بالطو _ مونطو كروشيه للبنات سن 10 سنوات بغرزة المروحة والشرح بالتفصيل بالعربى

بسم الله الرحمن الرحيم

بالطو _ مونطو _ معطف كروشيه للبنات سن 10 سنوات بغرزة المروحة والشرح بالتفصيل بالعربى



.......

مقاس واحد = 10 سنوات

وفى الرسم التخطيطى التالى يوضح شكل والقياسات النهائية لأجزاء البالطو من الأمام ومن الخلف



البالطو عبارة عن 17 قطعة منفصلة ثم بنوصلهم فى النهاية بالخياطة
1/ الظهر (قطعة واحدة)
2/ السفرة الخلفية (قطعة واحدة)
3/ الأمام (قطعتين يمين وشمال)
4/ السفرة الأمامية (قطعتين يمين وشمال)
5/ الكم (قطعتين)
6/ الكوله (قطعه واحدة)
7/ الجيب وبطانته (4 قطع)
8/ حزام زرار الكم (قطعتين)
9/ بطانة برواز الزراير الأمامية (قطعتين)


...........

المواد المستخدمة :

- 500 جرام من الخيط
- إبرة كروشيه مقاس 3 مللى
- 6 زراير

خطوات شرح البالطو

(1)

_ قبل البدء فى الشرح هنا باترون غرزة المروحة المستخدم فى عمل البالطو



وسأشرحه بالسطور

عدد سلاسل البداية = مضاعفات العدد 6 + 13

السطر 1 = هنشتغل 3 سلاسل إرتفاع و 3 عمود فى أول سلسلة , هنفوت سلسلتين , هنشتغل غرزة حشو فى السلسلة التالية , ( هنفوت سلسلتين , هنشتغل 7 عمود فى السلسلة التالية , هنفوت سلسلتين , هنشتغل غرزة حشو فى السلسلة التالية ) هنكرر مابين الأقواس حتى أخر 9 غرز هنشتغلهم كالتالى هنفوت سلسلتين , هنشتغل 7 عمود فى السلسلة التالية , هنفوت سلسلتين , هنشتغل غرزة حشو فى السلسلة التالية , هنفوت سلسلتين , هنشتغل 4 عمود فى أخر سلسلة

السطر 2 = سلسلة إرتفاع , هنفوت 3 غرز, هنشتغل 7 عمود فى غرزة الحشو التالية , هنفوت 3 غرز , هنشتغل غرزة حشو فى الغرزة التالية , هنفوت 3 غرز , ( هنشتغل 7 عمود فى الغرزة التالية , هنفوت 3 غرز , هنشتغل غرزة حشو فى الغرزة التالية , هنفوت 3 غرز ) هنكرر مابين الأقواس حتى أخر 5 غرز هنشتغلهم كالتالى 7 عمود فى الغرزة التالية , هنفوت 3 غرز , هنشتغل غرزة حشو فى اخر غرزة

السطر 3 = هنشتغل 3 سلاسل إرتفاع و 3 عمود فى أول غرزة , هنفوت 3 غرز , هنشتغل غرزة حشو فى الغرزة التالية , ( هنفوت 3 غرز , هنشتغل 7 عمود فى الغرزة التالية , هنفوت 3 غرز , هنشتغل غرزة حشو فى الغرزة التالية) هنكرر مابين الأقواس حتى أخر 12 غرزه هنشتغلهم كالتالى هنفوت 3 غرز , هنشتغل 7 عمود فى الغرزة التالية , هنفوت 3 غرز , هنشتغل غرزة حشو فى الغرزة التالية , هنفوت 3 غرز , هنشتغل 4 عمود فى أخر سلسلة

هنكرر السطرين 2 و 3 حتى اخر العمل

......

*الظهر*

_ الظهر مكون من جزئين = الجزء السفلى + السفرة العلوية



(( أولا ))

الجزء السفلى للظهر

_ هنبدا بعمل 79 سلسلة وهنشتغل باترون غرزة المروحة السابق شرحه لمدة 31 سطر وحتى يصبح الطول تقريبا 37 سم هنقفل العمل

..

