إزيكوا يالهلوبات وكل سنة وإنتم طيبين ورمضان كريم على المسلمين جميعا
حبيت أترجملكم طريقة تفصيل وخياطة عباية إستقبال روووووعه من بوردا مع باترونها عشان تعيدوا فيها ويارب يجعل ايامكم كلها اعياد
انا إخترت الموديل ده لانى لاقيت فى السوق عبايات كتير بالشكل ده ومطرزة وبتتباع باسعار خيالية بتوصل ل 900 و1000 جنيه مع انها سهلة جدا ومش مكلفه بالمرة وكمان لو واحدة مبتدئة فى الخياطه ممكن تعملها بكل سهولة
ده شكل تخطيطى للعباية
وهنا شكل للعباية
وهنا شكل اخر وهيا ملبوسه بس طبعا المحجبات زينا هنلبس تحتها بودى ان شاء الله وهنخليها ماكسى وكمان ماننساش الطرحه وان شاء الله نطرز الطرحه كمان بنفس تطريز العباية
الموديل موجود فى مجلة بوردا عدد 7/2010 وان شاء الله سيتم رفع باترونات العدد كله على المنتدى لمن يريد تحميل المجلة كاملة
وهنلاقى شرح تفصيلى للموديل وكيفية تفصيله فى الملحق زى ما واضح فى الصورة واللى هنشرح أجزائها بالتفصيل خلال الموضوع
هنا هنلاقى رسم توضيحى لشكل الموديل من الامام ومن الخلف
اما الصورة دى فهيا شرح لقطع الباترون ومكانها على صفحات الباترون
وفى الصورة السابقة يوضح ان الباترون موجود على صفحة الباترون D والخط باللون الاحمر
كما يوضح شكل الخط لكل مقاس فهوا مثلا خط متقطع ثم متصل للمقاس 36_40
وايضا توضح الرسمة ان الباترون ينقسم الى 3 قطع (21و22و23)وسيتم شرح كل قطعه عبارة عن ايه فيما بعد
والرسم يوضح شكل القطع بالارقام المصغرة والعلامات والاسهم واماكن الحردات والوصلات والتفاصيل دى مهمة جدا ولازم ننقلها للقماش واحنا بنرسم الباترون على القماش
فى الصورة التالية يوضح اتجاه وطريقة ترتيب قطع الباترون على القماش قبل القص
ونلاحظ ان لكل مقاس طريقة فى ترتيب القطع على القماش لاحظى فى الرسم السابق الرسمه الاولى للمقاس 36_40 اما الرسمة التانية للمقاس 42_46
عنوان المشاركة: Re: عباية إستقبال بالباترون والشرح من بوردا
مرسل: الثلاثاء أغسطس 09, 2011 11:47 pm
مراقب عام
اشترك في: الاثنين إبريل 05, 2010 7:23 pm
مشاركات: 13047
مكان: المنصورة
وتعالوا نشوف دلوقتى ترجمة الشرح اللى موجود فى الملحق
وانا قسمته على اجزاء
**المقاس: 36_40 و42_46 الطول من الوسط=96سم
**المواد المطلوبة: _قماش حرير طوله 3.25_3.50متر وعرضه 140سم _شريط تل مطرز للتزيين عرضه7سم وطوله 1.20_1.25متر _انواع مقترحة من الاقمشة:يفضل الحرير الخفيف
**نقل الباترون من صفحة الباترون: _هنشف قطع الباترون الظهر والوش والرقبة ونلاحظ ان قطعة الباترون رقم 21 منقسمة الى قسمين 21 و21a هنلزق الجزئين معا بالصمغ
**التفصيل: _هنضع الوجه الامامى والخلفى بحيث يقابل وجه القماش بعضه _هنخيط الاكتاف _هنخيط برواز الرقبة الخلفى وبرواز الرقبة الامامى مع الرقبه ثم هنخيط الوصلات بين البرواز الامامى والبرواز الخلفى ثم هنقلب البرواز ونخيطة من داخل العمل _هنخيط جوانب العبايه _هنثنى الذيل 1سم ونخيطه
عنوان المشاركة: Re: عباية إستقبال بالباترون والشرح من بوردا
مرسل: الأربعاء أغسطس 24, 2011 8:25 am
مراقب عام
اشترك في: الاثنين إبريل 05, 2010 7:23 pm
مشاركات: 13047
مكان: المنصورة
mohammedriad كتب:
نقول السلام عليكو كل سنة وانتى طيبة الاول ورمضان كريم انا كنت حابب اشوف موديلات عباية جديدة دا لو ممكن او لو فيه افكار جديدة ممكن ننفذها مع بعض
وعليكم السلام ورحمة الله وبركاته
اهلا وسهلا بك mohammedriad
نورت المنتدى وان شاء الله تجد فى لهلوبه مايفيدك
وكل عام وانت بخير
بالنسبه لموديلات العبايات والاستايلات الجديده ان شاء الله هنعمل قسم جديد خاص بملابس المحجبات وهيبقا فيه اكبر تشكيلة من استايلات وموديلات وقصات العبايات بانواعها واشكالها المختلفه واللى ممكن تاخد منها افكار كتير باذن الله
وان شاء الله عند افتتاح القسم ده قريبا جدا سوف اقوم بوضع اللينك الخاص به فى موضوعك
لا تستطيع كتابة مواضيع جديدة في هذا المنتدى لا تستطيع كتابة ردود في هذا المنتدى لا تستطيع تعديل مشاركاتك في هذا المنتدى لا تستطيع حذف مشاركاتك في هذا المنتدى لا تستطيع إرفاق ملف في هذا المنتدى
