الدرس(4):عقدة البداية فى التريكو Slip Knot

بسم الله الرحمن الرحيم

وحشتونى يا أحلى لهلوبات وإن شاء الله اليوم نبدأ الدروس العمليه بس قبل مانبدأ حبيت أنوه إن الدورة هتبقا مستويين

المستوى الأول للمبتدئين
وده هنشرح فيه 7 دروس بس للمبتدئين علشان يقدروا يواصلوا معانا فى باقى الدورة

أما المستوى الثانى للمحترفين
وده هنتكلم فيه بالتفصيل الممل عن كل حاجه فى التريكو

..........

بسم الله الرحمن الرحيم

نبدأ المستوى الأول للمبتدئين



الدرس (4)

عقدة البداية

Slip Knot

* لبداية أى عمل تريكو يجب وضع الخيط على إبرة التريكو وغالبا نبدأ بعمل عقدة البداية
* عقدة البداية تحسب من ضمن غرز البداية

--------------------------
كيفية عمل عقدة البداية
--------------------------

هناك الكثير والكثير من الطرق لعمل عقدة البداية وكل الطرق فى النهاية تؤدى إلى نفس أسلوب عمل عقدة البداية
ولهلوبه إختارت لكم أسهل وأوضح الطرق لعمل عقدة البداية

(1)
هنأخذ طرف الخيط من البكرة



(2)
هنصنع لفة صغيرة من الخيط بحيث يكون طرف الخيط المتصل بالبكرة (ويسمى خيط الشغل) فوق طرف الخيط الحر (ويسمى الذيل)فى التقاطع × كما بالصورة (وليس العكس يعنى ماينفعش الطرف الحر يبقا فوق الطرف المتصل بالبكرة)



(3)
هنصنع ثنية صغيرة فى الخيط المتصل بالبكرة



(4)
ثم هنلتقط هذه الثنية من داخل اللفة كما فى الصورة وستتكون عندنا لفه جديدة هيا دى عقدة البداية



(5)
هندخل إبرة التريكو داخل اللفة الجديدة



(6)
هنشد طرفى الخيط بلطف حتى تصبح عقدة البداية محكمة على الإبرة وفى نفس الوقت مانشدش الخيط قوى بحيث تكون العقدة بتتحرك بسهولة على الإبرة



وبكدا نكون عملنا عقدة البداية Slip Knot بسهولة وعلشان تتأكدى إنك عملتيها صح لو شيلتى العقدة من على الإبرة وشديتى طرفى الخيط هتتفك العقدة وكأن شيئا لم يكن

..........

وهنا فيديو يوضح طريقة عمل عقدة البداية

عقدة البداية slip knot

..........
أنا عارفه إن الدرس سهل وفيه ناس كتير هتستسهله ومش هتطبقه بس بجد فى ناس فعلا مابتعرفش تعمل عقدة البداية وفى ناس بتعملها غلط
فياريت الكل يجربها واللى يقدر يصورها ويحطها فى الموضوع

وأى إستفسار أنا تحت أمركم

فهرس دورة تعلم التريكو من البداية وحتى الإحتراف

دورة تعلم الكروشيه من البداية وحتى الإحتراف

دورة تعلم الكروشيه من البداية وحتى الإحتراف

دورة تعلم الكروشيه من البداية وحتى الإحتراف

دورة تعلم الكروشيه من البداية وحتى الإحتراف

دورة تعلم الكروشيه من البداية وحتى الإحتراف