المقادير اوراك مخلية او صدور فراخ حسب ما تحبو ونحطهم بين كيسين وندقهم شوية علشان سمكهم يبقى اقل ونفتح الانسجة انا استخدمت 4 اوراك ودى مقادير التتبيلة بتاعتهم
3 ملاعق كبيرة بقدونس مفروم 4 فصوص كبار من الثوم المهروس ملح وفلفل وبابريكا 4 ملاعق كبيرة زبدة فى درجة حرارة الغرفة بصل بودر وثوم بودر
هنخلط الزبدة مع الثوم المهروس ونقلبهم جيدا
وهنضع فوقهم البقدونس ورشة ملح وفلفل
وده شكل الحشوة بعد ما خلطنا كل المكونات مع بعضها كويس
هنتبل الفراخ بالملح والفلفل والبابريكا من الناحيتين
هنضع خليط حشوة الزبدة بالملعقة على الفراخ زى الصورة
ونلفها رول
هنلف الفراخ فى استرتش رول او كلينج فيلم ونقفلهم من الجوانب كويس وندخلهم الفريزر يرتاحو نصف ساعة وبعد كده هنطلعها ونشيل الرول من عليها براحة
هنحضر طبق فيه دقيق وعليه ملعقة من بصل بودر وثوم بودر وملح وفلفل وبابريكا وطبق تانى فيه بيض وفلفل وملح ومعلقتين كبار لبن ونقلبهم كويس والتركة اللى هنا انى استخدمت صن بايت بدل البقسماط وممكن تستخدمى كمان بيك رولز او لو مش متوفر عندك غير البقسماط عادى
بعد ماخلصنا الكمية كلها هندخلهم الثلاجة يرتاحو ويتماسكو نصف ساعة
فى زيت غزير هنحمرها ونقلبها براحة على نار متوسطة علشان تستوى من جوه لمدة 5 دقايق على الاقل وممكن بدل التحمير ندخلها الفرن على درجة حرارة 250 لمدة 35 دقيقة ونتابعها لغاية ما تاخد اللون الجميل ده
لا تستطيع كتابة مواضيع جديدة في هذا المنتدى لا تستطيع كتابة ردود في هذا المنتدى لا تستطيع تعديل مشاركاتك في هذا المنتدى لا تستطيع حذف مشاركاتك في هذا المنتدى لا تستطيع إرفاق ملف في هذا المنتدى
