سويتر كروشيه كاجوال واسع للبنات مع الباترون والشرح بالعربى

بسم الله الرحمن الرحيم

سويتر / بلوفر / بلوزة كروشيه كاجوال واسع للبنات مع الباترون والشرح بالعربى



المقاسات = xxxl - xxl - xl - l - M - S
دوران الصدر = 95 - 105 - 115 - 125 - 135 - 145 سم

وفى الرسم التخطيطى التالى يوضح القياسات النهائية لأجزاء الجاكيت بالإنش (الإنش = 2.5 سم)



(المواد المستخدمة)

_ 700 - 800 - 800 - 900 - 900 - 1000 جرام من الخيط

_ إبرة كروشيه مقاس 6 مللى و 6.5 مللى

........

قياس الوحدة = 10 × 10 سم = 12 غرزة × 11 سطر

.......

فى الرسم التالى وضحت اجزاء السويتر بالألوان .. بداية هنبدأ بعمل الجزء الوردى ثم هنشتغل الجزئين باللون الأخضر ونوصلهم بالجزء الوردى .. ثم بعد ذلك نكمل الشغل فوق الأجزاء الموصولة السابقة لعمل الجزء الأزرق .. وبالمثل هنشتغل الظهر
ثم هنشتغل قطعتين الموضحين باللون البنفسجى ليمثلوا جوانب السويتر

........

خطوات عمل السويتر

أولا
( الجزء الوردى )

بإستخدام الإبرة مقاس 6.5 مللى

السطر 1 ( وجه العمل ) = 21 - 27 - 33 - 39 - 45 - 51 سلسلة , عمود فى السلسلة الثالثة , ثم هنشتغل عمود فى كل سلسلة حتى اخر السطر
عدد الغرز = 19 - 25 - 31 - 37 - 43 - 49 عمود ( ملاحظة اول سلسلتين لا يتم حسابهم كغرزة عمود فى هذا الموديل)

السطر 2 = 2س , ثم هنشتغل نصف عمود أمامى فى كل غرزة حتى اخر غرزة فى السطر هنشتغلها نصف عمود , ثم نلف الشغل

السطر 3 = 2س , ثم هنشتغل نصف عمود خلفى فى كل غرزة حتى اخر غرزة فى السطر هنشتغلها نصف عمود , ثم نلف الشغل

السطر 4 = هنكرر السطر 2

السطر 5 = (ملاحظة فى هذا السطر هنشتغل فى اللفة الخلفية فقط ) هنبدا بعمل 3 س و غرزة عمود فى نفس الغرزة , ثم هنشتغل عمود فى كل الغرز حتى اخر غرزة هنشتغل فيها 2 عمود , هنلف الشغل
عدد الغرز الأن = 21 - 27 - 33 - 39 - 45 - 51 عمود

من السطر 6 وحتى السطر 41 = هنكرر السطور من 2 ل 5 / 9 مرات
ليصبح عدد الغرز = 39 - 45 - 51 - 57 - 63 - 69 عمود

الآن هنشتغل حواف هذا الجزء المشغول على طول الجوانب كما موضح بالأحمر فى الصورة التالية


_ ووجه العمل مقابل لنا هنشتغل غرزة حشو فى اخر غرزة من كل سطر على طول جانبى الجزء الوردى .. عدد الغرز فى كل جانب = 41 حشو

.........

ثانيا
( الجزء الأخضر )

_هنشتغل قطعتين منه
_ هنشتغل بالابرة مقاس 6 مللى
_ عبارة عن ضفيرة وده الباترون المرسوم ليها


وشرحها بالسطور كالتالى

السطر 1 ( ظهر العمل ) = 7 س , عمود فى السلسلة الثالثة , هنشتغل عمود فى كل غرزة حتى اخر السطر , هنلف الشغل
عدد الغرز = 5 عمود

السطر 2 = 1س , حشو فى اول غرزة , هنفوت غرزة , ثم هنشتغل عمود امامى فى الغرزة التالية , ثم هنشتغل من خلف غرزة العمود السابقة هنعمل غرزة حشو فى الغرزة اللى فوتناها , ثم غرزة حشو فى نفس الغرزة اللى فيها غرزة العمود الامامى , ثم حشو فى الغرزة التالية , ثم هنشتغل عمود امامى اخرى فى نفس الغرزة اللى فيها غرزة العمود الامامى السابقة , حشو فى اخر غرزة , هنلف الشغل
عدد الغرز = 5 حشو + 2 عمود امامى

