كيف تحدد سعرا لمنتجاتك اليدوية (كروشيه أو تريكو ) ؟
رسالة مكررة بتوصلنى كثير جدا للناس اللى بتشتغل تريكو أو كروشيه ومش عارفه تسعر شغلها .
* الحقيقة وقبل أى شئ فى رأى المتواضع أى شغل يدوى بالنسبالى ( لايقدر بثمن ) مش بس التريكو أو الكروشيه لأ كل الأشغال اليدوية خياطة , تطريز , صناعة إكسسوارات , إلخ ..... إعرفوا كويس قوى إن سعر القطعه اليدوية مهما كانت غاليه لا يضاهى قيمتها الحقيقية .
لما شخص بيشترى قطعة تريكو على سبيل المثال هو فى الوا قع بيشترى جزء من تفكير وثقافة ومجهود وتعب وسهر وذكاء وبحث ( بإختصار وبدون مبالغة إعتبر إنك إشتريت جزء من عقل المبدع اللى نفذ القطعه اليدوية دى تخيل بقا إنسان إدالك جزء من عقله بكل حب وبمقابل مادى بسيط لا يضاهى ابدا القيمه الحقيقية للعمل علشان يسعدك )
علشان كده عند النقطة دى لازم أوجه تحية كبيرة لكل المبدعين اليدويين فى كل المجالات
المقصود هنا إن إنتى ملكيش دعوه بسعر الخيط سواء كان غالى أو رخيص ده مالهوش علاقه بتقييم مجهودك لأن ببساطة إنتى بتعملى نفس المجهود سواء كان الخيط رخيص او غالى علشان كده فصلت سعر الخيط عن ثمن المجهود
أنا بقول كده لأن فيه البعض بيحسب سعر مجهوده مساوى لسعر الخيط طيب يامؤمن نفترض ان الخيط ب 30 جنيه (رخيص جدا) ليه اظلم مجهودى وأقيمه هو كمان ب 30جنيه
....
(ثانيا)
ثمن المجهود (متغير)
وهنا هنقسمه لثلاث مستويات على حسب صعوبة الشغل
فإذا كان الشغل سهل ( يعنى غرز عادية بليسيه , جيرسيه , طوق وهكذا ) فهيكون ثمن المجهود للشله الواحدة (100 جرام) = 35 جنيه
وإذا كان الشغل متوسط ( الشغل يحتوى على ضفيرة أو شغل لاسيه ) فهيكون ثمن المجهود للشله الواحدة (100 جرام) = 45 جنيه
وإذا كان الشغل صعب ( الشغل كله عبارة عن ضفائر مركبة أو أى باترون صعب ) فهيكون ثمن المجهود للشله الواحدة (100 جرام) = 55 جنيه
ومعنى كلمة متغير انه بيختلف على حسب صعوبة الشغل وأيضا على حسب تقييمك إنتى لمجهودك يعنى فيه ناس هتشوف إن الارقام اللى انا كاتباها مبالغ فيها وناس تانيه هتشوف انها رخيصه وده بقا يرجع ليكى إنتى وكل واحد أدرى بالمجهود اللى بيعمله
لا تستطيع كتابة مواضيع جديدة في هذا المنتدى لا تستطيع كتابة ردود في هذا المنتدى لا تستطيع تعديل مشاركاتك في هذا المنتدى لا تستطيع حذف مشاركاتك في هذا المنتدى لا تستطيع إرفاق ملف في هذا المنتدى
