باترون بوت كروشيه حريمى والشرح بالعربى بالتفصيل

بسم الله الرحمن الرحيم

باترون بوت كروشيه حريمى والشرح بالعربى بالتفصيل



وهنا أحد التطبيقات



........

المقاسات = 35/37 - 38/40 - 41/43

طول القدم = 22 - 24 - 27 سم

إرتفاع البوت = 26 - 27 - 28 سم

.......

المواد المستخدمة :

_ 250 - 250 - 300 جرام من الخيط
_ إبرة كروشيه مقاس 7 مللى

.......

قياس الوحدة = 10 × 10 سم = 10 عماويد × 11 سطر

( خطوات عمل البوت )

_ هنبدأ شغل البوت من مقدمة الأصابع

_ هنبدأ بعمل 3 سلاسل وهنقفل الدائرة بعمل منزلقة فى أول سلسلة

_ السطر 1 = هنشتغل سلسلة إرتفاع , ثم 4 - 4 - 5 غرزة حشو فى دائرة البداية وهنقفل السطر بعمل منزلقة فى سلسلة الإرتفاع

السطر 2 = هنشتغل غرزتين حشو فى كل غرزة حتى أخر السطر

عدد الغرز = 10 - 10 - 12 غرزة

السطر 3 = ( غرزة حشو فى اول غرزة , ثم غرزتين حشو فى الغرزة التالية ) هنكرر مابين الأقواس حتى أخر السطر

عدد الغرز = 15 - 15 - 18 غرزة

السطر 4 = ( غرزة حشو فى اول غرزة , ثم غرزة حشو فى ثانى غرزة , ثم غرزتين حشو فى الغرزة التالية ) هنكرر مابين الأقواس حتى أخر السطر

عدد الغرز = 20 - 20 - 24 غرزة

السطر 5 = هنشتغل غرزة حشو فى كل غرزة وفى نفس الوقت هنزود 0 - 2 - 0 غرزة حشو بالتساوى على مدار السطر

عدد الغرز = 20 - 22 - 24 غرزة

_ ثم هنكمل بعمل غرزة حشو فى كل غرزة حتى يصل الطول إلى 14 - 16 - 18 سم من البداية

هنضع علامه فى الغرزة رقم 13 - 15 - 17 من بداية السطر ومن هذه العلامه هنكمل شغل أمام وخلف العمل لعمل كعب البوت كالتالى :

هنشتغل غرزة حشو فى غرزة الحشو اللى فيها العلامة , ثم هنشتغل غرزة حشو فى كل غرزة من 13 - 15 - 17 غرزة التاليين , هنلف الشغل وهنترك أخر 6 غرز حشو بدون شغل

هنستمر بعمل غرزة حشو فى كل غرزة من 14 - 16 - 18 غرزة الموجودين على السطر حتى يصل الطول الى 20 - 22 - 25 سم من البداية هنضع علامة فى منتصف السطر ( بمعنى سيكون على كل جانب 7 - 8 - 9 غرز حشو )

_ فى السطر التالى هنقص غرزة حشو على جانبى العلامة سيصبح عدد الغرز = 12 - 14 - 16 غرزة حشو

_ هنشتغل سطر بدون تنقيص وسيصبح طول القدم الان تقريبا 22 - 24 - 27 سم من بداية الأصابع حتى الكعب

_ هنوصل أو هنقفل مؤخرة السليبر بعمل سطر من الغرزة المنزلقة خلال الناحيتين

....

ثم هنكمل الان عمل رجل البوت كالتالى :

_ هنشتغل دائرى بداية من الوصلة فى الخلف مع وضع علامة فى أول السطر

السطر 1 = هنشتغل 9 - 11 - 12 غرزة حشو بالتساوى على طول غرز الحشو فى احد الجوانب حتى نصل لمقدمة البوت هنشتغل غرزة حشو فى كل غرزة من ال ست غرز التاليين ثم هنشتغل 9 - 11 - 12 غرزة حشو بالتساوى على طول غرز الحشو فى الجانب الاخر وهنقفل السطر بمنزلقة فى سلسلة الإرتفاع

عدد الغرز = 24 - 28 - 30 غرزة حشو

السطر 2 = هنشتغل غرزة عمود فى اللفة الخلفية لكل غرزة حشو

السطر 3 = هنشتغل غرزة حشو فى اللفة الخلفية لكل غرزة عمود

السطر 4 = هنشتغل غرزة عمود ثلاثى فى اللفة الخلفية لكل غرزة حشو

السطر 5 = هنشتغل غرزة حشو فى اللفة الخلفي لكل غرزة عمود ثلاثى

هنكرر السطور من 2 الى 5 حتى تصل طول رجل البوت إلى 25 - 26 - 27 سم

هنشتغل سطر غرزة حشو فى كل غرزة وهنقفل الشغل

.........

( الرباط والبوم بوم )

_ هنشتغل سطر من السلاسل حوالى 90 سم وهندكك هذا الرباط فى اعلى البوت بين الغرز بحيث تكون بدايته ونهايته فى مقدمة البوت

_ ثم هنعمل كورتين من البوم بوم قطرهم حوالى 5 سم وهنخيط كل كورة فى أحد طرفى الرباط

وهنا فيديو يوضح طريقة عمل البوم بوم

https://vimeo.com/6762091

شرح رائع

تسلم يداكى

تسلمى
نورتى الموضوع