السطر 3 = 1س , حشو فى اول غرزة , هنفوت غرزة العمود الامامى التالية , حشو فى كل غرزة من الثلاث غرز التاليين , هنفوت غرزة العمود الامامى التالية, حشو فى اخر غرزة , هنلف الشغل
عدد الغرز = 5 حشو

السطر 4 = 1س , حشو فى اول غرزة , حشو فى الغرزة التالية , غرزة منزلقة فى الغرزة التالية , ثم هنشتغل 2 عمود امامى معا فى غرزتى العمود الامامى من السطر السابق , هنشتغل حشو فى نفس الغرزة اللى عملنا فيها المنزلقة , حشو فى كل غرزة من الغرزتين التاليتين , هنلف الشغل
عدد الغرز = 5 حشو , عمود امامى

السطر 5 = 1س , حشو فى كل غرزة حتى اخر السطر

السطر 6 = 1س , حشو فى اول غرزة , هنفوت غرزة , ثم هنشتغل عمود امامى فى الغرزة التالية , ثم هنشتغل من خلف غرزة العمود السابقة هنعمل غرزة حشو فى الغرزة اللى فوتناها , ثم غرزة حشو فى نفس الغرزة اللى فيها غرزة العمود الامامى , ثم حشو فى الغرزة التالية , ثم هنشتغل عمود امامى اخرى فى نفس الغرزة اللى فيها غرزة العمود الامامى السابقة , حشو فى اخر غرزة , هنلف الشغل
عدد الغرز = 5 حشو + 2 عمود امامى

السطور من 7 وحتى 38 = هنكرر السطور من 3 الى 6 / 8 مرات

السطور من 39 و 40 = زى السطور 3 و 4

_ هنكمل بعمل حافة على طول الجانب بعمل سلسلة ثم هنشتغل غرزة حشو فى اخر غرزة من كل سطر حتى نصل الى السطر الاول هنشتغل غرزتين حشو فى اخر غرزة من السطر الاول ليصبح عدد الغرز على طول الجانب = 41 غرزة

_ والآن هنقوم بتوصيل الجزء الوردى بالجزء الأخضر بوضع القطعتين فوق بعض وهنشتغل على طول الحافة بحيث كل غرزتين متقابلتين هنشتغلهم معا كالتالى ( سلسلة , ثم منزلقة فى الغرزة التالية ) هنكرر مابين الاقواس حتى اخر السطر

_ بالمثل هنقوم بوصل الجزء الاخضر الاخر بالجانب الاخر من الجزء الوردى

...........

(ثالثا)

الجزء الأزرق

_ هنكمل شغل فوق الاجزاء الموصولة السابقة كالتالى

السطر 1 = وظهر العمل مواجه لنا هنوصل خيط فى اول غرزة فى الجزء الأخضر , هنشتغل 3 سلاسل وعمود فى الغرزة التالية , ثم هنشتغل عمود فى كل غرزة من الأربع غرز التاليين , ثم عمود فى منتصف الوصلة بين الجزء الاخضر والوردى , نصف عمود امامى فى كل الغرز حتى نصل الى الجزء الاخضر فى الناحية الاخرى , ثم عمود فى منتصف الوصلة بين الجزء الاخضر والوردى , ثم هنشتغل عمود فى كل غرزة من الأربع غرز التاليين , وهنشتغل 2 عمود فى اخر غرزة , هنلف الشغل
عدد الغرز الان = 14 عمود + 39 - 45 - 51 - 57 - 63 - 69 نصف عمود امامى

السطر 2 = 2 س , نصف عمود خلفى فى كل غرزة حتى اخر غرزة هنشتغلها نصف عمود, هنلف الشغل
عدد الغرز = 2 نصف عمود + 51 - 57 - 63 - 69 - 75 - 81 نصف عمود خلفى

السطر 3 = 2 س , نصف عمود امامى فى كل غرزة حتى اخر غرزة هنشتغلها نصف عمود , هنلف الشغل

