بيفتيك بالخضروات
المقادير
البفتيك نصف كيلو
الخضار
بصل - بطاطس - جزر - فلفل مقطع مكعبات
بقدونس مقطع صغير
الطريقه
هنجيب البفتيك بعد ما يفك علطول من الفريزر تغسليه كويس بالمايه
ثم نرش عليه شويه ملح - فلفل اسود - بهارات ونقلبهم في بعض
ثم نجيب طاسه وتحطي فيهم شويه زيت
وتسيبيها تسخن وبعدين تفردي الشرايح عليها كدا زي مابتقليه عادي
وتقلبي الوش التاني
نسويه نص سوا كدا ياخد لون بس
ثالثا بعد ماتخلصي كل الكميه الي عندك وتطلعيه في صنيه بيركس
او اي صنيه عندك مش علي مناديل ولا طبق
تحطي في نفس الطاسه ونفس الزيت
البصل المقطع مكعبات وياريت تقطعيه انتي علي خشبه التقطيع
عشان يبقي طعمو حلو احلي من الكبه وتحمريه كويس تسيبيه يصفر كدا
وبعدين تنزلي بالبطاطس المقطعه مكعبات ومش حطيتها في مايه ولا اي حاجه يادوب غسلتها وحطيتها علطول
حوطي بقي رشه ملح - فلفل اسود - بهارات - شويه كركرم صغنين - وشويه كاري
عشان يدو البطاطس لون اصفر وطعم تحففه
تستني علي البطاطس شويه وتقلبي طبعا علطول
وبعدين تنزلي بالجزر المكعبات
واخر حاجه الفلفل بقي سواء الوان او اخضر بس الي عندك
بعد كدا لما تحسي ان الجزر استوي والفلفل مش بياخد وقت
تطفي ع الطاسه خلاص
وبعد كدا لو عندك شوربه في التلاجه تحطي شويه علي صنيه البفتيك او مايه لو مش عندك
وبعدين تغطي وشو كلو بالمكونات الي في الطاسه
ثم تدخليه الفرن بس تحت مش الشوايه عشان الوش كلو مستوي عندك
هوا البفتيك الي عاوزينو يكمل سوا نص ساعه كدا
لحد ماتحسي الشوربه اتشرب اغلبها
والبفتيك استوا وبس كدا
و اول مايطلع من الفرن ترشي عليه شويه بقدونس ع الوش
وطبعا تكوني عملتي الرز وهوا في الفرن رز ابيض عادي وتحطيه في فورما كدا وترشي عليه بقدونس بردو
لا اله الا الله محمد رسول الله