((ثانيا ))

السفرة العلوية للظهر

_ هنبدأ بعمل 55 سلسلة

_ هنشتغل باترون غرزة المروحة لمدة 15 سطر وحتى يصبح الطول تقريبا 17 سم هنقفل العمل
وفى نفس الوقت فى السطر الثانى هنقفل لعمل حردة الإبط كالتالى :

السطر 1 = هنشتغل 3 سلاسل إرتفاع و 3 عمود فى أول سلسلة , هنفوت سلسلتين , هنشتغل غرزة حشو فى السلسلة التالية , ( هنفوت سلسلتين , هنشتغل 7 عمود فى السلسلة التالية , هنفوت سلسلتين , هنشتغل غرزة حشو فى السلسلة التالية ) هنشتغل مابين الأقواس 7 مرات حتى أخر 9 غرز هنشتغلهم كالتالى هنفوت سلسلتين , هنشتغل 7 عمود فى السلسلة التالية , هنفوت سلسلتين , هنشتغل غرزة حشو فى السلسلة التالية , هنفوت سلسلتين , هنشتغل 4 عمود فى أخر سلسلة

السطر 2 = هنشتغل منزلقة فى اول 4 غرز عمود , ثم هنشتغل 3 سلاسل ارتفاع و 3 عمود فى غروزة الحشو التالية , هنفوت 3 غرز , هنشتغل غرزة حشو فى الغرزة التالية , هنفوت 3 غرز , ( هنشتغل 7 عمود فى الغرزة التالية , هنفوت 3 غرز , هنشتغل غرزة حشو فى الغرزة التالية , هنفوت 3 غرز ) هنكرر مابين الأقواس 7 مرات حتى أخر 5 غرز هنشتغلهم كالتالى 4 عمود فى الغرزة التالية , وهنترك اخر 4 غرز بدون شغل

السطر 3 = هنشتغل سلسلة إرتفاع , ( هنفوت 3 غرز , هنشتغل 7 عمود فى الغرزة التالية , هنفوت 3 غرز , هنشتغل غرزة حشو فى الغرزة التالية) هنكرر مابين الأقواس 7 مرات حتى أخر 8 غرز هنشتغلهم كالتالى هنفوت 3 غرز , هنشتغل 7 عمود فى الغرزة التالية , هنفوت 3 غرز , هنشتغل غرزة حشو فى أخر سلسلة

السطر 4 = هنشتغل 3 سلاسل إرتفاع و 3 عمود فى أول غرزة , هنفوت 3 غرز , هنشتغل غرزة حشو فى الغرزة التالية , هنفوت 3 غرز , ( هنشتغل 7 عمود فى الغرزة التالية , هنفوت 3 غرز , هنشتغل غرزة حشو فى الغرزة التالية , هنفوت 3 غرز ) هنكرر مابين الأقواس 7 مرات حتى أخر غرزة هنشتغل فيها 4 عمود

هنكرر السطرين 3 و 4 حتى النهايه

*الجزء الأمامى اليمين*

_ مكون من جزئين = الجزء السفلى + السفرة العلوية



(( أولا ))

الجزء السفلى

_ هنبدأ بعمل 43 سلسلة وهنشتغل باترون غرزة المروحة السابق شرحه وفى نفس الوقت فى السطر 17 هنبدأ نعمل فتحة الجيب كما فى الباترون التالى



السطر 1 = هنشتغل 3 سلاسل إرتفاع و 3 عمود فى أول سلسلة , هنفوت سلسلتين , هنشتغل غرزة حشو فى السلسلة التالية , ( هنفوت سلسلتين , هنشتغل 7 عمود فى السلسلة التالية , هنفوت سلسلتين , هنشتغل غرزة حشو فى السلسلة التالية ) هنكرر مابين الأقواس 5 مرات حتى أخر 9 غرز هنشتغلهم كالتالى هنفوت سلسلتين , هنشتغل 7 عمود فى السلسلة التالية , هنفوت سلسلتين , هنشتغل غرزة حشو فى السلسلة التالية , هنفوت سلسلتين , هنشتغل 4 عمود فى أخر سلسلة

السطر 2 = سلسلة إرتفاع , هنفوت 3 غرز, هنشتغل 7 عمود فى غرزة الحشو التالية , هنفوت 3 غرز , هنشتغل غرزة حشو فى الغرزة التالية , هنفوت 3 غرز , ( هنشتغل 7 عمود فى الغرزة التالية , هنفوت 3 غرز , هنشتغل غرزة حشو فى الغرزة التالية , هنفوت 3 غرز ) هنكرر مابين الأقواس 5 مرات حتى أخر 5 غرز هنشتغلهم كالتالى 7 عمود فى الغرزة التالية , هنفوت 3 غرز , هنشتغل غرزة حشو فى اخر غرزة

