دى لحمة ستيك بقرى ... و ممكن لحمة مكعبات أو موزة أو كندوز اى نوع لحمة و اى تقطيعة لحمة بالعضم او من غير عضم مفيش أى مشكلة كلوا ينفع
شوحى اللحمة فى حتت زبدة على النار و تبليها بالملح و الفلفل و خليها تاخد لون بنى جميل ... و شليها على جمب ..
حضرى بطاطس متقطعة مكعبات و بصلتين كبار مقطعين شرايح و 5 أو 6 فصوص ثوم صحاح أو شرايح. .. فلفل أخضر متقطع أو فلفل ألوان .....طمطماية كبيرة متقطعة مكعبات و ممكن تحطى جزر كمان أو بسلة
حطى عليهم بقى ملح و فلفل و بهارات لحمة اى بهارات لحمة عندك أو بهار البهارات البيكون اسمة مكتوب علية بهارات و بيتباع فى السوبرماركت عادى زى الكسبرة و الكمون كدة ....و رشة من البابريكا و جوزة الطيب " اختيارى ".
عنوان المشاركة: Re: ورقة اللحمة بالصور والخطوات بطريقة مروى الشافعى
مرسل: الأربعاء يناير 25, 2017 6:08 pm
مراقب عام
اشترك في: الاثنين إبريل 05, 2010 7:23 pm
مشاركات: 13047
مكان: المنصورة
قلبيهم فى بعض......
و حطى عليهم الصوص الفى الطاسة مكان تحمير اللحمة
هاتى بقى صينية و حطى فيها ورق ألومنيوم كدة زى الصورة ...
و حطى على الألومنيوم فويل ورق زبدة و دة لسببين. . السبب الأول أنها ورقة لحمة يعنى لازم تتلف فى ورقة و ثانيا علشان غلط نلف الفويل على الأكل مباشرا مش صحى .....
حطى بقى على ورق الزبدة الفردناة اللحمة التشوحت. ...
و من فوق الخضار المقطع المتبل ...
و اقفلى عليها بقى ورق الزبدة و الورق الفويل كويس اوى علشان ميسربش البخار .....
قفليها كدة زى الصورة و فى فرن سخن على درجة 300 أو اكتر لمدة ساعة و نص تقريبا ... و لو اللحمة بالعضم يبقى سبيها ساعتين علشان تستوى لأن اللحمة البلعضم بتاخد وقت أطول فى السوى و ممكن تختبريها يعنى تطلعى الصينية و تفتحيها بالراحة و شوفى اللحمة استوت ولا محتاجة وقت لسة فى الفرن ......
لا تستطيع كتابة مواضيع جديدة في هذا المنتدى لا تستطيع كتابة ردود في هذا المنتدى لا تستطيع تعديل مشاركاتك في هذا المنتدى لا تستطيع حذف مشاركاتك في هذا المنتدى لا تستطيع إرفاق ملف في هذا المنتدى
