جاكيت كروشيه للبنوتات من شهر حتى 4 سنوات بالباترون والشرح بالعربى

بسم الله الرحمن الرحيم

جاكيت كروشيه للبنوتات من شهر حتى 4 سنوات بالباترون والشرح بالعربى



.........

وهنا بعض التطبيقات للعضوات

















.........

المقاسات = 0/1 شهر - 1/3 شهر - 6/9 شهر - 12/18 شهر - سنتين - 3/4 سنوات

المقاسات النهائية للجاكيت :

دوران الصدر = 42 - 48 - 52 - 56 - 62 - 68 سم
طول الجاكيت = 26 - 30 - 32 - 35 - 38 - 42 سم

وفى الرسم التخطيطى التالى يوضح القياسات النهائية لأجزاء الجاكيت



........

المواد المستخدمة :

_ 150 - 150 - 150 - 200 - 200 - 200 جرام من الخيط الوردى

_ 50 - 50 - 50 - 50 - 50 - 100 جرام من الخيط الأبيض

_ إبرة كروشيه مقاس 3.5 مللى

_ 3 - 3 - 3 - 5 - 5 - 5 زراير

........

قياس الوحدة = 10 × 10 سم = 22 عمود × 8 سطور

( خطوات عمل الجاكيت )

_ الجاكيت مشغول من فوق لتحت أمام وخلف العمل بداية من المنتصف الأمامى

_ باللون الوردى هنبدأ بعمل 82 - 86 - 90 - 90 - 90 - 94 سلسلة

_ السطر 1 ( ظهر العمل ) = هنشتغل سلسلة إرتفاع , ثم هنشتغل غرزة حشو فى كل الغرز حتى أخر السطر

* وفى نفس الوقت فى هذا السطر هنضع 4 علامات وهنقسم الجاكيت كالتالى :

15-16-17-17-17-18 غرزة ( هيمثلوا الجزء الأمامى الشمال) , هنضع علامة 1 فى غرزة الحشو التالية , 14 غرزة ( هيمثلوا الكم الشمال ) , هنضع علامة 2 فى غرزة الحشو التالية , 20-22-24-24-24-26 غرزة ( هيمثلوا الظهر ) , هنضع علامة 3 فى غرزة الحشو التالية , 14 غرزة ( هيمثلوا الكم اليمين ) , هنضع علامة 4 فى غرزة الحشو التالية , 15-16-17-17-17-18 غرزة ( هيمثلوا الجزء الأمامى اليمين)

_ ثم هنبدأ نشتغل كالتالى:

السطر 2 ( وجه العمل ) = هنشتغل 3 سلاسل إرتفاع , ثم هنشتغل غرزة عمود فى كل غرزة حتى أخر السطر (فيما عدا غرز الحشو الموجود بها الأربع علامات هنشتغل فى كل غرزة منهم 2 عمود وسلسلتين و 2 عمود )
سيصبح عدد الغرز = 94 - 98 - 102 - 102 - 102 - 106 غرزة عمود

السطر 3 = هنشتغل سلسلة إرتفاع , ثم هنشتغل غرزة حشو فى كل الغرز حتى أخر السطر ( مع شغل سلسلتين فوق كل سلسلتين من السطر السابق )

السطر 4 = هنشتغل 3 سلاسل إرتفاع , ثم هنشتغل غرزة عمود فى كل غرزة حتى أخر السطر (فيما عدا الأربع فراغات أسفل كل سلسلتين هنشتغل فى كل فراغ منهم 2 عمود وسلسلتين و 2 عمود )

السطر 5 = هنشتغل سلسلة إرتفاع , ثم هنشتغل غرزة حشو فى كل الغرز حتى أخر السطر ( مع شغل سلسلتين فوق كل سلسلتين من السطر السابق )


هنكرر السطرين 4 و 5 / 2 - 3 - 4 - 5 - 6 - 7 مرات أخرى

سيصبح عدد الغرز بعد جميع التزويدات = 158 - 178 - 198 - 214 - 230 - 250 غرزة

_ السطر التالى ( وجه العمل ) = هنبدأ نفصل شغل الأكمام عن الظهر والجزئين الأماميين اليمين والشمال كالتالى