السطر 3 = هنشتغل 3 سلاسل إرتفاع و 3 عمود فى أول غرزة , هنفوت 3 غرز , هنشتغل غرزة حشو فى الغرزة التالية , ( هنفوت 3 غرز , هنشتغل 7 عمود فى الغرزة التالية , هنفوت 3 غرز , هنشتغل غرزة حشو فى الغرزة التالية) هنكرر مابين الأقواس 5 مرات حتى أخر 12 غرزه هنشتغلهم كالتالى هنفوت 3 غرز , هنشتغل 7 عمود فى الغرزة التالية , هنفوت 3 غرز , هنشتغل غرزة حشو فى الغرزة التالية , هنفوت 3 غرز , هنشتغل 4 عمود فى أخر سلسلة

هنكرر السطرين 2 و 3 حتى نصل للسطر 17

السطر 17 = هنشتغل 3 سلاسل إرتفاع و 3 عمود فى أول غرزة , هنفوت 3 غرز , هنشتغل غرزة حشو فى الغرزة التالية , ( هنفوت 3 غرز , هنشتغل 7 عمود فى الغرزة التالية , هنفوت 3 غرز , هنشتغل غرزة حشو فى الغرزة التالية) هنكرر مابين الأقواس 3 مرات كمان وبخيط أخر هنضمه للعمل بعمل منزلقة فى غرزة الحشو التالية ثم هنشتغل 3 سلاسل ارتفاع و 6 عمود فى نفس غرزة الحشو , هنفوت 3 غرز , هنشتغل غرزة حشو فى الغرزة التالية ,هنفوت 3 غرز , هنشتغل 7 عمود فى الغرزة التالية , هنفوت 3 غرز , هنشتغل غرزة حشو فى الغرزة التالية , هنفوت 3 غرز , هنشتغل 4 عمود فى أخر غرزة

السطر 18 = سلسلة إرتفاع , هنفوت 3 غرز, هنشتغل 7 عمود فى غرزة الحشو التالية , هنفوت 3 غرز , هنشتغل غرزة حشو فى الغرزة التالية , هنفوت 3 غرز , هنشتغل 7 عمود فى الغرزة التالية , هنفوت 3 غرز , هنشتغل غرزة حشو فى الغرزة التالية , هنفوت 3 غرز , هنشتغل 7 عمود فى الغرزة التالية , بالخيط الأخر هنشتغل 3 سلاسل إرتفاع ثم هنفوت 7 غرز وهنشتغل 7 عمود فى الغرزة التالية , ( هنفوت 3 غرز , هنشتغل غرزة حشو فى الغرزة التالية , هنفوت 3 غرز , هنشتغل 7 عمود فى الغرزة التالية ) هنكرر مابين الأقواس مرتين كمان ثم هنفوت 3 غرز , هنشتغل غرزة حشو فى اخر غرزة

السطر 19 = هنشتغل 3 سلاسل إرتفاع و 3 عمود فى أول غرزة , هنفوت 3 غرز , هنشتغل غرزة حشو فى الغرزة التالية , ( هنفوت 3 غرز , هنشتغل 7 عمود فى الغرزة التالية , هنفوت 3 غرز , هنشتغل غرزة حشو فى الغرزة التالية) هنكرر مابين الأقواس مرتين كمان ثم بالخيط الأخر هنشتغل 3 سلاسل ارتفاع و 6 عمود فى أول غرزة , هنفوت 3 غرز , هنشتغل غرزة حشو فى الغرزة التالية ,هنفوت 3 غرز , هنشتغل 7 عمود فى الغرزة التالية , هنفوت 3 غرز , هنشتغل غرزة حشو فى الغرزة التالية , هنفوت 3 غرز , هنشتغل 7 عمود فى الغرزة التالية , هنفوت 3 غرز ,هنشتغل 4 عمود فى أخر غرزة

