بونشو تريكو بضفاير بالباترون مترجم للعربيه

انا تحت امرك فى اى مساعده

مبروك حبيبتى وبعتذر ليكى على التاخير وان شاء النهارده اكملك الكوله باذن الله

شكرا ليكى ياقمر
نورتى الموضوع واتمنى تكونى استفدتى منه

بسم الله الرحمن الرحيم
الرقبه او الكوله

الان غرز الظهر موجوده على السنارة هنقوم باعاده غرز الوجه على نفس السنارة سيصبح عدد الغرز 226 غرزة
ثم هنشتغل كالتالى

السطر الاول=1ع(اسلتى 2 غرزة ,1ع,مررى الغرزتين المسلوتتين فوق الغرزة العدله,2م,9ع,3م,9ع,2م )هنكرر مابين الاقواس 8 مرات ,1ع
سيصبح عدد الغرز=210 غرزة

السطر الثانى=1م,(2ع,9م,3ع,9م,2ع,1م)هنكرر مابين الاقواس 8 مرات,1م

السطر الثالث=1ع(2م معا,1م,اسلتى 3 غرز خلف العمل,3ع,اشتغلى الغرز المسلوته عدل,3ع,3م,اسلتى 3 غرز خلف العمل,3ع,اشتغلى الغرز المسلوته عدل,3ع,2م)هنكرر مابين الاقواس 8 مرات ,1ع
سيصبح عدد الغرز=202 غرزة

السطر الرابع=1م,(2ع,9م,3ع,9م,2ع)هنكرر مابين الاقواس 8 مرات,1م
السطر الخامس=1ع,(2م,9ع,3م,9ع,2م)هنكرر مابين الاقواس 8 مرات,1ع
السطر السادس=زى السطر الرابع
السطر السابع=1ع,(2م,9ع,3م,9ع,2م معا)هنكرر مابين الاقواس 8 مرات,1ع
سيصبح عدد الغرز =194 غرزة
السطر الثامن=1م,(1ع,9م,3ع,9م,2ع)هنكرر مابين الاقواس 8مرات,1م
السطر التاسع=1ع,(2م,9ع,3م,9ع,1م)هنكرر مابين الاقواس 8مرات,1ع
السطر العاشر=زى السطر الثامن
السطر11=1ع,(2م,3ع,اسلتى 3 غرز امام العمل ,3ع,اشتغلى الغرز المسلوته عدل,3م,3ع,اسلتى 3 غرز امام العمل ,3ع,اشتغلى الغرز المسلوته عدل,1م)هنكرر مابين الاقواس 8مرات,1ع
السطر12=زى السطر الثامن
السطر13=زى السطر التاسع
السطر14=زى السطر الثامن
السطر15=زى السطر التاسع
السطر16=زى السطر الثامن

السطر 17=1ع,(2م معا,9ع,1م)هنكرر مابين الاقواس 16 مرات,1ع
سيصبح عدد الغرز =178 غرزة

السطر18=1م,(1ع,9م,1ع)كررى مابين الاقواس 16مرة,1م
السطر19=1ع,(1م,اسلتى 3 غرز خلف العمل,3ع,اشتغلى الغرز المسلوته عدل,3ع,1م)كررى مابين الاقواس16مرة,1ع
السطر20=زى السطر18
السطر21=1ع,(1م,9ع,1م)كررى مابين الاقواس 16 مرة,1م
السطر22=زى السطر18
السطر23=زى السطر21
السطر24=زى السطر18
السطر25=زى السطر21
السطر26=زى السطر18

اشتغلى لحد هنا واكملك بكرة ان شاء الله

بصى ياقمر انتى الاول اشتغلتى الصدر وخلصتيه وركنتيه على ابره او على مشبك او اى حاجه تمسك الغرز ثم بدأتى فى الظهر وخلصتيه وهو دلوقتى على الابرة هترجعى الغرز بتاع الصدر الى الابره اللى عليها غرز الظهر من غير ماتشتغلى الغرز دى يعنى هتنقليهم بس من المشبك للابره من غير شغل وكمان هتنقليهم من ورا لقدام بمعنى ان الغرزة اللى طالع منها الخيط بتاع الصوف هتكون عند سن الابرة ياريت لو لسه مفهمتيش الجزئيه دى تقوليلى قبل ماتبداى الشغل عشان الخطوه دى مهمه جدا
وخدى بالك انك بعد كدا هتشتغلى بخيط واحد بس كل الغرز يعنى لما تبداى شغل وتوصلى للخيط التانى هتربطيه مع الخيط الاول وتستمرى فى الشغل باستخدام الخيط الاول ثم هتقصى الخيط الثانى لان معدش ليه لازمه

لازم تتاكدى الاول ان عدد الغرز اللى السناره بتاعتك بعد ماضميتى الصدر والظهر=226 غرزة
بس يعنى ايه مطلعتش الغرزة الاخيرة اللى هشتغلها عدله؟ هل ده معناه ان السطر خلص ولسه معملتيش الغرزة العدله الاخيرة ده ممكن يكون بسبب خطا فى عدد الغرز الاخيرة .....ولا معناه ان الغرزة مطلعتش عدله ده معناه انك غلطتى فى الغرزة اللى فى السطر السابق

خدى بالك ان الشغل اللى جاى كله هتشتغليه فوق ال 226 غرزة انتى لاحظتى انى قولت هتكررى مابين الاقواس 8 مرات مش 4 زى ماكنا بنقول لاننا بنشتغل دلوقتى الصدر والظهر مع بعض

بصى ياقمر هتتعاملى مع الغرزة العدله دى اكنها غرزة مقلوبه ودخلى الابرة فيها هيا والغرزة المقلوبه مع بعض كانك هتشتغلى غرزة مقلوبه واشتغليهم هما الاتنين مع بعض عشان تكونى فى النهايه غرزة واحده مقلوبه وماتستغربيش مافيش غلط ولا حاجه بس احنا بنعمل كدا عشان بنقص طول ما احنا طالعين وفى نفس الوقت عشان ما نغيرش من شكل الضفيرة

اتمنى اكون افدتك وبجد رجاء ياحبيبتى بلاش كلمة انا اسفه ومعلش ووالله لو طلبتى 100 طلب هكون اسعد واحده فى الدنيا وربنا يقدرنى واقدر افيدك واساعدك واشوف البونشو ده خلصان ودى هتبقا الفرحه الكبيرة بالنسبه ليا

اتمنى لكى التوفيق