إزاى أفهم مقاسات الباترون

المقاسات فى الباترون واضحة وصريحة ومش محتاجة استنتاجات
بمعنى يجى فى الباترون ويقول هذا الموديل مقاساته مثلا s - m - l
ثم يعطيكى رسم توضيحى للموديل بهذا الشكل مثلا



واللى فيه بيكتب قياسات الموديل فى كل اجزاءه بالسنتيميتر لكل مقاس حتى تقررى المقاس المناسب لكى

يعنى مثلا المقاس s سيكون نصف محيط الصدر= 42
ونصف محيط الوسط= 38
طول التوب= 48
فتحة الكم = 17
وهكذا بحيث تشوفى المقاسات النهائية على الرسم التخطيطى وتقررى اى مقاس يناسب لكى وتشتغلى على اساسه

اما بالنسبه لمقاس الابر فالباترون لازم يحدد مقاس الابر وايضا نوع الابر سواء كان مدبب او دائرى
وانا دائما بنصح اننا نشتغل بنفس مقاس الابر اللى الباترون بيطلبه

اما الخيط نوعه فده لكى حرية الاختيار فيه مش لازم ترتبطى بنوع الخيط اللى الباترون كاتبه
اما سمك الخيط فتحدديه ازاى؟
الخيوط بيبقا مكتوب عليها تشتغليها بابر مقاس كام

هنفترض مثلا ان الباترون طالب ابر مقاس 4
اذن هتروحى تشترى خيط مكتوب عليه نشتغله بابر مقاس 4
او لو عاوزة الشغل يطلع معاكى ماسك نفسه او ناشف شويه هتششترى خيط مكتوب عليه نشتغله بابر مقاس 5

اتمنى انى اكون قدرت افيدك واى استفسارات انا تحت امرك حبيبتى

ياحبيبتى ولا يهمك

انا تحت امرك فى اى وقت وان شاء الله معاكى الى ان تكونى محترفة فى التريكو

الباترون هنا طلب منك ابر تريكو مقاس 3 مللى
وبالتالى ايضا هتجيبى خيط مكتوب عليه انك تشتغليه بابر مقاس 3
وهذا هو المهم فى الموضوع
اما جزئية قياس الوحدة لا أحد يهتم بها لانه صعب تحقيقها بنسبة 100%
ولكنها مهمة لكى تحصلى فى النهاية على قياسات صحيحة للموديل
فغالبا بعدما ننتهى من شغل موديل معين نجد انه اوسع قليلا او اضيق قليلا او نجد الكم اطول او اقصر من القياسات النهائية وهذا سببه اننا لم نهتم بقياس الوحده

أما قياس الوحدة واللى بتعرف بالانجليزية وهتلاقيها فى كل الباترونات مكتوبة(knitting trnsion)
فهيا بكل بساطة قياس لعدد الغرز وعدد السطور بالسنتيميتر
فإذا قومتى بعمل عينة من الخيط المراد إستخدامه عبارة عن 10 سم ×10 سم (هذا المربع ثابت فى كل القياسات) فستجدى انك قد حصلتى على 27 غرزة × 30 سطر (طبعا هذه النتيجه مش ثابته فهيا تختلف من باترون للاخر)

يعنى فى النهاية نخلص الى انك قدامك حل من إثنين
اما انك تشتغلى على ابر مقاس 3 وخيط مكتوب عليه مقاس 3
او انك تبحثى عن خيط مكتوب عليه قياس الوحده(27×30) وتشتغليه بمقاس الابر المكتوبه عليه (واكيد هتجدى صعوبة فى ايجاد قياس الوحدة المطلوب مع الخيط واللون اللى يناسب لكى او يعجبك)

ولذلك فالحل الاول هو الاسهل وهو الذى يتبعه الاغلبية

اتمنى انى اكون وصلتلك المعلومة
وان شاء الله اتحدث بإستفاضة اكثر عن قياس الوحدة فى الاساسيات

وانا تحت امرك فى اى استفسارات

وعليكم السلام ورحمة الله وبركاته
صحيح حبيبتى قياس الوحدة هو الوجه الأخر لسمك الخيط