الشرح رائع بس طبعا لازم اطبعه و اذاكره و اخرج الحاجات اللى مش فهماها معلش انتى عارفة ذكائى الخارق و مساهمة منى فى الموديل ده جبت لك اللينك بتاع التقفيل باستخدام 3 ابر
http://www.youtube.com/watch?v=wpJUrCX52DU
انا تحت امرك فى اى استفسار فى اى وقت والفيديو رائع ان شاء الله نضمه لمكتبة الفيديوهات بعد ما ننشأ القسم الجديد وبالنسبة لطريقة التقفيل باستخدام 3 ابر تريكو موجوده فى الموضوع التالى
عنوان المشاركة: Re: بلوفر تريكو أولادى بكابتشو وبدون وصلات بالباترون وشرح عر
مرسل: الثلاثاء ديسمبر 03, 2013 8:13 pm
مراقب عام
اشترك في: الاثنين إبريل 05, 2010 7:23 pm
مشاركات: 13047
مكان: المنصورة
lolo92 كتب:
معلش كان عندي شوية ظروف منعتني من اني اتواصل او اعمل اي حاجة المهم اني حبيت ابدأ اشتغل في البلوفر اجرب اعمل واحد صغير بحجم سنة لكن لقيت نفسي مش عارفة ابدأ يعني عملت ال50 غرزة بطريقة الذيل عادي لكن جيت وعملت اربع سطور عدل باللون البني وبعد كده تهت فعايزة اتأكد اذا انا فاهمة صح ولا لأ
حمد الله على سلامتك حبيبتى عسى ان يكون المانع خير وان شاء الله هجاوب على إستفساراتك جزء جزء
اقتباس:
هنشتغل 4 سطور عدل _هنبدل الخيط بالخيط الازرق ومن الخطوة دى هنشتغل 12 سطر من كل لون حتى النهاية _هنشتغل 4 سطور عدل _السطر التالى (وجه العمل) سطر تنقيص هنشتغله كالتالى 1ع,اسلتى غرزة كانك هتشتغليها عدل,1ع,مررى الغرزة المسلوته فوق الغرزة العدلة,هنشتغل كل الغرز عدل حتى اخر 3 غرز هنشتغلهم كالتالى 2ع معا ,1ع _هنشتغل 5 – 7 -7 -7 – 9 سطور غرزة القماشة _هنكرر اخر 6 – 8 – 8 – 8 – 10سطور(وافتكرى تبدلى الالوان كل 12 سطر) 3 -3 -3 -4 -4 مرات
اللي انا فهمته من اللي فوق انه هبدأ اعمل اربع سطور عدل عادي وبعدين هبدل الخيط بالخيط الأزرق زي ما حضرتك قولتيلي اربط الخيط الأزرق بالبني كويس واشتغل بيه لكن لما بتقولي هنشتغل ١٢ سطر من كل لون يعني ايه ما فهمتش ؟؟؟؟!!! دي اول حاجة وبعدين هشتغل ٤ سطور عدلة باللون البني؟؟؟؟؟؟؟ زي ما بدأت ؟؟؟!!!
