امل محمد كتب:
ازيك يالهلوبة يارب تكوني فاكراني
اية اخبارك يارب تكوني بخير
كنت بتابع معاكي في دورة الكروشية بس طقت في دماغي اتعلم تريكو قوات مفيش غير لهلوبة
الدروس وافية والشرح مبسط وفرحت قوي لما لاقتني لسة عضوة جربت انفذ الغرزة العدلة والمقلوبة وطلعوا تمام بس اخر غرزة في السطر هي اللي مش بتبقي مشدودة كدة ومظبوطة علي الابرة ده عادي ولا في حاجة غلط عندي
للاسف مش هاعرف اصور لان الموبايل ضاع بس بشوف الدروس وبطبق انا وصلت للدرس ده ونفسي قوي اعمل جوانتي بصوابع لجوزي وابني وشكرا ليكي
حبيبتى طبعا فاكراكى نورتى المنتدى من تانى
بعد ما تلفى الشغل وتبدأى سطر جديد شدى الخيط كويس وانتى بتشتغلى اول غرزة هتلاقى الدنيا إتظبطت معاكى وبالممارسة هتلاقى الموضوع بقى أسهل إن شاء الله
