باترون تريكو لبونشو جاكيت حريمى بالشرح الكامل بالعربى

بسم الله الرحمن الرحيم

باترون تريكو لبونشو جاكيت حريمى بالشرح الكامل بالعربى

ده شكل البونشو جاكيت





وهنا صورة مقربة للكوله ولمرد الزراير





........

وقبل الشرح أستعرض معكم بعض التطبيقات للبونشو















وهنا أحد التطبيقات قام بالتعديل على الباترون الأساسى وإستبدل الكوله بفتحة رقبة سابرينا

المقاسات (على حسب نصف محيط الصدر ) = 34/36 _ 38/40 _ 42/44 _ 46/48 _ 50/52

* المواد المستخدمة *

- 900 _ 950 _ 1050 _ 1150 _ 1300 جرام من الخيط

- إبر تريكو مدببة الطرف مقاس 5 و 5.5 مللى

- 8 زراير ( 25 مللى )

.........

* قياس الوحدة *

10×10 سم على الإبر مقاس 5.5 مللى= 18 غرزة × 23 سطر



.........

وفى الصور التالية يوضح القياسات النهائية لأجزاء البونشو







........

* شرح باترون الغرزة المستخدمة فى البونشو *



عدد غرز البداية = مضاعفات العدد 4 + 1

السطر 1 ( وجه العمل )= (1ع,1م) هنكرر مابين الاقواس حتى اخر غرزة فى السطر هنشتغلها 1ع
السطر 2 (ظهر العمل )= 1م ( 1ع , 1م ) هنكرر مابين الاقواس حتى اخر السطر
السطر 3 = (1م,3ع) هنكرر مابين الاقواس حتى اخر غرزة فى السطر هنشتغلها 1م
السطر 4 = 1ع , ( 3م , 1ع ) هنكرر مابين الاقواس حتى اخر السطر
السطر 5 = زى الاول
السطر 6 = زى الثانى
السطر 7 = ( 2ع , 1م , 1ع ) هنكرر مابين الاقواس حتى اخر غرزة فى السطر هنشتغلها 1ع
السطر 8 = 1م , ( 1م,1ع,2م) هنكرر مابين الاقواس حتى اخر السطر

هنكرر السطور من 1 الى 8

خطوات عمل البونشو

(أولا)

*الظهر*



_ الظهر مشغول أمام وخلف العمل على الإبر مدببة الطرف مقاس 5.5 مللى من أسفل إلى أعلى

_ هنبدأ بعمل 47 _ 51 _ 59 _ 67 _ 79 غرزة وهنشتغل باترون الغرزة المشروح سابقا

_ وفى نفس الوقت هنبدأ نعمل دوران الجوانب السفلى بتزويد غرز من الجانبين كالتالى :

هنبدأ بالتزويد من كل جانب كل سطرين

4 غرز / مرة واحدة
ثم
3 غرز / 3 مرات
ثم
غرزتين / 5 مرات
ثم
غرزة / 8 مرات

ثم هنزود كل 4 سطور غرزة / 3 مرات

* سيصبح عدد الغرز بعد جميع التزويدات = 115 _ 119 _ 127 _ 135 _ 147 غرزة

وهنا فيديو يوضح طريقة تزويد غرز فى اخر السطر

تزويد غرز اخر السطر

_ عندما يصل الطول الى 21.5 سم ( او بعد شغل 50 سطر ) هنبدأ ننقص غرزة من كل جانب لعمل الحردة الرجلان ( هنقص بعد اول غرزتين فى السطر وقبل أخر غرزتين فى السطر مع شغل اول واخر غرزتين فى السطر بغرزة الجيرسيه ) كالتالى:

للمقاس الاول = هنقص غرزة من كل جانب كل سطرين / 44 مرة

للمقاس الثانى = هنقص غرزتين من كل جانب / مرة واحدة ثم هنقص غرزة من كل جانب كل سطرين / 44 مرة

للمقاس الثالث = (هنقص غرزة من كل جانب كل سطرين / 8 مرات ثم غرزتين / مرة واحدة ) هنكرر مابين الاقواس 4 مرات ثم هنقص غرزة / 10 مرات

للمقاس الرابع = (هنقص غرزة من كل جانب كل سطرين / 6 مرات ثم غرزتين / مرة واحدة ) هنكرر مابين الاقواس 6 مرات ثم هنقص غرزة / 5 مرات

للمقاس الخامس = (هنقص غرزة من كل جانب كل سطرين / 3 مرات ثم غرزتين / مرة واحدة ) هنكرر مابين الاقواس 11 مرات ثم هنقص غرزة / 4 مرات

* سيصبح عدد الغرز بعد جميع التنقيصات = 27 _ 27 _ 27 _ 29 _ 29 غرزة

_ عندما يصل الطول الى 60.5 _ 61.5 _ 62.5 _ 63.5 _ 64.5 سم او بعد شغل 140 _ 142 _ 144 _ 146 _ 148 سطر هنقفل كل الغرز المتبقيه

(ثانيا)



*الجزء الأمامى اليمين*

_ مشغول أمام وخلف العمل على الإبر مدببة الطرف مقاس 5.5 مللى من أسفل إلى أعلى

_ هنبدأ بعمل 15 _ 17 _ 21 _ 25 _ 31 غرزة وهنشتغل باترون الغرزة السابق شرحها

_ وفى نفس الوقت هنبدأ نعمل دوران الجانب الشمال السفلى بتزويد غرز من الجانب الشمال كالتالى :

