا قوة إلا بالله
الحقيقة كان فيه حفلة فى المدرسة وطلبوا نختار لبس تنكرى لأى شخصية وأنا مكنش فى نيتى أفصل وأخيط خالص بس بعد ما دورت فى الأسواق وشوفت اللبس التنكرى اللى موجود والسعر المبالغ فيه مع الجودة الرديئة جدا تحسوا القماش ورق مش قماش وكمان مقاسات مش مظبوطة نهائى قررت أفصل أنا
دورت الأول على الشخصية علشان أشوف شكل وإستايل اللبس بتاعها ورسمت التصميم فى دماغى مع بعض التعديلات اللى عملتها علشان أقدر أنفذه
وإشتريت الخامات كلها اللى سعرها مايساويش ربع سعر اللبس الجاهز
وكمان قعدت مخمخت كده بعد ما خلصت الفستان قولت لنفسى ليه ما أعملش كمان الإكسسوارات بتاع الشخصية
فعملت التاج والكوليه والعصاية السحرية من الفوم الجليتر وفصوص الكريستال
وكانت النتيجة وهمية بصراحة الحمد لله واى حد كان بيشوف الفستان كان بيسألنى منين
لا تستطيع كتابة مواضيع جديدة في هذا المنتدى لا تستطيع كتابة ردود في هذا المنتدى لا تستطيع تعديل مشاركاتك في هذا المنتدى لا تستطيع حذف مشاركاتك في هذا المنتدى لا تستطيع إرفاق ملف في هذا المنتدى
