اقتباس:
سؤال في الاكمام اولا هو لما بيقولي اتاكدي اني خلف العمل فازاي يعني ما انا كده كده هعمل سطر البداية وانا هعتبر سطر البداية واحد وبعدين سطر عدل هيكون خلف العمل صح ولالا
الباترون بيقول اننا هنشتغل السطر الاول عدل والسطر ده هيكون ظهر الشغل او خلف العمل (على خلاف اللى احنا متعودين عليه ان اول سطر بيكون وجه العمل بس الباترون هنا عاوزنا نعتبر اول سطر والسطور الفرديه كلها خلف العمل)
ويالولو سطر البدايه مابيتحسبش ضمن سطور الشغل
اقتباس:
ثانيا لما ابدأ
غرزة حافة, (16 - 18 - 20 - 22 - 24 - 26 غرزة جرسيه),(M1A عبارة عن 20 غرزة), (M2A عبارة عن 30 غرزة)مرتين,(M3A عبارة عن 20 غرزة),(16 - 18 - 20 - 22 - 24 - 26 غرزة جرسيه),غرزة حافة
اول سؤال هي غرزة الجرسية في السطر اللي بعد السطر العدل هعمله سطر عدل ولا مقلوب ؟؟؟
لا طبعا هتشتغليه مقلوب لانك دلوقتى بتشتغلى امام وخلف العمل
خدى بالك ان الغرز بتختلف لو هتشتغليها دائرى او امام وخلف العمل
مثال غرزة الجيرسيه
لو هتشتغليها دائرى يبقا كل السطور عدل
اما لو هتشتغليها امام وخلف العمل هتبقا سطر عدل وسطر مقلوب
اقتباس:
ثانيا انا بما اني بشتغل رايح جاي ومش دائري يبقى انا كده هنتهي في السطور الامامية بM3 يبقى كده مش المفروض وانا راجعة في السطور الخلفية اللي هي الزوجية (على اساس اني عادة سطر البداية) يبقى المفروض هبدا من M3 مش كده ؟؟؟؟
بمعنى
اولا سطر البداية ......> س١
السطر العدل....>س٢
ابدا بالباترون
س٣.........>غرزة حافة, (16 - 18 - 20 - 22 - 24 - 26 غرزة عدلة ولا مقلوبة ؟؟؟),(س١ من M1A عبارة عن 20 غرزة), (س١ من M2A عبارة عن 30 غرزة)مرتين,(س٣ من M3A عبارة عن 20 غرزة),(16 - 18 - 20 - 22 - 24 - 26 غرزة جرسيه),غرزة حافة
س٤........>غرزة حافة, (16 - 18 - 20 - 22 - 24 - 26 غرزة جرسيه),(س٢ من M3A عبارة عن 20 غرزة), (س٢ من M2A عبارة عن 30 غرزة)مرتين,(س٢ من M1A عبارة عن 20 غرزة),(16 - 18 - 20 - 22 - 24 - 26 غرزة جرسيه),غرزة حافة
ولا
س٤.......>غرزة حافة, (16 - 18 - 20 - 22 - 24 - 26 غرزة جرسيه),(س٢ من M1A عبارة عن 20 غرزة), (س٢ من M2A عبارة عن 30 غرزة)مرتين,(س٢ من M3A عبارة عن 20 غرزة),(16 - 18 - 20 - 22 - 24 - 26 غرزة جرسيه),غرزة حافة
احنا اتفقنا ان السطور الفرديه هنا هيا خلف العمل والسطور الزوجيه هيا امام العمل وبدون حساب سطر البدايه كسطر
يعنى السطر1(خلف العمل)=عدل
السطر2(امام العمل)= غرزة حافة, (16 - 18 - 20 - 22 - 24 - 26 غرزة عدل),(س١ من M1A عبارة عن 20 غرزة), (س١ من M2A عبارة عن 30 غرزة)مرتين,(س٣ من M3A عبارة عن 20 غرزة),(16 - 18 - 20 - 22 - 24 - 26 غرزة عدل),غرزة حافة
وفعلا طالما شغاله امام وخلف يبقا فى السطور الاماميه السطر هينتهى ب ام 3 يبقا وانتى راجعه بالتالى السطر هيبتدى ب ام 3
بس عامه مش هتتلخبطى لان فى الحالتين السطور الخلفيه بتشتغليها مقلوب او لو عندك غرز مقلوبه فى السطور الاماميه بتشتغليها عدل فى السطور الخلفيه
اقتباس:
حاجة كمان بالنسبة لترجمة الباترون هو مش المفروض بما اني بشتغل امام وخلف يبقى المفروض العدل يبقى مقلوب والمقلوب يبقى عدل في خلف العمل زي ما هو في الفايل الاصلي موضحة
المربع الابيض=K from RS, P from WS
المربع اللي فيه اكس =P from RS, K from WS
تمام ياقمر دى حاجه فى اساسيات التريكو ومش لازم اذكرها لما اجى اترجم كل باترون
اقتباس:
حاجة اخيرة ينفع اعمل النص كم كم طويل يعني هشتغل الباترون عادي لحد ما اخلصه لكن التنقيص بتاع حردة الكم ما اعملهوش وبعدين اشتغل غرزة جرسية لحد لما كون قربت على الطول اللي انا عايزاه وابدا اقفل عشان حردة الكم وبعدين اجي اشتغل كم غرزة جرسية وبعدين اقفل التقفيل التاني واول ما وصل للطول اللي عايزاه واكون مضبطة نه يكون امام العمل واشتغل ٢ مع بعض وبعدين اقفل
انا بقولك على طول الكم لان عندي قميص بداية كمه مشغول شبه كده ولكن باقي الكم مشغول عادي
انا خلصت الجسم
وفي السطر ده ( يصل الطول إلى 40 - 41 - 42 - 43 - 44 - 45 سم هنقفل 8 غرز فى كل جانب عشان حردة الباط (بمعنى هنقفل 4 غرز على جانبى كل علامة) )بديت اشتغل رايح جاي والتنقيص عملت كل واحد لوحده يعني ما اشتغلتهوش دائري ولا ببكرة خيط وحدة
ينفع ونص وانا تقريبا بعمل التعديل ده فى كل الموديلات اللى بشتغلها لنفسى وان شاء الله يظبط معاكى ياحبيبتى
واتمنى اكون قدرت افيدك وتحت امرك فى اى استفسارات تانيه
وان شاء الله المرة الجاية هحط في الموضوع وبس