بسم الله الرحمن الرحيم
النهاردة بإذن الله هنعمل توينز القبعة بالبليسيه الإنجليزى والكوفية بتاعتها بضفيرة أخر شياكة
يلا نبتدى بسم الله الرحمن الرحيم
أولا لازم نعرف شوية حاجات قبل مانبدأ الشغل زى نعرف المقاس اللى هنشتغل بيه والأدوات المطلوبة.
القبعة:
المقاس:L_S/M
دوران الرأس: 54/56 - 58 سم
المواد المستخدمة:200 جرام من الصوف
الإبر المستخدمة:إبرة دائرية مقاس 15 مللى ومقاس 10مللى
الكوفية:
المقاس:حوالى 33×180 سم
المواد المستخدمة:600جرام من الصوف
الإبر المستخدمة:إبر دائرية مقاس 15 مللى
ودلوقتى يلا بينا نبدأ الشغل
(القبعة)
هنبدأ ب27_29 غرزة على سنارة دائرية مقاس 10 سم
هنشتغل سطر مقلوب
هنشتغل بعد كدا البليسيه الإنجليزى كالتالى/
السطر1:1غرزة حافة(1ع,لفة,إسلتى غرزة كأنك هتشتغليها مقلوب)هنكرر مابين الأقواس لحد أخر غرزتين هنشتغل واحدة عدل وواحدة غرزة حافة.
السطر2: 1غرزة حافة(لفة,إسلتى غرزة كأنك هتشتغليها مقلوب,إشتغلى الغرزة المسلوته واللفه معا)هنكرر مابين الأقواس لحد أخر غرزتين ,هنعمل لفة,إسلتى غرزة كأنك هتشتغليها مقلوب,غرزة حافة.
السطر3: 1غرزة حافة(إشتغلى اللفة والغرزة المسلوته معا,لفة,إسلتى غرزة كأنك هتشتغليها مقلوب)كررى مابين الأقواس حتى أخر 3غرز,إشتغلى اللفة والغرزة المسلوته معا,غرزة حافة.
كررى السطور 3,2
إستمرى فى عمل البليسيه الإنجليزى حتى يصل الطول إلى 7سم هنغير مقاس السنانير إلى 15مللى ونستمر فى عمل البليسية
عندما يصل الطول إلى 26_28 سم هنشتغل سطر غرزة القماشة مع عمل غرزة حافة من كل جانب
فى نفس الوقت هنشتغل 3غرز عدل معا
أصبح عدد الغرز =14_15 غرزة
هنقفل الشغل ونخيط جوانب القبعة ببعضها.
وبكدا تبقا القبعة خلصت
نيجى بقا ل( الكوفية )
الأول ده شكل الباترون بتاع الضفيرة وشرح رموزه
غرزة عدل
إسلتى 3غرز على سنارة خلف العمل ,3ع,إشتغلى ال3 غرز المسلوتين عدل.
إسلتى 3غرز على سنارة أمام العمل,3ع,إشتغلى ال3غرز المسلوتين عدل.
هنبدأ نشتغل الكوفية كالتالى:
هنبدأ العمل ب23 غرزة على إبر دائرية مقاس 15 مللى
هنشتغل كل السطور عدل حتى يصل الطول إلى 10سم هنزود 4غرز بالتساوى على مدار السطر (يعنى عدد الغرز دلوقتى بقوا 27 غرزة )
هنكمل كالتالى
6 غرزة حافة,غرزة مقلوبة,M1,غرزة مقلوبة,M2,غرزة مقلوبة,6غرزة حافة.
هنستمر فى الباترون حتى يصل الطول إلى 170 سم
هنشتغل كل السطور عدل وفى نفس الوقت هنقص 4غرز فى أول سطر بالتساوى(عدد الغرز أصبح 23 غرزة)
عندما يصل الطول إلى 180سم هنقفل الشغل
وبكدا نبقا خلصنا الكوفية
برجاء عند نقل الموضوع ذكر المصدر
منتدى لهلوبة