هنشتغل غرزة عمود فى كل غرزة من 25 - 28 - 31 - 33 - 35 - 38 غرزة التاليين ( هيمثلوا الجزء الأمامى الشمال ) , هنشتغل 6 _ 6 _ 6 _ 6 _ 8 _ 8 سلاسل طائرة , هنفوت 34 - 38 - 42 - 46 - 50 - 54 غرزة التاليين بدون شغل ( هيمثلوا الكم الشمال ) , ثم هنشتغل غرزة عمود فى كل غرزة من 40 - 46 - 52 - 56 - 60 - 66 غرزة التاليين ( هيمثلوا الظهر ) , هنشتغل 6 _ 6 _ 6 _ 6 _ 8 _ 8 سلاسل طائرة , هنفوت 34 - 38 - 42 - 46 - 50 - 54 غرزة التاليين بدون شغل ( هيمثلوا الكم اليمين) , ثم هنشتغل غرزة عمود فى كل غرزة من 25 - 28 - 31 - 33 - 35 - 38 غرزة التاليين ( هيمثلوا الجزء الأمامى اليمين )

ثم هنكمل شغل فوق الأكمام وجسم الجاكيت منفصلين كالتالى :

* أولا *

(جسم الجاكيت )

_ الأن مكون من 25 - 28 - 31 - 33 - 35 - 38 غرزة ( هيمثلوا الجزء الأمامى اليمين ) , 6 _ 6 _ 6 _ 6 _ 8 _ 8 سلاسل طائرة , 40 - 46 - 52 - 56 - 60 - 66 غرزة التاليين ( هيمثلوا الظهر ) , 6 _ 6 _ 6 _ 6 _ 8 _ 8 سلاسل طائرة , 25 - 28 - 31 - 33 - 35 - 38 غرزة التاليين ( هيمثلوا الجزء الأمامى الشمال)

السطر التالى ( ظهر العمل ) = هنشتغل سلسلة إرتفاع ثم هنشتغل غرزة حشو فى كل غرزة حتى أخر السطر
عدد الغرز = 102 - 114 - 126 - 134 - 146 - 158 غرزة حشو

* وفى نفس الوقت هنضع علامتين لتحديد جوانب الجاكيت كالتالى

28_ 31 _ 34 _ 36 _ 39 _ 41 غرزة للجزء الأمامى الشمال , هنضع علامة 1 , 46 - 52 - 58 - 62 - 68 - 74 غرزة للظهر , هنضع علامة 2 , 28_ 31 _ 34 _ 36 _ 39 _ 41 غرزة للجزء الأمامى اليمين

_ هنستمر بعمل سطر عماويد وسطر حشو وفى نفس الوقت عندما يصل طول الجسم من تحت الإبط إلى 2 - 2 - 2 - 3 - 2 - 3 سم هنزود غرزة على جانبى كل علامة ( بمعنى ككل هنزود 4 غرز فى السطر = غرزتين فى الجانب اليمين و غرزتين فى الجانب الشمال )

_ وهنكرر التزويد كل تقريبا 1 - 1.5 - 1.5 - 1.5 - 1.5 - 1.5 سم / 10 - 10 - 10 - 10 - 13 - 13 مرة أخرى

سيصبح عدد الغرز بعد جميع التزويدات = 146 - 158 - 170 - 178 - 202 - 214 غرزة

_ عندما يصل طول الجسم من تحت الإبط إلى 15 - 17 - 18 - 20 - 22 - 24 سم هنشتغل سطر حشو من ظهر العمل وفى نفس الوقت هنزود خلال السطر 2 - 2 - 2 - 0 - 0 - 0 غرزة بالتساوى على مدار السطر

سيصبح عدد الغرز = 148 - 160 - 172 - 178 - 202 - 214 غرزة حشو

_ ثم بإستخدام الخيط الأبيض هنشتغل باترون غرزة المروحه كالتالى :



السطر 1 (وجه العمل ) = سلسلة إرتفاع , هنشتغل غرزة حشو فى أول غرزة , ( 3سلاسل طائرة , هنفوت غرزتين , غرزة حشو فى الغرزة التالية ) هنكرر مابين الأقواس حتى اخر السطر

السطر 2 = 3 سلاسل إرتفاع , 3عواميد وسلسلتين و3 عواميد فى الفراغ التالى , ( ثم غرزة عمود فى الفراغ التالى , 3عواميد وسلسلتين و3 عواميد فى الفراغ التالى) هنكرر مابين الأقواس حتى اخر السطر وننهى السطر بعمل غرزة عمود فى اخر غرزة حشو

