دايما لما نخلص الشغل بنلاقى الحاجة مش متساوية و مرتبة زى الصور اللى فى الباترون و فى كذا باترون بيبقى مكتوب فيه تبخير للقطعة المشعولة على اساس يعمل ريلاكس للنسيج و يبقى شكله مرتب يا ريت تفهمينا الموضوع ده يا لولو الله يكرمك
مش عارفة بصراحة المعلومة بتاع التبخير دى ابحث عنها بس انا اعرف ان فيه حاجه اسمها dressing ودى بتنقعى القطعة بتاعتك فى مايه عادية وبعدين من غير ماتعصريها تسبيها تصفى ميتها خالص ثم تفرديها على سطح افقى وتظبطيها على المقاسات بتاعتها وتسبيها لحد ماتنشف على الوضع ده
وفى حاجه اسمها felting دى بقا بتخلى القطعه بتاعتك كانها قطعة قماش وغرز التريكو بتختفى ودى ليها طبعا اساسيات كتير اولها نوع الصوف اللى بتشتغلى بيه وكمان نوع برنامج الغسيل لانك بتغسليها على 40 درجة وبدون عصر وبمسحوق خالى من الكلور وكمان لازم الباترون يكون معمول على اساس انه هيتعمله felting لان القطعة بتكش جدا فلازم تشتغليها على مقاسات معينة اكبر من الحقيقيه بحيث بعد عمليه felting تبقا فى الحجم والمقاس المطلوب لانها هتكش
وطبعا فى حاجه مهمة اعتقد ان كتير مش بيهتم بيها وهيا تعليمات الغسيل والتنظيف الخاصه بنوع الخيط اللى بيبقا مكتوب على الخيط وده مهم جدا انك تتبعيه
وان شاء الله المواضيع دى هشرحها اكتر بالتفصيل فى الاساسيات
اه حبيبتى الله يكرمك مستنية الموضوع ده بفارغ الصبر علشان تعرفينى الاساسيات لان بعد ما الواحد بيتعب فى الشغل و يلاقى شكله مش زى الصورة بتجيله عقدة و شنيطة ........ز اه و الله و معلش يا ريت صور للحاجة قبل و بعد ال felting
فيديو رائع يا ميرفت والموضوع شكله كبير ومهم وليه كذا طريقة بس طبعا انتى عارفه اننا فى مصر الواحد يبوس ايده انه بيشتغل تريكو اصلا وانه بيلاقى خيوط عدله ههههه وانا زيك بالظبط عمرى ما إهتميت بالشغل بالشكل ده انا بخلصه وبرميه فى الغساله زيه زى اى قطعه هدوم عندى
المهم ان شاء الله زى ماقولتلك هدرس الموضوع ده كويس عشان اشرحه فى الاساسيات
لا تستطيع كتابة مواضيع جديدة في هذا المنتدى لا تستطيع كتابة ردود في هذا المنتدى لا تستطيع تعديل مشاركاتك في هذا المنتدى لا تستطيع حذف مشاركاتك في هذا المنتدى لا تستطيع إرفاق ملف في هذا المنتدى