السطر 4 = هنشتغل فىاللفة الخلفية فقط كالتالى 3س وعمود فى اول غرزة , عمود فى كل غرزة حتى اخر غرزة هنشتغل فيها 2 عمود , هنلف الشغل
عدد الغرز = 55 - 61 - 67 - 73 - 79 - 85 عمود

السطر 5 = هنكرر السطر 3

السطر 6 = هنكرر السطر 2

السطر 7 = هنكرر السطر 3

السطور من 8 - 15 = هنكرر السطور من 4 - 7 / مرتين
عدد الغرز = 59 - 65 - 71 - 77 - 83 - 89 عمود

_ هنكمل كالتالى بالنسبة للمقاسات xl - 2xl - 3xl فقط
السطر 16 = هنشتغل فى اللفة الخلفية فقط كالتالى 3س , عمود فى كل غرزة حتى اخر غرزة , هنلف الشغل

السطر 17 = 2س , نصف عمود امامى فى كل غرزة حتى اخر غرزة هنشتغلها نصف عمود , هنلف الشغل

السطر 18 = 2س , نصف عمود خلفى فى كل غرزة حتى اخر غرزة هنشتغلها نصف عمود , هنلف الشغل

السطر 19 = هنكرر السطر 17

_ الآن هنكمل فوق كل المقاسات كالتالى

السطر التالى = هنشتغل فى اللفة الخلفية فقط كالتالى 3س وعمود فى اول غرزة , عمود فى كل غرزة من 17 - 20 - 23 - 26 - 29 - 32 غرزة التاليين , نصف عمود فى 8 غرز التاليين , حشو فى السبع غرز التاليين , نصف عمود فى 8 غرز التاليين , عمود فى كل غرزة من 17 - 20 - 23 - 26 - 29 - 32 غرزة التاليين , اخر غرزة هنشتغل فيها 2 عمود , هنلف الشغل
عدد الغرز = 7 حشو + 16 نصف عمود + 38 - 44 - 50 - 56 - 62 - 68 عمود

...............

* الآن هنعمل حردة الرقبة بشغل كل ناحية منفصلة كالتالى

1 / الكتف اليمين
السطر 1 = 2س , نصف عمود امامى فى كل غرزة من 24 - 27 - 30 - 33 - 36 - 39 غرزة التاليين , وهنترك باقى الغرز بدون شغل ونلف العمل

السطر 2 = هنفوت اول غرزة بدون شغل , نصف عمود خلفى فى كل غرزة من 23 - 26 - 29 - 32 - 35 - 38 غرز التاليين , نصف عمود فى اخر غرزة , هنلف الشغل

السطر 3 = 2س , نصف عمود امامى فى كل غرزة من 22 - 25 - 28 - 31 - 34 - 37 غرزة التاليين , هنلف الشغل

السطر 4 = هنشتغل فى اللفة الخلفية فقط كالتالى هنفوت اول غرزة , عمود فى كل غرزة من 21 - 24 - 27 - 30 - 33 - 36 غرزة التاليين , هنشتغل 2 عمود فى اخر غرزة , هنلف الشغل

السطر 5 = 2س , نصف عمود امامى فى كل غرزة من 21 - 24 - 27 - 30 - 33 - 36 غرزة التاليين , هنلف الشغل

السطر 6 = هنفوت اول غرزة بدون شغل , نصف عمود خلفى فى كل غرزة من 20 - 23 - 26 - 29 - 32 - 35 غرز التاليين , نصف عمود فى اخر غرزة , هنلف الشغل

السطر 7 = 2س , نصف عمود امامى فى كل غرزة من 19 - 22 - 25 - 28 - 31 - 34 غرزة التاليين , هنلف الشغل

السطر 8 = هنشتغل فى اللفة الخلفية فقط كالتالى هنفوت اول غرزة , عمود فى كل غرزة من 18 - 21 - 24 - 27 - 30 - 33 غرزة التاليين , هنشتغل 2 عمود فى اخر غرزة , هنلف الشغل

السطر 9 = 2س , نصف عمود امامى فى كل غرزة من 18 - 21 - 24 - 27 - 30 - 33 غرزة التاليين , هنقفل الشغل

.......

