قائمة المنتديات » مطبخ لهلوبه » اطباق رئيسية و اكلات سريعة
بسم الله الرحمن الرحيمطاجن لسان العصفور باللحمة الموزة بالصور والخطوات مع مروة الشافعىدة كيلو لحمة من الموزة و ممكن اى لحمة ضانى أو كندوز أو عكاوى كلة ينفع فى حلة فيها معلقة سمنة و ورق لورة و حبهان و فصين من المستكة و بصلاية و أنزل باللحمة و اشوحها و تاخد لون جميلبعد كدة انزلى عليها بالمية المغلية و سيبى اللحمة تستوى برحتها تمام و بعد ما تستوى حطلها الملح و الفلفلكيسين من لسان العصفور. .. بصلاية كبيرة مبشورة. .فصين ثوم مهروسين. ..4 طمطمايات كبار مبشورة ....ملح و فلفل ...و بس خلاص
دورة تعلم الكروشيه من البداية وحتى الإحتراف
فى حلة فيها معلقة سمنة و معلقة زيت و حمرى اللسان العصفور كويس جداا مع التقليب عوزينوا ياخد اللون البنى الحلو و ميتحرقش ...بعد ما اتحمرت أنزل عليها بالبصل و اقلب. ...و عليهم الثوم المهروس و اقلب. ... لو بتحبى الحجات المشطشطة ممكن تضيفى قرن فلفل أخضر حامى متقطع صغيرو بعد كدة الطماطم و اقلب و رشة خفيفة من الملح و الفلفل و لسة هنضيف الشوربة بتاعت اللحمة و بتكون مملحة فا خلى بالك علشان الملح ميكترش منكو هنحط الشوربة بقى الجميلة بتاعت اللحمة على لسان العصفور يا دوب الشوربة تغطى لسان العصفور زى الصورة و بعد غلوتين غطيها و وطى النار خالص تقريبا 10 دقايق أو ربع ساعة و هيكون استوىبعد ما استوى مفلفل و جميل و ريحتة تجنن فى طاجن بقى أو صينية بيريكس حطى لسان العصفور زى الصورة و من فوق رصى اللحمة و خلاص دخليهم الفرن بس ربع ساعة على درجة 160 علشان يخدوا لون و يبقى الطاجن جاهز و يجنن و سهل و سريع جدااااا جربوة
