lolo92 كتب:
طيب انا دلوقتي خلصت الجراب ده وغسلته في الغسالة وعملت اللي مكتوب لكن ما صغرش ولسة زي ما هو كبير
هو مكتوب انه ما يتنقعش طيب انا عندي غسالة اوتوماتيك وما افيش زرار عشان يمنع النقع واعتقد انه الغسالة بتنقع الملابس قبل الشطف تقريبا فهل ممكن يكون ده هو اللي منع الحجم انه يقل ؟؟؟
المهم اني غسلته ونشف وما صغرش اعمل ايه؟؟؟
هو انا لو غسلته على ايدي عادي ولا لازم غسالة؟؟؟
وهل لو غسلته تاني وهاخد بالي بحيث لني امنع موضوع الشطف يعني هخلي الغسالة تتغسل بالصابون شوية وبعدين هقدم الغسالة بحسث تعدي المرحلة اللي فيها الشطف وبعدين التنشيف فهل ممكن يتقلص ولا خلاص مدام اتغسل مرة ومااتقلصش يبقى مش هيتقلص ؟؟؟؟
lolo92 كتب:
هو انا غسلته تاني ومن غير ما اخليه يتعصر ولا ينقع لكن برضو لسة كبير
انا عملته الجراب بخطين مع بعض مش خيط واحد فهل ممكن يكون هو ده السبب لاني شفت فيديوهات عن التلبيد وفهمت ان التلبيد عبارة عن انه الخيط بيتنتف كده فممكن لاني عاملة خيطين مع بعض ما نفعش معاية التلبيد ؟؟؟؟
طبعا بعتذر برضه عن التاخير انا بحاول اراجع كل المواضيع وارد على الاسئلة
بالنسبه للتلبيد اهم حاجه يكون الخيط صوف طبيعى يعنى مش اى خيط لان معظم الخيوط اللى بنشتغل بيها والموجودة فى الاسواق خيوط مصنعه اكريلك
ثانى حاجه انه يتغسل بماية سخنه علشان يتلبد ويستحسن ان اى حاجه هتتلبد نحطها فى كيس مخدة ونربطها قبل ما نحطها فى الغسالة علشان ما تشعرش معانا
