ورشة بطانية بيبى تريكو بوحدة رائعة وسهلة بالخطوات المصورة

اولا انا سعيدة جدا بانضمامك للورشة واكيد هتضيفيلها كتير بتطبيقاتك المميزة

بصى ياقمر الخيط بتاعك اعتقد انه خيط حرير وكمان رفيع قوى
يعنى الغرزة ملامحها مش واضحه
الغرزة عايزة خيط تخين شويا وانا كاتبه فى الاول اننا هنستخدم ابرة مقاس 6
فانتى ممكن تجربى الخيط بتاع البونشو او اى عمل من اللى انتى عملتيه وعرضتى صوره او حتى اى بواقى خيط عندك ويفضل تكون قطن او حتى صوف بس تكون الفتله تخينه ولو معنكيش اى خيوط من اللى قولت عليها ممكن تجربى تشتغلى بفتلتين مع بعض من الخيط الحرير اللى انتى اشتغلتى بيه ده بحيث يبقا اتخن شويا

ومستنية اشوف النتيجه

انا اسعد بإنضمامك حبيبتى واى استفسار انا فى الخدمة وان شاء الله اشوفك مخلصة البطانية على خير

اهلا وسهلا بكى ورد الرمان
سعيدة بإنضمامك للورشة وان شاء الله تستفيدى معانا

غرزة الحافه لها طرق كتير وان شاء الله نشرحها بإستفاضة فى الدروس التعليمية ان شاء الله
ولكن فى ورشتنا وفى الباترون بتاعنا المقصود بغرزة الحافه هنا هيا غرزة عدلة فى السطر الفردى وغرزة مقلوبه فى السطر الزوجى
وبالنسبه للشغل عبارة عن وحدات وبنشبكها فى الاخر
والوحدة بنشتغلها من تحت لفوق و بتبقا على شكل معين بتبدأ ب 3 غرز وبتزيد تدريجيا ثم بتقل مرة اخرى حتى تنتهى ب 3 غرز
وان شاء الله اصور الوحدة خطوة خطوة بالصور
واى استفسار انا تحت امرك

جميل قوى تطبيق ممتاز
بالنسبة لإحساسك ان الجزء اللى فوق اكبر ده بسبب ان ورقة الشجر ضامة الشغل على بعضه شويه من تحت وكمان الفتحات اللى فى الاطراف مضمومة وان شاء الله الجزء اللى تحت ده هيتفرد لما نشبك الوحدات ببعضها

بس فيه ملاحظه الجزء اللى فوق عندك انتى عملتيه كله سطر عدل وسطر مقلوب مع ان الباترون غير كدا بتشتغلى 4 سطور غرزة القماشة وبعد كدا بتعكسى غرزة القماشة

يعنى كدا مثلا

السطر1=عدل
السطر2=مقلوب
السطر3=عدل
السطر4=مقلوب

ثم كدا
السطر5=مقلوب
السطر6=عدل
السطر7=مقلوب
السطر8=عدل

وهكذا

بسم الله والصلاة والسلام على رسول الله .. وبعد


وعشان الغرزة مش واضحة فى الخيط الرفيع نعملها على خيط تخيين شوية عشان تدفى حتى لكن الغرزة والبطانية جميلة جدا

اهلا وسهلا بكى حبيبتى
نورتى الورشه
فى الشرح اللى فى الاول قولت ان الابر المستخدمة مقاس 6 يعنى الخيط هيكون تخين ومكتوب عليه يشغل بابر مقاس 6

وفعلا لو الخيط رفيع هتبقا الغرزة مش واضحه

اتمنى تكونى استفدتى من الورشه