Salwa ahmed كتب:
يااااااااه الحمد لله بجد انا فرحانه قوي اني قدرت اترجم باترون تريكو
يارب المره الجايه ميكونش فيه غلط
بس معليش ياريت تترجميلي السطر السادس الاخير مش فهماه
وسؤال تاني بلنسبه للزيادات. دي هتبقي مره واحده بس في بداية الشغل ولا كل ما ابدا من السطر الاول هعيد الزيادات
معليش استحملي غبائي
شكراااااااااااااااااااااااااااااااااااااااا
الاول بعتذرلك عن تاخرى فى الرد عليكى
انتى عارفه رمضان بقا ولبخته كل سنه وانتى طيبه بمناسبه عيد ميلادك وان شاء الله السنه الجديده تكون مليئه بالخير والسعاده عليكى وعلى كل احبابك
وان شاء الله بالتدريج هتبقى لهلوبه فى الترجمه
اما بالنسبه للسطر السادس ده سطر فى ظهر العمل هنعمل فيه زياده برضه واعتقد انك اشتغلتيه صح اهو ولو محتاجه اوضحهولك اكتر مافيش مشكله
بالنسبه للزيادات هتكرريها كل مره لحد ماتوصلى تقريبا لفتحة الرقبه
اخر حاجه بقا لو سمحتى ماتقوليش على نفسك غبيه عشان انتى مش كدا كفايه اصرارك وحبك لتعليم نفسك
Salwa ahmed كتب:
سؤال تاني معليش
هو الضفيره عندنا علي جزئين صح
بس الجزئين دايماً في اي شغل بيبقي فوق بعض
لكن هنا هيبقو جنب بعض صح
ياريت يكون اللي انا قصداه وصلك
انا مش فاهمه قصدك قوى بس الضفيرة هنا هتبقا بالعرض لما تيجى تلبسى البونشو الضفاير هتبقا بالعرض فوق بعضها زى ما فى الرسم
Salwa ahmed كتب:
بصي انا شغاله كويس بس المستغرباه زيادة الغرزه قبل العلامه وبعدها
حاسه انها حاجه شاذه وبعدين هفضل ازود كده علطول الشغل
بصى حبيبتى انتى شغاله صح وميه ميه والزيادات مظبوطه ماشاء الله عليكى بس الغلط ان الغرز الزياده دى انتى بتشتغليها عدل والمفروض الصح انك تدخليها فى الباترون يعنى تشتغليها حسب ترتيب الباترون لان الغرز اللى بتزيد دى هتعملك ضفاير زياده بمعنى ان فى الاخر هتلاقى عدد الضفاير عندك بيزيد تدريجى
اتمنى تكون الصورة وضحت ولو ماوضحتش اشرحها بطريقه تانيه