2/ الكتف الشمال
السطر 1 = وظهر العمل مقابل لنا هنفوت اول 11 غرزة ثم هنوصل الخيط فى الغرزة التالية , 2س , نصف عمود امامى فى كل غرزة من 23 - 26 - 29 - 32 - 35 - 38 غرزة التاليين , نصف عمود فى اخر غرزة , هنلف الشغل

السطر 2 = 2س , نصف عمود خلفى فى كل غرزة من 23 - 26 - 29 - 32 - 35 - 38 غرز التاليين , هنلف الشغل

السطر 3 = هنفوت اول غرزة بدون شغل , نصف عمود امامى فى كل غرزة من 22 - 25 - 28 - 31 - 34 - 37 غرزة التاليين , نصف عمود فى اخر غرزة , هنلف الشغل

السطر 4 = هنشتغل فى اللفة الخلفية فقط كالتالى 3س , عمود فى كل غرزة من 21 - 24 - 27 - 30 - 33 - 36 غرزة التاليين , هنلف الشغل

السطر 5 = هنفوت اول غرزة , نصف عمود امامى فى كل غرزة من 21 - 24 - 27 - 30 - 33 - 36 غرزة التاليين ,نصف عمود فى اخر غرزة , هنلف الشغل

السطر 6 = 2س , نصف عمود خلفى فى كل غرزة من 20 - 23 - 26 - 29 - 32 - 35 غرز التاليين , هنلف الشغل

السطر 7 = هنفوت اول غرزة , نصف عمود امامى فى كل غرزة من 19 - 22 - 25 - 28 - 31 - 34 غرزة التاليين , هنلف الشغل

السطر 8 = هنشتغل فى اللفة الخلفية فقط كالتالى 3س وعمود فى اول غرزة , عمود فى كل غرزة من 18 - 21 - 24 - 27 - 30 - 33 غرزة التاليين , هنلف الشغل

السطر 9 = هنفوت اول غرزة , نصف عمود امامى فى كل غرزة من 18 - 21 - 24 - 27 - 30 - 33 غرزة التاليين , نصف عمود فى اخر غرزة , هنقفل الشغل

........................

_ الآن انتهينا من عمل الجزء الأمامى للسويتر , بالمثل هنشتغل الظهر ثم هنوصل الأكتاف ببعضها

_ ثم هنقوم بعمل برواز من غرزة الحشو على طول حافة السويتر بداية من اسفل مرورا بالكتف الامامى ثم الكتف الخلفى حتى اسفل الظهر والبرواز موضح باللون الاصفر للناحيتين فى الرسم التخطيطى التالى



.......................

رابعا

(الجزء البنفسجى )

_ هنشتغل قطعتين وهو يمثل جانبى السويتر

السطر 1 = 2س , 3 حشو فى ثانى سلسلة , هنلف الشغل

السطر 2 و 3 = سلسلة , حشو فى كل غرزة حتى اخر السطر , هنلف الشغل

السطر 4 = 3س و عمود فى اول غرزة , عمود فى كل غرزة حتى اخر غرزة هنشتغل فيها 2 عمود , هنلف الشغل

السطر 5 و 6 و 7 = هنكرر السطر 2

السطور من 8 الى 43 = هنكرر السطور من 4 الى 7 / 9 مرات
عدد الغرز = 23 حشو

السطر 44 = هنكرر السطر 4

السطر 45 و 46 = هنكرر السطرين 2 و 3

_ هنشتغل برواز من غرزة الحشو على طول جانبى هذا الجزء

_ والآن هنقوم بتوصيل الجزء البنفسجى بالجزء الأخضر للصدر بوضع القطعتين فوق بعض وهنشتغل على طول الحافة بحيث كل غرزتين متقابلتين هنشتغلهم معا كالتالى ( سلسلة , ثم منزلقة فى الغرزة التالية ) هنكرر مابين الاقواس حتى اخر السطر وبالمثل هنوصل الجزء البنفسجى بالجزء الأخضر للظهر

ونفس الخطوة للقطعة الأخرى هنوصلها بالجانب الاخر للسويتر بنفس الطريقة

......................

