باترون سالوبيت تريكو للأطفال _باترون سالوبيت تريكو بكم

سالوبيت تريكو - سالوبيت للاطفال - باترون سالوبيت تريكو - باترون تريكو مجانى - شرح تريكو - ترجمة تريكو - ترجمة رموز التريكو - تريكو للاطفال - غرز تريكو - دورات تريكو تعليمية - أزياء تريكو - ملابس اطفال تريكو - تريكو

بسم الله الرحمن الرحيم

سالوبيت تريكو للأطفال سهل جدا لشتاء دافئ



الرسم التخطيطى للسالوبيت



المقاس بالسن:1/3 - 6/9 - 12/18شهر (2 - 3/4)سنه
المقاس بطول الطفل:50/56-62/68-74/80 (86/92-98/104)سم

المواد المطلوبه:
صوف جنجا 250-300-300 (350-400)جرام
ابر تريكو مدببه ودائرية مقاس 5 ومقاس 4 للبليسيه
زراير خشب 5-5-6 (6-6)قطعة

ملاحظه:
فتحات الزراير فى هذا الموديل
هنقفل عشان فتحات الزراير فى البرواز الامامى اليمين كالتالى هنشتغل الغرزة الثالثة والرابعه من البرواز الامامى معا ثم هنعمل لفه وفى السطر التالى هنشتغل اللفه عدل
هنقفل عشان فتحات الزراير عندما يصل الطول الى:
مقاس1/3شهور=24, 31, 38 , 45سم
مقاس6/9شهور=28, 37, 45 , 53سم
مقاس12/18شهور=32, 40, 48, 55 , 62سم
مقاس2سنه=34, 42, 50, 58 , 67سم
مقاس3/4 سنه=39, 47, 56, 65 , 74سم
ملاحظه اخر فتحة زرار هنعملها على برواز الرقبه

شرح السالوبيت
؛؛الرجل:
_هنشتغل الرجلين فى وقت واحد
_هنبدأ بعمل 44-48-52 (56-60)غرزة لكل رجل ونشتغل سطر عدل ثم هنستمر بعمل البليسيه(2ع,2م)ونكرر مابين الاقواس
_عندما يصل الطول الى 12 سم هنستمر بعمل غرزة القماشةوفى نفس التوقيت هنقص 10-12-12 (12-12)غرزة على مدار السطر سيصبح عدد الغرز بعد التنقيص=34-36-40 (44-48)غرزة
_عندما يصل الطول الى 14سم هنزود غرزة من كل جانب ونكرر التزويد كل 2-2-3 (4-5) سطر لمدة7-8-9 (9-10)مرات سيصبح عدد الغرز بعد جميع التزويدات=48-52-58 (62-68)غرزة
_عندما يصل الطول الى 21-24-28 (31-36)سم هنقفل غرزتين من كل جانب سيصبح عدد الغرز=44-48-54 (58-64)غرزة


؛؛جسم السالوبيت:
هنشتغل الوش والظهر معا
_عندنا على السنارة دلوقتى 88-96-108 (116-128)غرزة
_هنبدأ اول سطر كالتالى هننشأ3غرز جديده ثم هنشتغل كل الغرز عدل وفى نهاية السطر هننشأ3غرز جديدة سيصبح عدد الغرز=94-102-114 (122-134)غرزة
_هنضع علامه بعد 25-27-30 (32-35)غرزة ثم علامه اخرى بعد 44-48-54 (58-64) غرزة لمعرفة الظهر من الوش عشان اما نيجى نفصلهم عند حردة الباط
_هنستمر بعمل غرزة القماشة مع عمل 5غرز طوق من كل جانب للبرواز الامامى
_فى نفس الوقت عندما يصل الطول الى 24-28-32 (34-39)سم هنبدا بعمل فتحات الزراير كما هو مشروح فى اول الموضوع على البرواز الامامى اليمين
_عندما يصل الطول الى 45-53-61 (65-71)سم هنقسم الشغل اتنين من عند العلامات وهنشتغل الظهر لوحده والوش لوحده


؛؛الظهر:
_عدد الغرز= 44-48-54 (58-64)غرزة
_هنستمر بعمل غرزة القماشة وفى نفس الوقت هنزود غرز جديدة عشان الكم من كل جانب فى نهاية كل سطر كالتالى
3غرز 2-1-3 (1-2)مره
5غرز 1-2-1 (2-2)مرة
7غرز 1-1-1 (2-2)مرة
9-10-11 (14-16)غرز مرة واحدة
سيصبح عدد الغرز بعد التزويدات= 98-108-118 (140-156) غرزة
_عندما يصل الطول الى 55-64-73 (78-85)سم هنقفل ال16-18-18 (20-20)غرزة اللى فى المنتصف عشان حردة الرقبة ونشتغل سطرين فوق ال 41-45-50 (60-68)غرز المتبقيه لكل ناحية ثم نقفل العمل


؛؛الجزء الامامى الشمال:
_عدد الغرز=25-27-30 (32-35)غرزة
_هنستمر بعمل غرزة القماشة مع عمل 5غرزة الطوق للبرواز الامامى
_فى نفس الوقت هنزود غرز جديده عشان الكم من الجانب فى نهاية كل سطر كما هوا مشروح فى الظهر
_سيصبح عدد الغرز بعد التزويدات =52-57-62 (73-81)غرزة
_عندما يصل الطول الى 52-61-69 (74-81)سم هنقفل 5-6-6 (7-7)غرزة ناحية الرقبه ثم هنقص عشان حردة الرقبه كالتالى
غرزتين مرتين
غرزة مرتين
سيصبح عدد الغرز=41-45-50 (60-68) غرزة
_هنقفل الشغل عندما يصل الطول الى 56-65-74 (79-86) سم

؛؛الجزء الامامى اليمين:
زى الجزء الامامى الشمال ولكن معكوس مع عمل فتحات الزراير

_هنوصل القطع ببعضها ونخيطها

؛؛برواز الرقبه:
_هنلقط حوالى 52 _65 غرزة حول الرقبة
_هنشتغل 4 سطور غرزة الطوق فى نفس الوقت فى السطر التانى هنقفل اخر فتحة زرار على نفس مستوى فتحات الزراير الاخرى ونقفل الشغل من الناحية الخلفية للعمل


؛؛برواز الكم :
_ هنلقط 32-36-36 (40-40)غرزة هنشتغل سطر مقلوب ونستمر بعمل البليسية (2ع,2م)
_هنقفل عندما يصل الطول الى 5سم

......................

وبكدا يكون الشرح خلص واى استفسار انا تحت امركم

ان شاء الله ماما تيتا نؤنؤ هتوريكوا التطبيق قريب
شكرا لكى دريم

ان شاء الله ياماما وربنا يخليكى لينا وتعملي حاجات جميلة على طول

يسلملى ذوقك حبيبتى
الصور موجودة بالفعل
قد تكون المشكلة فى سرعة النت عندك او فى متصفحك انصحك باستخدام جوجل كروم فهو الافضل على الاطلاق
وانا تحت امرك فى اى استفسارات