السطر 3 = 3 سلاسل إرتفاع , 3عواميد وسلسلتين و3 عواميد فى الفراغ أسفل السلسلتين , ( ثم غرزة عمود فى غرزة العمود التالية , 3عواميد وسلسلتين و3 عواميد فى الفراغ التالى) هنكرر مابين الأقواس حتى اخر السطر وننهى السطر بعمل غرزة عمود فى اخر سلسلة إرتفاع من السطر السابق

هنقفل الشغل

* ثانيا *

( الأكمام )

_ عبارة عن 34 - 38 - 42 - 46 - 50 - 54 غرزة

_ بالخيط الوردى هنكمل شغل كالتالى

السطر 1 ( ظهر العمل ) = هنبدأ 3 - 3 - 3 - 3 - 4 - 4 سلاسل , هنشتغل غرزة حشو فى كل غرزة حتى أخر السطر ثم هنبدأ 5 - 5 - 5 - 5 - 6 - 6 سلاسل هنلف الشغل

السطر 2 = هنشتغل غرزة عمود فى السلسلة الرابعه من الإبرة , ثم غرزة عمود فى كل غرزة حتى اخر السطر
عدد الغرز = 40 - 44 - 48 - 52 - 58 - 62 غرزة

_ هنستمر بعمل سطر حشو وسطر عواميد وفى نفس الوقت عندما يصل طول الكم من تحت الإبط إلى 2 - 2 - 3 - 3 - 3 - 3 سم هنقص غرزة من كل جانب

وهنكرر التنقيص كل 8 - 5 - 3 - 3 - 2.5 - 2.5 سم / 1 - 2 - 4 - 5 - 7 - 8 مرات أخرى

سيصبح عدد الغرز بعد جميع التنقيصات = 36 - 38 - 38 - 40 - 42 - 44 غرزة

_ عندما يصل طول الكم من تحت الإبط إلى 13 - 14 - 16 - 19 - 23 - 26 سم وبحيث يكون اخر سطر مشغول سطر عواميد هنبدل الى الخيط الأبيض وهنشتغل سطر حشو وفى نفس الوقت هنزود 4 - 2 - 2 - 6 - 4 - 2 غرزة بالتساوى على مدار السطر
سيصبح عدد الغرز = 40 - 40 - 40 - 46 - 46 - 46 غرزة

_ ثم هنشتغل باترون غرزة المروحه

السطر 1 (وجه العمل ) = سلسلة إرتفاع , هنشتغل غرزة حشو فى أول غرزة , ( 3سلاسل طائرة , هنفوت غرزتين , غرزة حشو فى الغرزة التالية ) هنكرر مابين الأقواس حتى اخر السطر

السطر 2 = 3 سلاسل إرتفاع , 3عواميد وسلسلتين و3 عواميد فى الفراغ التالى , ( ثم غرزة عمود فى الفراغ التالى , 3عواميد وسلسلتين و3 عواميد فى الفراغ التالى) هنكرر مابين الأقواس حتى اخر السطر وننهى السطر بعمل غرزة عمود فى اخر غرزة حشو

السطر 3 = 3 سلاسل إرتفاع , 3عواميد وسلسلتين و3 عواميد فى الفراغ أسفل السلسلتين , ( ثم غرزة عمود فى غرزة العمود التالية , 3عواميد وسلسلتين و3 عواميد فى الفراغ التالى) هنكرر مابين الأقواس حتى اخر السطر وننهى السطر بعمل غرزة عمود فى اخر سلسلة إرتفاع من السطر السابق

هنقفل الشغل

..........

( التقفيل )

_ هنخيط أسفل الأكمام

_ هنخيط الزراير فى الناحية الشمال على مسافات متساوية بحيث يكون اول زرار على بعد 1 سم من فتحة الرقبة ثم المسافه بين كل زرار والأخر من 5 الى 7 سم

( الكوله )