بصى ياقمر شرح السطور مش ماشى مع شرح الألوان هشرحلك الالوان ماشية ازاى الاول 4 سطور باللون البنى ثم( 12 سطر باللون الزرق ثم 12 سطر باللون البنى) وهتكررى مابين الأقواس حتى نهاية الشغل بالنسبة للسطور 8 سطور عدل ثم (سطر تنقيص ثم 5 سطور قماشة) هتكررى مابين الاقواس 3 مرات
اقتباس:
السطر التالي: سطر التنقيص مفهوم وبعدين غرزة القماشة وبعدين قلتلي هنكرر اخر ٦ سطور ٣ مرات وما انساش اغير الألوان هل هذا يعني اني هكرر ال٦ سطور ٣ مرات من غير الست السطور الأولى وبالتلي هيكون الشغل : أول ١٢ سطر بلون مثلا الأزرق سطر تنقيص ٥ سطور غرزة قماشة سطر تنقيص ٥سطور غرزة قماشة
هل هو ده الترتيب؟؟؟؟ ولا لما قلتلي ٣ مرات كنتي حاسبة من ضمنهم اول ٦ سطور عملناهم؟؟؟؟؟
وبالتالي هنعمل اول ١٢ سطر بلون ازرق مثلا وهيكون سطر تنقيص ٥ سطور غرزة قماشة سطر تنقيص ٥ سطور غرزة قماشية
وبعدين اللي هيتبقى هو التكرار الأاخير بتاع الست سطور وهيكون بلون تاني سطر تنقيص ٥سطور غرزة قماشة وبعدين اكمل الشغل باللون الللي انا استخدمته في اخر تكرار وزي ما حضرتك كاتبة سطر تنقيص وبعدين هنستمر بعمل غرزة القماشة مع تبديل الالوان كل 12 سطر حتى نكون قد اكملنا عمل 36
زى ماقولتلك الالوان ماتلخبطيش نفسك فيها هما8 سطور بنى ثم (12 ازرق ثم 12 بنى) وتكررى مابين الاقواس
اما بالنسبة للباترون نفسه هتشتغلى 6 سطور اللى هتكرريهم ككل 4 مرات ثم هتشتغلى سطر تنقيص ثم هتكملى بغرزة القماشة حتى تكونى قد اكملتى 36 سطر من بداية غرزة القماشة
اقتباس:
في حاجة اخيرة
حضرتك قولتيلي اني ما اقصش الخيط لكن ازاي هبدل ما بين الخيوط قصدي حضرتك بدتقولي ابدل الألوان كل ١٢ سطر لكن لو انا ما قصيتش الخيط وخليته زي ما هو لما اجي استخدم الخيط التاني هيبوظلي الشغل لو فاهمة قصدي على اساس انه الخيط هيبقى بعد زي الذيل اللي طلع في الأول خالص ؟؟
فهي كل مشكلتي انه عايزة اتأكد انا ببدل الألوان يعني كل غرزة ببدل اللون ولا كل ١٢ سطر وبقص الخيط بعد ما اخلص ال١٢ سطر واعمل بالخيط التاني ولا يمكن اان فاهمة غلط والمفروض ١٢ غرزة بغير اللون مع انه برضو نفس المشكلة هتكون وهو انه هيبوظلي الشغل
بصى حبيبتى انتى هتبدلى الالوان فعلا كل 12 سطر فى ناس بتفضل انها تقطع الخيط كل 12 سطر وتوصله تانى لما تحتاجه بس انا بحس ان موضوع القص ده هيبقا مش متين ومكلكع فى الخياطة وانتى كمبتدئة محبتش اقولك على الطريقة الاحترافية فى تداخل الالوان بس ده فيديو بيوضح الفكرة ولو مفهمتيش منه اشرحلك انا الفكرة
اقتباس:
معلش انا اسفة طولت عليكي بس بجد نفسي اتعلم اعمل الحاجات دي وافهمها فعشان كده لقيت ان دي حاجة انا اقدر اعملها لأنه لسة ما اشتريتش باقي ادوات التريكو والأدوات اللي عندي تنفع اعمل البلوفر ده وانا نفسي اجرب اعمل بلوفر وانا بصراحة لما بديت اشتغل ولقيت نفسي مش فاهمة حاجة من الكلام فاحبطت
فأرجووووكي ساعديني اذا امكن
مش عاوزة إحباط وكل حاجه بالصبر والإجتهاد وانا معاكى اهو اى حاجه تقف معاكى انا هساعدك فيها
لا تستطيع كتابة مواضيع جديدة في هذا المنتدى لا تستطيع كتابة ردود في هذا المنتدى لا تستطيع تعديل مشاركاتك في هذا المنتدى لا تستطيع حذف مشاركاتك في هذا المنتدى لا تستطيع إرفاق ملف في هذا المنتدى
