بونشو تريكو بغرزة الفقاعات والضفائر الآسيوية والباترون والشرح بالعربى

بسم الله الرحمن الرحيم

بونشو تريكو بغرزة الفقاعات والضفائر الآسيوية والباترون والشرح بالعربى











...........

وهنا تطبيق لأحد العضوات









الشرح بالكامل فى الفيديو التالى

https://youtu.be/U8jldNtYcYU

المقاس = S/M

المقاسات النهائية للبونشو = الطول الكلى 75 سم × العرض الكلى من الكم للكم 88 سم

....

والرسم التخطيطى التالى يوضح القياسات النهائية لأجزاء البونشو



....

المواد المطلوبة:

_ 650 إلى 700 جرام من الخيط

_ إبر تريكو دائرية مقاس 4 مللى و 3.5 مللى ( وطول 40 سم )

_ إبر تريكو مدببة الطرف مقاس 4 مللى و 3.5 مللى

_ علامات وماسك للغرز

.....

قياس الوحدة = 10 × 10 سم بالإبر مقاس 3.5 مللى وبغرزة البليسيه = 24 غرزة × 30 سطر

قياس الوحدة = 10 × 10 سم بالإبر مقاس 4 مللى وبغرزة الفقاعات = 20 غرزة × 25 سطر

وقبل البدء فى شرح خطوات عمل البونشو

هنشرح أولا باترونات الغرز المستخدمة فى عمل البونشو

(أولا)

* غرزة البليسيه *

عدد غرز البداية = مضاعفات العدد 4

السطر 1 ( وجه العمل ) = غرزة حافة , ( 2ع , 2م ) هنكرر مابين الأقواس حتى أخر غرزة فى السطر هنشتغلها غرزة حافة


هنكرر السطرين 1 حتى أخر العمل

....

(ثانيا)

* غرزة الفقاعات *

عدد غرز البداية = مضاعفات العدد 4 + 1 ( مع إضافة 2 غرزة حافة )

السطر 1 ( ظهر العمل ) = غرزة حافة , كله مقلوب , غرزة حافة

السطر 2 ( وجه العمل ) = غرزة حافة , كله عدل , غرزة حافة

السطر 3 = زى السطر 1

السطر 4 = زى السطر 2

السطر 5 = زى السطر 1

السطر 6 = غرزة حافة , ( 3ع , هنفك الغرزة التالية لمدة اربع سطور ثم هنشتغل الغرزة فى السطر الاول مع الاربع لفات المفكوكين غرزة عدل ) هنكرر مابين الأقواس حتى أخر غرزتين هنشتغلهم 1ع , غرزة حافة

السطر 7 = زى السطر 1

السطر 8 = زى السطر 2

السطر 9 = زى السطر 1

السطر 10 = زى السطر 2

السطر 11 = زى السطر 1

السطر 12 = غرزة حافة , 1ع ( هنفك الغرزة التالية لمدة اربع سطور ثم هنشتغل الغرزة فى السطر الاول مع الاربع لفات المفكوكين غرزة عدل , 3ع )
هنكرر مابين الأقواس حتى أخر غرزة هنشتغلها غرزة حافه

هنكرر السطور من 1 الى 12 حتى النهاية

....

(ثالثا)

* غرزة الضفائر الآسيوية *

ودى الغرزة اللى هنشتغلها فوق الأكتاف وهيختلف شغلها فى الناحية اليمين عن الناحية الشمال زى ما هشرح دلوقتى

عدد غرز البداية = مضاعفات العدد 6 ( مع إضافة 2 غرزة حافة )

_ للناحية اليمين _

السطر 1 ( وجه العمل ) = غرزة حافة , مقلوب , غرزة حافة

السطر 2 = غرزة حافة , عدل , غرزة حافة

السطر 3 = غرزة حافة , مقلوب , غرزة حافة

السطر 4 = غرزة حافة , هنشتغل 6 غرز عدل ثم هنلف الشغل ثم هنشتغل فوق الست غرز 11 سطر جيرسيه (وفى السطر 12 هنشتغل 9 غرز عدل ثم هنلف الشغل ثم هنشتغل فوق 6 غرز فقط 11 سطر جيرسيه )وهنكرر مابين الاقواس حتى اخر غرزة على السطر هنشتغلها غرزة حافة

السطر 5 = زى السطر 1

السطر 6 = زى السطر 2

السطر 7 = زى السطر 1

..

_ للناحية الشمال _

السطر 1 ( وجه العمل ) = غرزة حافة , عدل , غرزة حافة

السطر 2 = غرزة حافة , مقلوب , غرزة حافة

السطر 3 = غرزة حافة , عدل , غرزة حافة

السطر 4 = غرزة حافة , هنشتغل 6 غرز مقلوب ثم هنلف الشغل ثم هنشتغل فوق الست غرز 11 سطر جيرسيه (وفى السطر 12 هنشتغل 9 غرز مقلوب ثم هنلف الشغل ثم هنشتغل فوق 6 غرز فقط 11 سطر جيرسيه ) وهنكرر مابين الاقواس حتى اخر غرزة على السطر هنشتغلها غرزة حافة

السطر 5 = زى السطر 1

السطر 6 = زى السطر 2

السطر 7 = زى السطر 1

( خطوات عمل البونشو )

