نيرمين العدوى كتب:
لو سمحتى ممكن توضحيلى بس فكرة دى باى طريقه تانيه:
الأن هنضع 8 غرز فى المنتصف على ابرة وكل 12 غرزة فى كل ناحية على إبرة كما فى الرسم السابق
_هنشتغل غرزة الطوق فوق 8 غرز فى المنتصف مع قفل غرزة من على كل إبرة جانبية فى بداية ونهاية كل سطر
يعنى فى السطر الاول هتشتغلى غرزة من الابرة اليمين مع غرزة من الابرة فى المنتصف وتشتغليهم 2 ع معا ثم تشتغلى 6 غرز عدل ثم تشتغلى اخر غرزة من الابرة فى المنتصف مع اول غرزة فى الابرة الشمال وتشتغليهم 2ع معا
انا الحته دى مش عارفه اعملها خالص زى الصورة
بصى يانيرمين
انتى دلوقتى عندك كل الغرز متوزعه على 3 إبر (يمين ومنتصف وشمال) كالتالى
اليمين عليها 12 غرزة والمنتصف عليها 8 غرز والشمال عليها 12 غرزة
هتبدأى تشتغلى إزاى
هتجيبى الابرة الرابعه اللى هتشتغلى بيها كالتالى
هتدخلى الابرة فى اخر غرزة موجودة على الابرة الشمال وكمان تتدخليها فى اول غرزة موودة على الابرة اللى فى المنتصف بمعنى انك دخلتى الابرة فى غرزتين وهتشتغلى الغرزتين دول 2 عدل معا ثم هتكملى شغل هتشتغلى 6 غرز اللى فى الابرة اللى فى المنتصف هتشتغليهم عدل هيتبقا عندك غرزة على الابرة اللى فى المنتصف هتدخلى فيها الابرة وكمان هتدخلى الابرة فى اول غرزة موجودة على الابرة اليمين وتشتغليهم 2 عدل معا وبكدا تكونى خلصتى اول سطر
هتعملى كده فى كل السطور لغايه مايتبقا عندك غرزة واحده على الابرة اليمين وغرزة واحده على الابرة الشمال هتنقليهم على الابرة اللى فى المنتصف هيبقا عندك 10 غرز على الابرة اللى فى المنتصف
امشى على الخطوات دى بالظبط وشوفى ايه الجزء اللى مش مفهوم علشان اقدر اشرحهولك افضل من كده واقدر اوصلك الفكرة
