جاكيت تريكو بضفائر وكالونات للبنوتات من سنتين الى 4 سنوات بالباترون والشرح بالعربى
المقاس = 2 _ 4 سنوات
وفى الرسم التخطيطى التالى يوضح القياسات النهائية لأجزاء الجاكيت بالسنتيميتر
المواد المطلوبه :
_ 300 جرام من الخيط (الخيط المستخدم فى الباترون هو خيط أليزا سوبرلانا)
_ إبر تريكو مدببة الطرف مقاس 3 و 4 مللى
_ 12 زرار
....................
قبل البدء فى شرح خطوات العمل هنشرح الغرز المستخدمة فى باترون الجاكيت
1/ الغرزة المرنة ( غرزة الطوق) هنشتغل كل الغرز فى كل السطور عدل ..... 2/ غرزة البليسيه عدد الغرز = مضاعفات العدد 4 السطر 1 ( وجه العمل ) = (4م , 4ع) هنكرر مابين الاقواس حتى اخر 4 غرز هنشتغلهم 4م السطر 2 ( ظهر العمل ) = 4ع ,(4م , 4ع) هنكرر مابين الاقواس حتى اخر السطر هنكرر السطرين 1 و 2 حتى اخر العمل ..... 3/ غرزة الضفيرة عدد الغرز = 12 غرزة السطر 1 (وجه العمل ) = 12ع السطر 2 (ظهر العمل ) = 12م السطر 3 = هنسلت 3 غرز على كابل خلف العمل , 3ع , هنشتغل الغرز المسلوته 3 عدل , هنسلت 3غرز على كابل امام العمل , 3ع , هنشتغل الغرز المسلوته 3ع السطر 4 و 6 و 8 و 10 = 12م السطر 5 و 7 و 9 = 12ع
هنكرر السطور من 1 الى 10 حتى نهاية العمل
....................
خطوات العمل
أولا (الظهر)
_ هنبدأ بعمل 80 غرزة على الأبرة مقاس 4 مللى
_ هنشتغل الغرزة المرنة حتى يصل الطول إلى 20 سم
_ فى السطر التالى هنقص 20 غرزة بالتساوى على مدار السطر ليصبح عدد الغرز بعد جميع التنقيصات = 60 غرزة
_ هنبدل الإبرة إلى مقاس 3 مللى وهنشتغل غرزة البليسيه حتى يصل الطول الى 25 سم
_ هنبدل مرة اخرى الى الابرة مقاس 4 مللى وهنستمر بعمل الغرزة المرنه
_ عندما يصل الطول الى 28 سم هنقفل 3 غرز من كل ناحية مرة واحده لعمل حردة الإبط
_ هنستمر بعمل الغرزة المرنة وعندما يصل الطول إلى 37 سم هنقفل 24 غرزة فى المنتصف لعمل فتحة الرقبة ليتبقى لكل كتف 15 غرزة هنشتغل سطر عدل ونقفل الشغل
.....................
ثانيا (الجزء الأمامى الشمال)
_ هنبدأ بعمل 60 غرزة على الإبرة مقاس 4 مللى
_ هنشتغل الغرزة المرنة حتى يصل الطول إلى 20 سم
_ فى السطر التالى هنعمل الكالونه كالتالى هنشتغل 15 غرزه عدل , ثم هننقل الخمس غرز التالين على ابرة اخرى بدون شغل , ثم الخمس غرز التاليين على ابرة ايضا بدون شغل ونضعهم خلف اول خمس غرز موجودين على الابرة الشمال (ليصبح عندنا خمس غرز خلف خمس غرز خلف خمس غرز ) هنشتغل كل 3 غرز متقابلة 3ع معا كما هو موضح فى الصور التالية لنكون قد صنعنا نصف الكالونه اليمين
هنكمل النصف الاخر من الكالونه كالتالى هننقل الخمس غرز التاليين على ابرة اخرى بدون شغل , ثم الخمس غرز التاليين على ابرة ايضا بدون شغل ونضعهم خلف اول خمس غرز موجودين على الابرة الشمال (ليصبح عندنا خمس غرز خلف خمس غرز خلف خمس غرز ) هنشتغل كل 3 غرز متقابلة 3ع معا وهكذا نكون قد انتهينا من عمل الكالونه , هنشتغل اخر 15 غرزة فى السطر عدل ليصبح الآن عدد الغرز 40 غرزة
_ عندما يصل الطول إلى 28 سم هنقفل 4 غرز مرة واحدة (من ناحية 6 غرز طوق ) لعمل حردة الإبط ليتبقى 26 غرزة وهنستمر كالتالى 2 غرزة مرنة, 12 غرزة ضفيرة , 12 غرزة مرنة
_ عندما يصل الطول إلى 32 سم هنقفل من ناحية الرقبة لعمل حردة الرقبة كالتالى 4 غرز / مرة واحدة ثم 2 غرزة / مرتين ثم غرزة / 3 مرات
ليصبح عدد الغرز بعد جميع التنقيصات = 15 غرزة متبقية للكتف
_ عندما يصل الطول الى 37 سم هنقفل الشغل
........... ( الجزء الأمامى اليمين ) مثل الجزء الأمامى الشمال ولكن معكوس
..........
ثالثا ( الأكمام )
_ هنبدأ بعمل 50 غرزة على الإبرة مقاس 4 مللى
_ هنشتغل غرزة البليسيه حتى يصل الطول إلى 8 سم
_ هنبدأ نشتغل الغرزة المرنة وفى نفس الوقت فى اول سطر من الغرزة المرنة هنقفل 6 غرز بالتساوى على مدار السطر ليصبح عدد الغرز = 44 غرزة
_ هنستمر بعمل الغرزة المرنة وفى نفس الوقت هنزود غرزة من كل جانب كل 6 سطور /مرتين عدد الغرز يصبح = 48 غرزة
_ عندما يصل الطول الى 18 سم هنشتغل كالتالى 18 غرزة مرنه ثم 12 غرزة ضفيرة ثم 18 غرزة مرنة
_ عندما يصل الطول الى 22 سم هنبدأ نقفل من كل جانب لعمل قبة الكم كالتالى 5 غرز / مرتين ثم 2غرزة / 3مرات سيصبح عدد الغرز = 16 غرزة ثم هنقفل 16 غرزة مرة واحده
لا تستطيع كتابة مواضيع جديدة في هذا المنتدى لا تستطيع كتابة ردود في هذا المنتدى لا تستطيع تعديل مشاركاتك في هذا المنتدى لا تستطيع حذف مشاركاتك في هذا المنتدى لا تستطيع إرفاق ملف في هذا المنتدى
