لو سمحتوا ساعدوني في لضم ابرة الماكنة

اهلا وسهلا بيكى زهرة الايمان
نورتى المنتدى

ومبروك عليكى الماكينة وربنا يباركلك فيها ان شاء الله

بصى ياقمر اول حاجه تتاكدى منها بكرة الخيط بتاعتك لازم الخيط يبقا جاى من ورا البكرة مش من قدامها وتتاكدى كمان ان مفيش حاجه تعوق الخيط فى مسارة يعنى اقصد يكون شابك فى حاجه
ثانى حاجه هتبصى على الابرة لازم تكون متركبه صح واكيد لو انتى لسه جايبها يبقا لسه مغيرتيش الابرة وعموما وضعها الصحيح ان الوجه المبطط فى راس الابرة يبقا غير مواجه ليكى

ثالث حاجه هتبصى عليها بكرة ضبط شد الخيط اللى هيا البكرة اللى بتلفى الخيط حولها جايز يكون الرقم مش متناسب مع سمك الخيط حاولى تخففى الضغط او تزوديه وجربى على قطعه قماشه خارجيه قبل ماتبداى الخياطه

رابع حاجه طريقة واتجاه لضم الخيط هتدخلى الخيط من قدام لورا وتسحبى خيط المكوك وترجعى الخيطين لورا ومن تحت الدواسه

وقبل ماتبداى تخيطى القماشه هتمسكى الخيطين بايدك لورا ثم تبداى الخياطه عشان الخيط ما يتسحبش منك امسكيه بس لحد ماتخيطى اول غرزتين فى القماشه

اتمنى اكون افدتك واى استفسار انا تحت امرك

حبيبتى ماكينتك سينجر الفراشه السمراء

انا جبتلك صورة توضيحية يارب تفيدك

لان كل نوع وموديل له طريقة وعدد فتحات مختلفه



وانا تحت امرك فى اى استفسار اخر

ولا يهمك ياقمر انا معاكى لحد ماتشغليها باذن الله

بس ياريت تجيبى الموديل بتاعها او الرقم المسلسل هتلاقية جنب القايم بتاعها عشان اقدر اجيبلك معلومات اكتر عنها

بالنسبه للابره حاولى تطلعيها من تحت لفوق تزقيها بابرة او بدبوس وممكن تقلبى الماكينه عشان تساعدك على خروجها

بالنسبه لتوسيع الغرزة هتلاقى عندك ذراع او بكره حسب الموديل فى القايم برضه عشان كدا بقولك شوفى الموديل او صوريها وارفعيلى صورتها