** خطوه هامة جدا قبل عمل الكوله وهيا عمل إرتفاع فى حردة الرقبة الخلفية كالتالى :

هنضع علامة فى كل خط رجلان ثم

بإستخدام الخيط الوردى وبداية من الغرزة رقم 11 من المنتصف الأمامى هنشتغل غرزة حشو فى كل الغرز حتى نصل الى اخر غرزة قبل الغرزة اللى فيها اول علامة , هنشتغل غرزة نصف عمود فى الغرزة التالية ثم غرزة عمود فى الغرزة اللى فيها العلامة ثم غرزة نصف عمود فى الغرزة التالية , ثم هنشتغل غرزة حشو فى كل الغرز حتى نصل الى اخر غرزة قبل الغرزة اللى فيها ثانى علامة , هنشتغل غرزة نصف عمود فى الغرزة التالية ثم غرزة عمود فى الغرزة اللى فيها العلامة ثم غرزة نصف عمود فى الغرزة التالية , هنشتغل غرزة حشو فى كل الغرز حتى نصل الى اخر غرزة قبل الغرزة اللى فيها ثالث علامة , هنشتغل غرزة نصف عمود فى الغرزة التالية ثم غرزة عمود فى الغرزة اللى فيها العلامة ثم غرزة نصف عمود فى الغرزة التالية , ثم هنشتغل غرزة حشو فى كل الغرز حتى نصل الى اخر غرزة قبل الغرزة اللى فيها رابع علامة , هنشتغل غرزة نصف عمود فى الغرزة التالية ثم غرزة عمود فى الغرزة اللى فيها العلامة ثم غرزة نصف عمود فى الغرزة التالية , ثم هنشتغل غرزة حشو فى كل غرزة حتى يتبقى 10 غرز على المنتصف الأمامى , هنلف الشغل ونشتغل غرزة حشو فى كل الغرز فيما عدا الغرز اللى فيها العلامة والغرزة اللى قبلها وبعدها هنشتغلهم 3 غرزة حشو معا

** الأن هنبدأ بعمل الكوله بالخيط الوردى وبداية من الغرزة الرابعه من المنتصف الأمامى هنشتغل غرزتين حشو معا ثم غرزة حشو فى كل الغرز حتى يتبقى 5 غرز هنشتغل غرزتين حشو معا ثم هنلف الشغل تاريكين 3 غرز بدون شغل

هنستمر بشغل سطر عواميد وسطر حشو وفى نفس الوقت عندما يصل طول الكولة الى 3 - 3 - 3 - 4 - 4 - 4 سم هنزود فى السطرين التاليين كما يلى وكما هو موضح فى الباترون التالى



سيصبح طول الكوله حوالى 5 - 5 - 5 -6 - 6 - 6 سم هنقفل الشغل

.....

( البرواز على طول المرد الامامى )

_ بإستخدام الخيط الأبيض وظهر العمل مقابل لنا وبداية من تحت من الناحية الشمال هنشتغل سطر حشو على طول المرد من تحت لفوق ثم فوق الثلاث غرز المتروكين على دوران الرقبة ( هنشتغل تقريبا غرزة حشو فوق كل سطر حشو وهنشتغل غرزتين حشو فوق كل سطر عواميد )

هنلف العمل وهنشتغل ( 3 سلاسل , هنفوت غرزتين حشو , هنشتغل غرزة حشو فى الغرزة التالية ) هنكرر مابين الأقواس حتى اخر السطر

_ هنشتغل المرد اليمين بالمثل

.....

( البرواز على دوران الكوله )

_ بإستخدام الخيط الأبيض ووجه العمل مقابل لنا وبداية من أحد أركان الكولة هنشتغل سطر حشو على طول دوران الكوله

هنلف العمل وهنشتغل السطر التالى كما يلى :

( 3سلاسل , هنفوت غرزتين حشو , هنشتغل غرزة حشو فى الغرزة التالية ) هنكرر مابين الأقواس حتى أخر السطر هنلف الشغل

ثم هنشتغل سطر غرزة المروحه كالتالى :

هنشتغل غرزة منزلقة حتى منتصف اول فراغ , هنشتغل 3 سلاسل إرتفاع , ( 3 عواميد وسلسلتين و3 عواميد فى الفراغ التالى , غرزة عمود فى الفراغ التالى ) هنكرر مابين الأقواس حتى أخر السطر


.........

( الفيونكة )

_ هنبدأ بعمل 11 سلسلة بالخيط الأبيض
السطر 1 = غرزة عمود فى رابع سلسلة من الإبرة , غرزة عمود فى كل سلسلة من السبع سلاسل التالية
عدد الغرز = 9 غرز

هنلف العمل

هنشتغل سطر حشو وسطر عواميد حتى يصل الطول الى 10 سم وبحيث يكون اخر سطر مشغول حشو هنقفل العمل

هنثنى الشريط ونخيط الطرفين ببعض بحيث يتكون شريط مزدوج وهنلف بعض الخيط حول منتصف الشريط لعمل الفيونكه

_ هنخيط الفيونكة فى مكانها

.........

تم بحمد الله الإنتهاء من شرح الجاكيت
أتمنى لكم المتعه والفائدة

تسلمى حبيبتى
نورتى الموضوع