الآن هنقوم بعمل البليسيه السفلى للسويتر

السطر 1 = ووجه العمل مقابل لنا هنشتغل على طول الدوران السفلى للسويتر كالتالى , هنوصل الخيط فى اى غرزة , 3س , عمود فى كل غرزة ثم هنقفل السطر بمنزلقة فى اخر سلسلة من سلاسل البداية ومش هنلف الشغل هنستمر فى الشغل فى نفس الاتجاه
عدد الغرز = 116 و 128 و 140 و 152 و 164 و 176 عمود

السطر 2 = 2س , عمود امامى فى اول غرزة , عمود خلفى فى الغرزة التالية ,( عمود امامى , عمود خلفى ) هنكرر مابين الاقواس حتى اخر السطر وهنقفل السطر بمنزلقة فى اخر سلسلة من سلاسل البداية وهنقفل الشغل

,,,,,,,,,,,,,,,,,,,,

(برواز الرقبة )

السطر 1 = ووجه العمل مقابل لنا , هنوصل الخيط بعمل غرزة حشو فى مكان اتصال الكتف ناحية الرقبة وهنشتغل 55 غرزة حشو على طول دوران فتحة الرقبة ونقفل السطر بمنزلقة فى اول غرزة حشو ومش هنلف الشغل هنستمر فى الشغل فى نفس الاتجاه

السطر 2 = 2س , نصف عمود فى كل غرزة ونقفل السطر بمنزلقة فى اخر سلسلة من سلاسل البداية

السطر 3 = هنشتغل فى اللفة الخلفية فقط , سلسلة , حشو فى كل غرزة ونقفل السطر بمنزلقة فى سلسلة البداية , هنقفل الشغل

....................

خامسا

( الاكمام )

_ هنشتغله دائرى

السطر 1 = ووجه العمل مقابل لنا , هنوصل الخيط بعمل غرزة حشو فى مكان اتصال الكتف ناحية الكم , 3س , عمود فى كل غرزة من 10 - 10 - 10 - 12 - 12 - 12 غرزة التاليين , نصف عمود فى كل غرزة من 5 - 5 - 5 - 7 - 7 - 7 غرز التاليين , حشو فى ال 10 غرز التاليين , نصف عمود فى كل غرزة من 5 - 5 - 5 - 7 - 7 - 7 غرز التاليين , عمود فى كل غرزة من 10 - 10 - 10 - 12 - 12 - 12 غرزة التاليين هنقفل السطر بعمل منزلقة فى اخر سلسلة من سلاسل البداية

السطر 2 = 2س , نصف عمود فى كل غرزة حتى اخر السطر هنقفل بمنزلقة فى اخر سلسلة من سلاسل البداية

السطر 3 = هنشتغل فى اللفة الخلفية فقط , 3س , عمود فى كل غرزة من 10 - 10 - 10 - 12 - 12 - 12 غرزة التاليين , نصف عمود فى كل غرزة من 5 - 5 - 5 - 7 - 7 - 7 غرز التاليين , حشو فى كل غرزة من 10 - 10 - 10 - 12 - 12 - 12 غرزة التاليين , صف عمود فى كل غرزة من 5 - 5 - 5 - 7 - 7 - 7 غرز التاليين , عمود فى ال 10 غرز التاليين , هنقفل بمنزلقة فى اخر سلسلة من سلاسل البداية

السطور من 4 الى 13 = هنكرر السطرين 2 و 3 / 5 مرات

السطر 14 = هنكرر السطر 2

السطر 15 = هنشتغل فى اللفة الخلفية فقط , 3س , عمود فى كل غرزة حتى اخر السطر , هنقفل بمنزلقة فى اخر سلسلة من سلاسل البداية

السطور من 16 الى 25 = هنكرر السطور 14 و 15 / 5 مرات وفى اخر سطر هنلف الشغل

ثم هنكمل لعمل المعصم

السطر 26 = هنشتغل فى اللفة الخلفية فقط , 2س , 2 نصف عمود معا , نصف عمود فى كل غرزة , هنقفل بمنزلقة فى اخر سلسلة من سلاسل البداية , مش هنلف الشغل
عدد الغرز = 40 - 40 - 40 - 48 - 48 - 48 نصف عمود

السطر 27 = 2س و عمود امامى حول نفس الغرزة , عمود خلفى فى الغرزة التالية , ( عمود امامى , عمود خلفى ) هنكرر مابين الاقواس حتى اخر السطر , هنقفل بمنزلقة فى اخر سلسلة من سلاسل البداية ونقفل الشغل

..............

إنتهى الشرح بفضل الله

أى إستفسار تحت أمركم

لهلوبه