سويتر بونشو تريكو كاجوال بالشرح المفصل للباترون سهل جدا للمبتدئات

بسم الله الرحمن الرحيم

سويتر بونشو تريكو كاجوال بالشرح المفصل للباترون سهل جدا للمبتدئات



المقاس = 36/40

والرسم التخطيطى التالى يوضح المقاسات النهائية للبونشو



..........

المواد المطلوبه =

_ 550 جرام من الخيط القطن
_ إبرة دائرية مقاس 4.5 مللى
_ إبر تريكو مدببة الطرفين مقاس 4.5 مللى
..........

قياس الوحدة

10×10 سم = 18.5 من الغرزة المموجة × 40 سطر
10×10 سم = 18.5 من غرزة البليسيه × 24.5 سطر

خطوات العمل

_ البونشو مشغول من تحت لفوق والشغل دائرى

_ هنبدأ بعمل 384 غرزة وهنشتغل دائرى هنبدأ بعمل سطر عدل

_ ثم هنبدأ نشتغل الغرزة المموجة كالتالى

السطر 1 = ( هنسلت غرزة كأننا هنشتغلها مقلوب , 1 مقلوب ) هنكرر مابين الأقواس حتى اخر السطر
السطر 2 = عدل
السطر 3 = ( 1 مقلوب , هنسلت غرزة كأننا هنشتغلها مقلوب ) هنكرر مابين الأقواس حتى اخر السطر
السطر 4 = عدل

هنكرر السطور من 1 الى 4 حتى يصل الطول الى 10 سم ( او بعد شغل 40 سطر ) هنبدأ نشتغل غرزة البليسيه 4ع , 4م

_ هنستمر بعمل غرزة البليسيه لمدة 13 سم او 32 سطر ثم هنستمر بعمل الغرزة المموجة مرة أخرى وفى نفس الوقت فى اول سطر من الغرزة المموجه هننقص 96 غرزة بالتساوى على مدار السطر ليصبح عدد الغرز = 288 غرزة

*ملحوظة * بالنسبة للتنقيص علشان نعرف هنقص كل كام غرزة هنقسم عدد الغرز الكلى / عدد الغرز المراد تنقيصها بمعنى 384 / 96 = 4 ....... إذن فى كل 4 غرز هنقص غرزة .... بمعنى اخر هنشتغل غرزتين كالمعتاد ثم الغرزة الثالثة والرابعه هنشتغلهم 2عدل معا ... إذن أصبح الأربع غرز ثلاثه

_ هنستمر بعمل الغرزة المموجه لمدة 10 سم أو 40 سطر ثم هنستمر بعمل غرزة البليسيه مرة اخرى 4ع , 4م وفى نفس الوقت فى اول سطر من غرزة البليسيه هننقص 72 غرزة بالتساوى على مدار السطر ليصبح عدد الغرز = 216 غرزة

_ هنستمر بعمل البليسيه لمدة 13 سم او 32 سطر ثم فى السطر التالى هنشتغل كل غرزتين معا ليصبح عدد الغرز = 108 غرزة ثم هنقفل الشغل فى السطر التالى

..........

( المعصمين )

_ هنحدد جوانب البونشو بوضع علامة ثم هنلقط على طول 13 سم يمين ويسار العلامة هنلقط 52 غرزة على الابر مدببة الطرفين وهنشتغل دائرى غرزة البليسيه 2ع , 2م لمدة 13 سم او 32 سطر وهنقفل الشغل

وهنا فيديو الشرح على اليوتيوب

https://youtu.be/yqZsHIzEpBM

...........

تم بحمد الله

أتمنى لكم المتعه والفائدة

وعليكم السلام ورحمة الله وبركاته

هتبدأى ب 480 غرزة

وبالنسبة لعدد الغرز اللى هتنقصيها كالتالى اول تنقيص 120 غرزة سيصبح عدد الغرز = 360 غرزة
تانى تنقيص 90 غرزة سيصبح عدد الغرز = 270 غرزة
ثم اخر تنقيص هتشتغلى كل غرزتين معا ليصبح عدد الغرز = 135 غرزة وتقفلى الشغل