_ الشرح متماثل للظهر والصدر

_ هنبدأ بعمل 122 غرزة على الإبر المدببة مقاس 3.5 مللى ثم هنشتغل غرزة البليسيه لمدة 15 سم وبحيث يكون أخر سطر مشغول هو ظهر العمل وفى نفس الوقت هنقص غرزة فى اخر سطر
سيصبح عدد الغرز = 121 غرزة

_ هنبدل إلى الإبر المدببة مقاس 4 مللى وهنبدأ نشتغل باترون غرزة الفقاعات وهنستمر فى شغل باترون غرزة الفقاعات حتى يصل الطول الى 13 سم من بداية عمل غرزة الفقاعات

_ هنبدأ نزود غرزة من كل جانب فى السطور الأمامية فقط / 6 مرات
ليصبح عدد الغرز بعد جميع التزويدات = 133 غرزة ( ملاحظة الغرز الجديدة هنشتغلها ايضا بباترون الفقاعات )

وبعد كل التزويدات هنضع علامة هنا فى اول واخر السطر لتحديد اول فتحه الكم

_ ثم هنستمر بشغل باترون غرزة الفقاعات فوق 133 غرزة بدون تزويد لمدة 12 سم

_ ثم هنبدأ ننقص من كل جانب لعمل حردة الكتف كالتالى :

هنقص غرزتين من كل جانب فى السطور الأمامية فقط / 22 مرة

( ملاحظة لتنقيص غرزتين مرة واحده ناحية اليمين هنسلت غرزة ثم هنشتغل 2ع معا ثم هنمرر الغرزة المسلوته فوق الغرزة العدلة , اما لتنقيص غرزتين مرة واحدة ناحية الشمال هنشتغل 3ع معا )

سيصبح عدد الغرز = 45 غرزة

_ ثم هنستمر فى تنقيص غرزة من كل جانب فى السطور الأمامية فقط / 6 مرات

سيصبح عدد الغرز = 33 غرزة

_ هنشتغل سطر مقلوب ثم سطر عدل وهنضع الغرز ال 33 المتبقية على ماسك للغرز

_ مش هنقطع الخيط ووجه العمل مقابل لنا وبالابر المدببة مقاس 3.5 مللى هنلقط على طول كل كتف 80 غرزة وهنشتغلهم بباترون غرزة الضفائر الآسيوية كما سبق الشرح ( مع الأخذ فى الإعتبار أن الكتف الشمال سيختلف عن الكتف اليمين ) ثم بعد الإنتهاء من السطر السابع مش هنقفل الشغل ولكن هنركن الغرز على ماسك الغرز

..........

هنشتغل الظهر بالمثل تماما

_ وبعد الإنتهاء هنصل الكتفين معا بشغل كل غرزة من الصدر مع كل غرزة من الظهر 2 ع معا من ظهر العمل

* الكوله *

_ بإستخدام الإبرة الدائرية مقاس 3.5 مللى هنلقط على دوران فتحة الرقبة 120 غرزة ( بما فيهم 33 غرزة المركونين من الصدر + 33 غرزة المركونين من الظهر )

_ هنضع علامة فى أول السطر وهنشتغل دائرى كالتالى :

هنبدأ بشغل غرزة الضفائر الآسيوية

السطر 1 ( وجه العمل ) = عدل

السطر 2 = عدل

السطر 3 = عدل

السطر 4 = هنشتغل 6 غرز عدل ثم هنلف الشغل ثم هنشتغل فوق الست غرز 11 سطر جيرسيه (وفى السطر 12 هنشتغل 9 غرز عدل ثم هنلف الشغل ثم هنشتغل فوق 6 غرز فقط 11 سطر جيرسيه )وهنكرر مابين الاقواس حتى اخر السطر
السطر 5 = عدل

السطر 6 = عدل

السطر 7 = عدل

_ ثم هنبدل إلى الإبر الدائرية مقاس 4 مللى وهنبدأ نشتغل باترون غرزة الفقاعات كالتالى :

السطر 1 = عدل

السطر 2 = عدل

السطر 3 = عدل

السطر 4 = عدل

السطر 5 = عدل

السطر 6 = ( 3ع , هنفك الغرزة التالية لمدة اربع سطور ثم هنشتغل الغرزة فى السطر الاول مع الاربع لفات المفكوكين غرزة عدل ) هنكرر مابين الأقواس حتى أخر غرزتين هنشتغلهم 1ع

السطر 7 = عدل

السطر 8 = عدل

السطر 9 = عدل

السطر 10 = عدل

السطر 11 = عدل

السطر 12 = 1ع ( هنفك الغرزة التالية لمدة اربع سطور ثم هنشتغل الغرزة فى السطر الاول مع الاربع لفات المفكوكين غرزة عدل , 3ع )
هنكرر مابين الأقواس حتى أخر السطر

هنكرر السطور من 1 الى 12 حتى يصل الطول الى 25 سم هنقفل الشغل

_ هنثنى الكولة للداخل وهنسرجها من الداخل

..........

* برواز الكم *

_ بإستخدام الإبر المدببة مقاس 3.5 مللى ووجه العمل مقابل لنا هنلقط على طول دوران فتحة الكم من العلامة للعلامة 80 غرزة وهنشتغل غرزة البليسيه 2ع ,2م لمدة 5 سم وهنقفل الشغل

_ هنخيط جوانب البونشو وجوانب برواز الكم

..........

تم بحمد الله الإنتهاء من الشرح

أتمنى لكم المتعه والفائدة