حد يفهمنى غرزة العقدة او الكور

اهلا بيكى جولنار
لما تيجى عند الغرزة اللى هتعملى فيها العقده
المطلوب انك هتنشأى من الغرزة دى 4 غرز يعنى هتدخلى الابرة كانك هتشتغليها عدل بس ماتسلتيش السناره هترجعى وتعملى غرزة مقلوب فى نفس الغرزة ثم كمان غرزة عدلة وغرزة مقلوبه فى نفس الغرزة

ومش هنكمل السطر ولكن هنشتغل فوق ال 4 غرز دول 3 سطور عدل رايح جاى ونكمل السطر بتاعنا عادى لاخر السطر
السطر التالى لما نيجى عند الاربع غرز دول هنسلت غرزة منهم كاننا هنشتغلها عدل ثم هنشتغل ال3 سطور التاليين عدل معا ثم هنمرر الغرزة اللى سلتناها فوق الغرزة العدله هنلاقى الناتج فى النهايه غرزة واحده من 4 غرز

اتمنى تكون الصورة وضحت واى استفسار انا تحت امرك

الشكر لله وانا تحت امرك فى اى استفسار