السطر 20 = سلسلة إرتفاع , هنفوت 3 غرز, هنشتغل 7 عمود فى غرزة الحشو التالية , هنفوت 3 غرز , هنشتغل غرزة حشو فى الغرزة التالية , هنفوت 3 غرز , هنشتغل 7 عمود فى الغرزة التالية , هنفوت 3 غرز , هنشتغل غرزة حشو فى الغرزة التالية , هنفوت 3 غرز , هنشتغل 7 عمود فى الغرزة التالية , هنفوت 3 غرز , هنشتغل غرزة حشو فى الغرزة التالية , هنفوت 3 غرز , هنشتغل 7 عمود فى الغرزة التالية , بالخيط الأخر هنشتغل 3 سلاسل إرتفاع ثم هنفوت 7 غرز وهنشتغل 7 عمود فى الغرزة التالية , ( هنفوت 3 غرز , هنشتغل غرزة حشو فى الغرزة التالية , هنفوت 3 غرز , هنشتغل 7 عمود فى الغرزة التالية ) هنكرر مابين الأقواس كمان مرة ثم هنفوت 3 غرز , هنشتغل غرزة حشو فى اخر غرزة

السطر 21 = هنشتغل 3 سلاسل إرتفاع و 3 عمود فى أول غرزة , هنفوت 3 غرز , هنشتغل غرزة حشو فى الغرزة التالية , ( هنفوت 3 غرز , هنشتغل 7 عمود فى الغرزة التالية , هنفوت 3 غرز , هنشتغل غرزة حشو فى الغرزة التالية) هنكرر مابين الأقواس مرة كمان ثم بنفس الخيط هنشتغل 3 سلاسل ارتفاع وهنقفلهم بمنزلقة فى اخر غرزة حشو ثم هنشتغل 6 عمود فى الغرزة التالية , هنفوت 3 غرز , هنشتغل غرزة حشو فى الغرزة التالية ,هنفوت 3 غرز , هنشتغل 7 عمود فى الغرزة التالية , هنفوت 3 غرز , هنشتغل غرزة حشو فى الغرزة التالية , هنفوت 3 غرز , هنشتغل 7 عمود فى الغرزة التالية , هنفوت 3 غرز , هنشتغل غرزة حشو فى الغرزة التالية ,هنفوت 3 غرز , هنشتغل 7 عمود فى الغرزة التالية , هنفوت 3 غرز , هنشتغل غرزة حشو فى الغرزة التالية , هنفوت 3 غرز ,هنشتغل 4 عمود فى أخر غرزة

السطر 22 = زى السطر 2

السطر 23 = زى السطر 3

_ هنستمر بعمل السطرين 2 و 3 حتى نصل للسطر 31 وهنقفل العمل

...

(( ثانيا ))

السفرة العلوية

_ هنبدأ بعمل 34 سلسلة

_ هنشتغل باترون غرزة المروحة لمدة 15 سطر وحتى يصبح الطول تقريبا 17 سم هنقفل العمل
وفى نفس الوقت فى السطر الثانى هنقفل لعمل حردة الإبط كما فعلنا فى حردة الإبط للظهر ولكن هنقفل فقط من ناحية اليمين

.............

*الجزء الأمامى الشمال*

_ مكون من جزئين = الجزء السفلى + السفرة العلوية

_ نفس خطوات عمل الجزء الأمامى اليمين ولكن معكوس فمثلا فتحة الجيب هتكون مائلة للشمال وأيضا هنقفل لعمل حردة الإبط من ناحية الشمال

* الأكمام *

_ عبارة عن قطعتين متماثلتين = الكم اليمين و الكم الشمال

_ هنبدأ بعمل 37 سلسلة

_ هنشتغل باترون غرزة المروحة لمدة 26 سطر

_ ثم هنبدأ نقفل بداية من السطر التالى لعمل قبة الكم كما يلى :

السطر 27 = هتشتغلى منزلقة فوق اول 4 غرز ثم , هتشتغلى غرزة حشو فى الغرزة التالية وتكملى كالباترون حتى أخر 4 غرز مش هتشتغليهم

السطر 28 = هنشتغل كالباترون بدون تقفيل

السطر 29 = هتشتغلى منزلقة فوق اول 8 غرز ثم , هتشتغلى غرزة حشو فى الغرزة التالية وتكملى كالباترون حتى أخر 8 غرز مش هتشتغليهم

السطر 30 = هنشتغل كالباترون بدون تقفيل

السطر 31 = هتشتغلى منزلقة فوق اول 8 غرز ثم , هتشتغلى غرزة حشو فى الغرزة التالية وتكملى كالباترون حتى أخر 8 غرز مش هتشتغليهم

السطر 32 = هنشتغل كالباترون بدون تقفيل

السطر 33 = هنقفل 9 غرز المتبقية

................

