بلوفر تريكو بنص كم روعه(بالشرح الكامل والباترون)

معلش ياميرفوته انا عارفه ان المنتدى لسه مافهوش كل المعلومات عن التريكو اللى تخليكى ماتدوريش كتير فى النت
بس ان شاء الله انا عندى النيه انى اجمع كل حاجه عن التريكو هنا وبشكل مبسط وشامل بالعربى لان فيه ناس مابتعرفش تتدور اصلا على المصطلح بالاجنبى

بالنسبة لبداية غرز وسط أو أثناء الشغل ليها اكثر من طريقة طبعا والطريقة اللى تعرفى تعمليها طبقيها وان شاء الله طبعا كل حاجه هنشرحها فى الدورة

تسلميلى ياحبيبتى
والتعاون على الخير ومساعدة الناس هو اللى منجح المنتدى
ويارب نفضل كدا دايما إن شاء الله

تسلمى عزيزتى
اتمنى لك المتعه والفائدة ان شاء الله

ام 1 و 2 المقصود بيهم الباترونات المرسومه فى الرسم التالى




اما الجزئية بتاع سلت الغرز وعمل الضفاي كالتالى

=هنضع 6غرز على كابل خلف العمل,هنشتغل غرزتين عدل من كل غرزة فى الثلاث غرز التالين,هنشتغل ال6 غرز المسلوتين مقلوب معا اتنين فى اتنين

وشرحها كالتالى الضفيرة دى معموله فوق 9 غرز هتسلتى 6 خلف العمل ثم الثلاث غرز التاليين هتشتغلى من كل غرزة غرزة يعنى بقا عندك 6 غرز من الثلاث غرز دول ثم هتشتغلى ال6 غرز المسلوتين 2مقلوب معا 3مرات بمعنى الست غرز هيبقوا 3 غرز

=هنضع3غرز على كابل امام العمل,هنشتغل ال6غرز التالين مقلوب معا اتنين فى اتنين,هنشتغل غرزتين عدل من كل غرزة فى التلات غرز المسلوتين

وشرحها كالتالى الضفيرة دى معموله فوق 9 غرز هتسلتى 3 غرز امام العمل ثم الست غرز التاليين 2مقلوب معا 3مرات بمعنى الست غرز هيبقوا 3 غرز ثم الثلاث غرز المسلوتين هتشتغلى من كل غرزة غرزة عدل يعنى بقا عندك 6 غرز من الثلاث غرز دول

وتحت امرك فى اى استفسار

تسلميلى ياقمر
واكيد كل واحد عنده مشاغل واعباء الحياه لاتنتهى وان شاء الله يباركلك فى وقتك وتقدرى تمارسى هواياتك معانا