بلوزة تريكو طويلة بغرزة لاسيه رائعة بالباترون والشرح بالتفصيل بالعربى

بسم الله الرحمن الرحيم

بلوزة تريكو طويلة حريمى بغرزة لاسيه رائعة بالباترون والشرح بالتفصيل بالعربى



المقاسات = 36 / 38 - 44 / 46

المواد المطلوبة

_ 450 - 550 جرام من الخيط
_ إبر تريكو مدببة الطرف مقاس 5 مللى ومقاس 10 مللى

وهنا رسم تخطيطى يوضح القياسات النهائية لأجزاء البلوزة



قياس الوحدة لجسم البلوزة = 10 × 10 سم = 9 غرز × 13 سطر
قياس الوحدة للأكمام = 10 × 10 سم = 16.5 غرزة × 22.5 سطر

قبل البدء فى شرح خطوات العمل هنشرح الباترون المرسوم المستخدم فى عمل جسم البلوزة



عدد غرز البداية = مضاعفات العدد 8 + 1

السطر 1 = ( 1ع , لفه , إسلتى غرزة , 1ع , مررى المسلوته فوق العدله , 3ع , 2ع معا , لفة ) هنكرر مابين الاقواس حتى اخر غرزة هنشتغلها عدل
السطر 2 = مقلوب
السطر 3 = ( 2ع , لفه , إسلتى غرزة , 1ع , مررى المسلوته فوق العدله , 1ع , 2ع معا , لفة , 1ع ) هنكرر مابين الاقواس حتى اخر غرزة هنشتغلها عدل
السطر 4 = مقلوب
السطر 5 = ( 1ع , لفه , إسلتى غرزة , 1ع , مررى المسلوته فوق العدله , لفة , إسلتى غرزة , 2ع معا , مررى المسلوته فوق العدلة , لفة , 2ع معا , لفة ) هنكرر مابين الاقواس حتى اخر غرزة هنشتغلها عدل
السطر 6 = مقلوب
السطر 7 = زى السطر 3
السطر 8 = مقلوب
السطر 9 = ( 3ع , لفه , إسلتى غرزة , 2ع معا , مررى المسلوته فوق العدلة , لفة , 2ع ) هنكرر مابين الاقواس حتى اخر غرزة هنشتغلها عدل
السطر 10 = مقلوب
السطر 11= ( 1ع , 2ع معا , 1ع , لفه , 1ع , لفه , 1ع , إسلتى غرزة , 1ع , مررى المسلوته فوق العدله ) هنكرر مابين الاقواس حتى اخر غرزة هنشتغلها عدل
السطر 12 = مقلوب
السطر 13 = زى السطر 11
السطر 14 = مقلوب
السطر 15 = زى السطر 11
السطر 16 = مقلوب

هنكرر السطور من 1 الى 16 حتى اخر العمل

...........

خطوات عمل البلوزة

(أولا)

الصدر

_ بإستخدام الإبرة مقاس 10 مللى وبفتلتين من الخيط هنبدأ بعمل 43 _ 51 غرزة
_ هنشتغل سطر عدل مع عمل غرزة حافة من كل جانب
_ هنبدأ نشتغل الباترون السابق شرحه مع عمل غرزة حافة من كل جانب ونستمر فى عمله حتى يصل الطول إلى 47 _ 48.5 سم وهنقفل الشغل

...........

( ثانيا )

الظهر

_ نفس خطوات عمل الصدر بالمثل

( ثالثا )

الأكمام

وقبل البدء فى شرح خطوات عمل الكم هنشرح باترون الغرزة المستخدمة

عدد غرز البداية = مضاعفات العدد 5 + 2

السطر 1 = عدل
السطر 2 = عدل
السطر 3 = 1ع , (1ع , لفه ) هنكرر مابين الأقواس حتى أخر غرزة هنشتغلها عدل
السطر 4 = 1ع , (هنسلت الخمس غرز التاليين على الابرة اليمين كأننا هنشتغلهم مقلوب , ثم هنسلت اللفة التالية من على الابرة , ثم هنرجع الخمس غرز المسلوتين الى الابرة الشمال مرة اخرى ونشتغلهم 5 ع معا , ثم هنرجع اللفة المسلوته على الابرة الشمال مرة اخرى وننشأ منها 5 غرز بشغل غرزة عدله ثم غرزة مقلوبة بالتبادل ) هنكرر مابين الأقواس حتى اخر غرزة هنشتغلها عدل
السطر 5 = عدل
السطر 6 = عدل
هنكرر السطور من 1 الى 6 حتى اخر العمل

..........

وفيما يلى خطوات عمل الكم

_ بإستخدام الإبرة مقاس 5 مللى وفتله واحده من الخيط هنبدأ بعمل 44 - 54 غرزة

_ هنبدأ بعمل باترون غرزة الكم السابق شرحها

_ هنستمر بعمل الباترون وعندما يصل الطول الى 14 سم هنزود غرزة من كل جانب كل 12 سطر 5 مرات (مع ملاحظة شغل الغرز الزيادة عدل فى كل السطور )

سيصبح عدد الغرز بعد جميع التزويدات = 54 - 64 غرزة

_ هنستمر بعمل الباترون حتى يصل طول الكم الى 42.5 سم هنقفل الشغل

...........

التقفيل

_ هنخيط الصدر والظهر من عند الأكتاف بقفل حوالى 10 _ 13.5 سم من كل جانب
_ هنركب الأكمام
_ ثم هنخيط جوانب الأكمام وجوانب البلوزة

.........

إنتهى بحمد الله

أتمنى لكم المتعة والفائدة إن شاء الله

حبيبتى تسلمى
الفكرة انك بتشتغلى الأكمام بإبر مقاس 5 مللى والظهر والصدر بابر مقاس 10 مللى وسمك الخيط اللى بتشتغلى بيه واحد ( اللى هو على ابر 5 مللى )
فلما هنيجى نشتغل جسم البلوزة بابر 10 مللى هنحتاج نجوز الخيط
اما عندك حل تانى لو عاوزة تشتغلى بفتله واحده هتجيبى خيط سمكه تشتغليه بابر 10 مللى بس فى الحالة دى برضه لما تيجى تشتغلى الكم هتحتاجى خيط سمكه تشتغليه على 5 مللى