* الجيب اليمين *

_ عبارة عن قطعتين = الجيب + بطانة الجيب



((أولا))

الجيب

_ هنبدأ بعمل 19 سلسلة وهنشتغل باترون غرزة المروحة لمدة 13 سطر وفى نفس الوقت فى السطر 7 هنبدأ نعمل فتحة الجيب زى الشرح لفتحة الجيب فى الجزء الأمامى اليمين


((ثانيا))

بطانة الجيب

_ هنبدأ بعمل 19 سلسلة وهنشتغل باترون غرزة المروحة لمدة 13 سطر


..........

* الجيب الشمال*

_ زى الجيب اليمين بالظبط ولكن معكوس

..........

* برواز الزراير للاكمام*

_ عبارة عن قطعتين متماثلتين = برواز للكم اليمين و برواز للكم الشمال

وهنا الباترون المرسوم للبرواز



وشرحه بالسطور كالتالى:

هنبدأ بعمل 6 سلاسل

السطر 1 = هنشتغل 2 سلسلة إرتفاع , هنفوت سلسلتين , هنشتغل 7 عمود فى السلسلة التالية , هنفوت سلسلتين , هنشتغل غرزة حشو فى أخر سلسلة

السطر 2 = هنشتغل 3 سلاسل إرتفاع و 3 عمود فى اول غرزة , هنفوت 3 غرز وهنشتغل غرزة حشو فى الغرزة التالية ,هنفوت 3 غرز , هنشتغل 4 عمود فى اخر غرزة

السطر 3 =هنشتغل سلسلة إرتفاع , هنفوت 3 غرز , هنشتغل 7 عمود فى الغرزة التالية , هنفوت 3 غرز , هنشتغل غرزة حشو فى اخر غرزة

هنكرر السطرين 2 و 3 حتى نصل للسطر 13 وننهى العمل

.........

*بطانة برواز الزراير الأمامية*

_ عبارة عن قطعتين متماثلتين = يمين و شمال

_ هنبدأ بعمل 97 سلسلة هنشتغل باترون غرزة المروحه لمدة 7 سطور وهنقفل الشغل

*التقفيل*

_ هنخيط برواز زرار الكم على بعد 7 سم من حافة الكم ثم هنخيط جوانب الكم ونثنى 3 سم من طرف الكم للداخل مع تسريجه وهنركب الزرار فوق البرواز

_ بالنسبة للظهر = الجزء السفلى هنترك 3 سم من كل جانب وهنكشكش الجزء اللى فى المنتصف ثم هنوصل الجزء السفلى بالسفرة الخلفية

_ بالنسبة للجزء الأمامى اليمين والشمال = الجزء السفلى هنترك 3 سم من ناحية الكم و هنترك 5 سم من ناحية مرد الزراير وهنكشكش الجزء اللى فى المنتصف ثم هنوصل الجزء السفلى بالسفرة الامامية

_ هنخيط الأكتاف على طول 12 سم من الجانبين مع ترك 15 سم فى المنتصف بدون خياطة لفتحة الرقبة

_ هنخيط جوانب البالطو وهنركب الأكمام فى فتحتى الكم

_ هنثنى طرف البالطو من اسفل للداخل حوالى 3 سم وهنثبته بالسراجه من الداخل

_ هنخيط الجيب وبطانه الجيب فى بعضهم البعض ثم هنوصل فتة الجيب بفتحة الجيب الموجودة فى الجزء الأمامى مع تسريج حواف الجيب من داخل البالطو

ثم هنشتغل على طول حافة الجيب الخارجى باترون غرزة المروحة لمدة 3 سطور ونقفل العمل

_ هنخيط بطانة برواز الزراير على طول مرد الزراير اليمين والشمال وثنيه للداخل وتثبيتة بالسراجه فى داخل البالطو

_ هنركب الأربع زراير فى السفرة الأمامية اليمين فى مكانها

.........

ثم هنشتغل

* الكوله *

هنبدأ بعمل 67 سلسلة وهنشتغل باترون غرزة المروحة لمدة 9 سطور

_ ثم هنخيط الكولة على دوران فتحة الرقبة وهنقوم بثنى الكولة للداخل وتثبيتها بالداخل بالسراجه

...........

تم بحمد الله الإنتهاء من شرح البالطو
أتمنى لكم المتعة والفائدة

يسلملى ذوقك عزيزتى