الطريقة بقى ... كيلو سجق شرقى من مكان مضمون أو جزار بتتعملى معاه .... 2 كيس مكرونة اى حاجة ... انا استخدمت مكرونة قلم "فرن" ... يكونوا مسلوقين بصلاية كبيرة متقطعة صغير فلفل ألوان متقطع صغير 3 فصوص ثوم كبار مهروسين. . 5 حبات من الماشروم متقطع شرايح. ."اختيارى " 1 طمطماية متقطعة صغير. . ملح و فلفل و بابريكا و بصل بودر و ثوم بودر. . جبنة رومى مبشورة. . جبنة موتزاريلا اول حاجة فى طاسة على النار فيها معلقة زيت و انزلى بالسجق إلى و يكون متقطع حجم كبير شوية هيبقى أحلى .... شوحى السجق بقى كويس و هينزل كل الدهون ألفية انتى ممكن تتخصلى منها بعد التشويح علشان دهون السجق احنا مش عوزنها هتدهنن المكرونة ... بعد تشويح السجق انزلى بقى بعد كدة بالبصل و تقلبتين و انزلى بالثوم و بعدين الفلفل الالوان و الماشروم و قلبى.. انزلى بالتوابل .. ملح و فلفل و ثوم و بصل بودر و بابريكا و رشة خفيفة جدااا من الشطة هتفرق ..و و آخر حاجة مكعبات الطماطم و قلبى تانى ... و ضيفى بقى معلقتين كبار من صلصة الطماطم و قلبى كلهم كويس ..يا دوب دقيقتين تقليب و خلاص اطفى علية ... هاتى بقى طاجن أو صينية بيركس و نزلى المكرونة و فوقيها السجق و عليهم جبنة رومى مبشورة و عليهم جبنة موتزاريلا و تانى طبقة مكرونة و فوقيها سجق تانى و آخر حاجة جبنة موتزاريلا على الوش و ممكن تقلبى المكرونة على السجق كلوا فى بعض من غير طبقات و تروشى موتزاريلا من فوق و دخليها الفرن على درجة 200 تقريبا ربع ساعة بس الجبنة تسيح .. و هيبقى طاجن مكرونة بالسجق وهمى يجنن
لا تستطيع كتابة مواضيع جديدة في هذا المنتدى لا تستطيع كتابة ردود في هذا المنتدى لا تستطيع تعديل مشاركاتك في هذا المنتدى لا تستطيع حذف مشاركاتك في هذا المنتدى لا تستطيع إرفاق ملف في هذا المنتدى
