بلوفر تريكو أولادى بكابتشو وبدون وصلات بالباترون وشرح عربى

بصى ياقمر طبعا مقاس ابنك مش موجود فى المقاسات بس طبعا عادى ممكن تزودى فى العرض بزيادة عدد الغرز
وعشان تعرفى تزودى قد ايه بالظبط هقولك على طريقة حلوة تطبيقيها عملى انتى تجيبى الخيط اللى هتشتغلى بيه وتعملى منه عينه بنفس الابر اللى هتشتغلى بيها برضه العينه دى عبارة عن 10غرز×10 سطور
وقيسى العينه دى بالمسطرة يعنى شوفى العشر غرز عملوا كام سم نفترض مثلا انهم طلعوا 2 سم

يبقا ساعتها هتعرفى ان 68 غرزة بتوع المقاس 4 هيعملوا 13 سم تقريبا انا بفترض طبعا بس دلوقتى هتقدرى تعرفى انتى عاوزة تزودى قد ايه عشان يناسب مع ابنك

اتمنى تكون النقطة دى وضحت ليكى

بالنسبة للسؤال التانى ياريت بس اعرف اى كمر بتسالى عليه

هههههههههههههههههههههههههههههههه
شطورة ياميرفت والله عاجبنى فيكى حماسك
ان شاء الله اعملك شرح مصور للسطور القصيرة فى الاساسيات

اه الموديل ده البرواز بتاعه نفس فكرة البرواز اللى كنت ترجمتهولك فى الموضوع ده

http://www.lahlooba.com/forum/knitting-patterns/topic-t32-60.html

بس البليسيه هنا بدل ماتعملى 1ع,1م لا هتعملى 2ع,2م

بس فى هنا حاجه ان البروازين اليمين والشمال فوق بعض من تحت دى هتعمليها انك بعد ماتخلصى بتخيطى اطراف البرواز فى البلوفر نفسه
ياريت تكون فكرتى وصلتلك وان تحت امرك فى اى اسئله

بالنسبة للزيادة خلى العدد زوجى

اما بالنسبة للسبعة بتاعة الرقبة هنا فى الموديل اشتغل البلوفر وعمل فتحة الرقبه وبعد كدا لقط غرز على برواز الرقبة والكابتشو مع بعض واشتغل 4 سطور عدل وفى الاخر خيط البروازين ببعض عشان كدا مقفول زى مانى شايفة
بس انا لسة مكملتش شرح البلوفر عشان كدا الجزئية دى مش موجوده لسه

المهم ماتقلقيش لما نوصل للرقبة هشرحلك بالسطور تعملى ايه عشان تبدلى البرواز بالبرواز التانى

تسلميلى حبيبتى نورتى الموضوع