اولا للقبعة دى محتاجين ابرة كروشيه مقاس 6 و خييط سميك يناسب مقاس الابر و 150 جرام خيط الغرزة المستخدمة غرزة العمود امامى و خلفى
بسم الله
1- نعمل دايرة سحريه بعدها 3 سلاسل - ثم 11 عمود داخل الدايرة ... نشد طرف الخيط علشان نضيق الدائرة ح نقفل بمنزلقة و كدة تبقى اللفة الاولى خلصت و اصبح عندنا = 12 عمود 2-اللفة التانية ح نعمل 3 سلاسل ارتفاع - و دى لفة تزويد
الغرزة اللى جاية ح نشتغل 2 عمود امامى فى نفس الغرزة - الغرزة اللى بعدها 1 عمود خلفى ... و هكزا ح نكمل للاخر 2 عمود اامامى و 1 عمود خلفى ... ثم نقفل بمنزلقة
ودى فيديو ازاى نشتغل العمود الامامى و الخلفى
اللفة التالتة... لفة تزويد للاعمدة الخلفية فقط
3 سلاسل ارتفاع ثم -1 عمود امامى - 1 عمود امامى - الغرزة اللى بعدها 2 عمود خلفى فى نفس الغرزة .. و ح نكمل بنفس الطريقة لاخر اللفة 1عمود امامى - ثم 1 عمود امامى - ثم 2 عمود خلفى معا فى نفس الغرزة .... منتهية ب 1 عمود خلفى فقط + 3 سلاسل الارتفاع للبداية = يتم حسابهم على انهم غرزة ...فى النهاية بنقفل بمنزلقة فى رأس السلاسل التلاتة بتوع البداية
اللفة الرابعة : لفة تزويد فى واحدة فقط من الاعمدة الامامية 3 سلاسل ارتفاع
1 عمود امامى - 2 عمود امامى فى نفس الغرزة - اعمود خلفى - 1 عمود خلفى ... و بنكرر الاربع غرز دول بنفس الترتيب الى نهاية اللفة ثم نقفل منزلقة
اللفة الخامسة : لفة تزويد لغرزة واحدة من الاعمدة الخلفية
3 سلاسل ارتفاع
1 عمود امامى -- 1 عمود امامى - 1 عمود امامى - 1 عمود خلفى- 2 عمود خلفى فى نفس الغرزة ... و نكرر الخمس غرز دول بنفس الترتيب لنهاية اللفة ثم نقفل بمنزلقة
انتظرينى فى باقى الشرح ان شاء الله ... و تحت امرك فى اى سؤال
آخر تعديل بواسطة ميرفت في السبت يناير 10, 2015 8:51 pm، عدل 1 مرة
اللفة السادسة : اخر لفة تزويد ... تزويد فى غرزة واحدة من الاعمدة الامامىة و غرزة واحدة من لاعمدة الخلفية
كالتالى :
1 عمود امامى - 1 عمود امامى - 2 عمود امامى فى نفس الغرزة
ثم : 1 عمود خلفى - 1- عمود خلفى - 2 عمود خلفى فى نفس الغرزة
و نكمل لاخر لفة ال 6 غرز دول بنفس الترتيب
ده اخر سطر للتزويد زى ما قلت ح يتكون عندنا 4 غرز اعمدة امامية بعدهم 4 غرز اعمدة خلفيةد لما نوصل لنهاية اللفة ح نقفل بمنزلقة مع وضع فتلة خيط بلون مختلف كعلامة لبداية اللفة
لاننا من اللفة الجاية ح نكمل فى شكل حلزونى بدون سلاسل ارتفاع او منزلقة
اللفة السابعة ح ندخل فى الغرزة القادمة مباشرة بعد وضع فتلة الخيط و ح نعكس الغرز
ممكن نوقف لحد كدة لو قطر الدايرة مغطى عظمتى الراس او ممكن نعمل لفة تزويد اخرى
فيها 5 اعمدة امامية و 5 اعمدة خلفية لو محتاجين
بمعنى احنا عندنا 4 غرز اعمدة امامية و بعدهم 4 غرز امدة خلفية .. فى اللفة دى ح نعكس
تحت الاربع غرز الامامى ح نعمل 4 غرز اعمدة خلفية ... و تحت ال4 غرز للاعمدة الخلفية ح نشتغل4 اعمدة امامية و الكلام ده ح نكرره كمان 3 لفات و كل 3 لفات نعكس الاعمدة لحد لما نوصل للطول المطلوب
و ما ننساش نحرك الفتلة معانا لمكانها الجديد كل ما نوصلها
ملحوظة صغير ة اختى الكريمة احنا مش عارفين المقاس اللى فى الفيديو يلبس كام سنة فلو ح تشتغليها لطفل يبقى يستحسن تقسى قطر الدايرة على رأسه ابتدتء من اللفة التانية او التالتة لحد لما تتأكدى ان القرص واصل لاول عظمتى الرأس من الناحيتين علشان الطاقية ما تطلعش واسعة ..و موفثة ان شاء الله
لا تستطيع كتابة مواضيع جديدة في هذا المنتدى لا تستطيع كتابة ردود في هذا المنتدى لا تستطيع تعديل مشاركاتك في هذا المنتدى لا تستطيع حذف مشاركاتك في هذا المنتدى لا تستطيع إرفاق ملف في هذا المنتدى
