بونشو تريكو بضفاير بالباترون مترجم للعربيه

بالتوفيق ياحبيبتى ان شاء الله
وربنا يعينك على عمله ويارب ينور المنتدى فى اقرب وقت

هشرحلك سلوى بالتفصيل سطر سطر وهشرح على مقاسك اللى اختارتيه عشان مانلخبطش

السطر الاول=26ع,((2م,9ع,3م,9ع,2م,25ع)) هنكرر مابين الاقواس 3 مرات,2م,9ع,3م,9ع,2م,1ع
السطر الثانى=1م,2ع,9م,3ع,9م,2ع,((25م,2ع,9م,3ع,9م,2ع))هنكرر مابين الاقواس 3 مرات,26م
السطر الثالث=زى الاول
السطر الرابع=زى الثانى
السطر الخامس=زى الاول
السطر السادس=زى الثانى
السطر السابع=26ع,((2م,اسلتى 3 غرز خلف العمل,3ع,اشتغلى الغرز المسلوته عدل,3ع,3م,اسلتى 3 غرز خلف العمل,3ع,اشتغلى الغرز المسلوته عدل,3ع,2م,25ع)) هنكرر مابين الاقواس 3 مرات,2م,اسلتى 3 غرز خلف العمل,3ع,اشتغلى الغرز المسلوته عدل,3ع,3م,اسلتى 3 غرز خلف العمل,3ع,اشتغلى الغرز المسلوته عدل,3ع,2م,1ع
السطر الثامن=زى الثانى
السطر التاسع=زى الاول
السطر العاشر=زى الثانى
السطر 11=زى الاول
السطر 12=زى الثانى
السطر 13=زى الاول
السطر 14=زى الثانى

لغايه هنا وهنتوقف عشان هنبدا فى سطور التنقيص
يعنى السطر 15 هيكون فيه تنقيص ركزى معايا هنشتغله كالتالى

1ع,(2ع معا,21ع,هنسلت غرزة,1ع,هنمرر الغرزة المسلوته فوق العدله,2م,3ع,اسلتى 3 غرز امام العمل ,3ع,اشتغلى الغرز المسلوته عدل,3م,3ع,اسلتى 3 غرز امام العمل ,3ع,اشتغلى الغرز المسلوته عدل,2م)هنكرر مابين الاقواس 4مرات,1ع

السطر 16 =1م,(2ع,9م,3ع,9م,2ع,23م)هنكرر مابين الاقواس 4مرات,1م
هتلاحظى ان غرزة القماشه بقوا 23 غرزة يعنى نقصوا غرزتين

هتشتغلى 7سطور على النظام السابق اللى هوا
24غرزة القماشة ,(غرزة الضفيرة المكونه من 25 غرزة, 23غرزة القماشه) هنكرر مابين الاقواس 3 مرات ,غرزة الضفيرة المكونه من 25 غرزة, 1 غرزة القماشه

وهكذا

ايه الاخبار بقا الصورة بانت ولا لسه
انا فى انتظارك ياجميل

ههههههه
واضح انك هتفكى لانك كنتى فاهمه غلط
تقريبا انتى اشتغلتى السطر الاول لمده 14 سطر وده غلط هوا قالك اشتغلى على الباترون ده
26(30) غرزة القماشة ,(غرزة الضفيرة المكونه من 25 غرزة, 25(29)غرزة القماشه) هنكرر مابين الاقواس 3 مرات ,غرزة الضفيرة المكونه من 25 غرزة, 1 غرزة القماشه
وشرحلك ازاى هتمشى عليه بشرحه اول سطر
طيب السطر الثانى هنعمل غرزة القماشه ازاى هتبقا مقلوب طيب والضفيرة السطر الثانى هيكون ازاى زى ما مشروح فوق وهكذا يعنى انتى بتجمعى الشروحات اللى فى الاول وبتجمعيها فى السطور بتاعتك

حبيبتى السطور الفرديه زى الاول والثالث وهكذا ده وش الشغل
بينما السطور الزوجيه زى الثانى والرابع وهكذا فده ظهر الشغل
وده حاجه ثابته فى كل شغل التريكو

يارب تكون المعلومه وصلت
وانا والله تحت امرك حتى لو سالتى 100 سؤال هكون سعيده والله

حبيبتى ولا يهمك وترجعى بالسلامه
هوا بس الجو النهارده كان حر زياده عن اللزوم والواحد مكنش مركز فى اى حاجه