هنزود كل سطرين

4 غرز / مرة واحدة
ثم
3 غرز / 3 مرات
ثم
غرزتين / 5 مرات
ثم
غرزة / 8 مرات

ثم هنزود كل 4 سطور غرزة / 3 مرات

* سيصبح عدد الغرز بعد جميع التزويدات = 49 _ 51 _ 55 _ 59 _ 65 غرزة

_ عندما يصل الطول الى 21.5 سم ( او بعد شغل 50 سطر ) هنبدأ ننقص غرزة من الجانب الشمال لعمل الحردة الرجلان ( هنقص بعد اول غرزتين فى السطر وهنشتغل اول غرزتين بغرزة الجيرسيه) كالتالى:

للمقاس الاول = هنقص غرزة/ 42 مرة

للمقاس الثانى = هنقص غرزتين / مرة واحدة ثم هنقص غرزة / 42 مرة

للمقاس الثالث = (هنقص غرزة / 8 مرات ثم غرزتين / مرة واحدة ) هنكرر مابين الاقواس 4 مرات ثم هنقص غرزة / 6 مرات

للمقاس الرابع = (هنقص غرزة / 6 مرات ثم غرزتين / مرة واحدة ) هنكرر مابين الاقواس 6 مرات ثم هنقص غرزة / مرة واحدة

للمقاس الخامس = (هنقص غرزة / 3 مرات ثم غرزتين / مرة واحدة ) هنكرر مابين الاقواس 11 مرات

_ عندما يصل الطول الى 53 _ 54 _ 55 _ 56 _ 57 سم او بعد شغل 122 _ 124 _ 126 _ 128 _ 130 سطر هنبدأ ننقص من الجانب اليمين لعمل حردة الرقبة كالتالى :

للمقاسات 1 و 2 و 3 = هنقفل 3 غرز / مرة واحدة ثم هنقفل غرزة / مرة واحدة
للمقاسات 4 و 5 = هنقفل 4 غرز / مرة واحدة ثم غرزتين / مرة واحدة ثم غرزة / مرة واحده

_ عندما يصل الطول الى 57 _ 58 _ 59 _ 60 _ 61 سم او بعد شغل 132 _ 134 _ 136 _ 138 _ 140 هنقفل الثلاث غرز المتبقية

...........

(ثالثا)
*الجزء الأمامى الشمال*

_ زى الجزء الامامى اليمين ولكن معكوس

(رابعا)



*الكم اليمين*

_ هنشتغله امام وخلف العمل على الابر مقاس 5.5 مللى من الأسفل الى الاعلى

_ هنبدأ بعمل 99 _ 103 _ 111 _ 119 _ 131 غرزة وهنشتغل باترون الغرزة المشروح سابقا

_ هنبدا ننقص غرزة من كل جانب لعمل الحردة الرجلان ( هنقص بعد اول غرزتين فى السطر وقبل أخر غرزتين فى السطر مع شغل اول واخر غرزتين فى السطر بغرزة الجيرسيه ) كالتالى:

للمقاس الاول = هنقص غرزة من كل جانب / 40 مرة

للمقاس الثانى = هنقص من كل جانب غرزتين / مرة واحده ثم غرزة /40 مرة

للمقاس الثالث = ( هنقص من كل جانب غرزة / 6 مرات ثم غرزتين / مرة واحده ) هنكرر مابين الاقواس 4 مرات ثم هنقص غرزة / 6 مرات

للمقاس الرابع = ( هنقص من كل جانب غرزة / 6 مرات ثم غرزتين / مرة واحده ) هنكرر مابين الاقواس 6 مرات ثم هنقص غرزة / مرة واحده

للمقاس الخامس = ( هنقص من كل جانب غرزة / 3 مرات ثم غرزتين / مرة واحدة ) هنكرر مابين الاقواس 11 مرة

* سيصبح عدد الغرز = 19 _ 19 _ 19 _ 21 _ 21 غرزة

_ عندما يصل الطول الى 35.5 _ 36.5 _ 37.5 _ 38.5 _ 39.5 سم او بعد شغل 82 _ 84 _ 86 _ 88 _ 90 سطر هنبدا نقفل من ناحية اليمين لعمل حردة الرقبة كالتالى:

للمقاس 1 و 2 و 3 = هنقفل 5 غرز/مرة واحدة ثم 3 غرز/ مرة واحدة ثم غرزتين / مرتين
وللمقاس 4 و 5 = هنقفل 5 غرز / مرة واحدة ثم 4 غرز / مرة واحدة ثم 3 غرز / مرة واحدة ثم غرزتين / مرة واحدة

_ فى نفس الوقت هنقص من الناحية الشمال غرزة / 3 مرات

_ عندما يصل الطول الى 39 _ 40 _ 41 _ 42 _ 43 سم او بعد شغل 90 _ 92 _ 94 _ 96 _ 98 سطر هنقفل الثلاث غرز المتبقيين

..........

(خامسا)
*الكم الشمال*

_ زى الكم اليمين ولكن معكوس

الان وقد انتهينا من اجزاء البونشو الخمسه هنرتبهم بالشكل التالى



(سادسا)

*البرواز البليسيه*

_ هيكون عباره عن 5 قطع ملقوطه على الخمس اجزاء للبونشو ومشغولة امام وخلف العمل على الابر مقاس 5 مللى

_ البليسيه هنشتغله 2عدل و 2مقلوب

.......

* برواز البليسيه للظهر *

هنلقط على دوران الظهر السفلى 182 _ 186 _ 194 _ 202 _ 214 وهنشتغل البليسيه حتى يصل الطول الى 4.5 سم او بعد شغل 10 سطور هنقفل الشغل

* برواز البليسيه للجزئين الأمامين اليمين والشمال *

هنلقط على الدوران السفلى لكل جزء 79_81_85_89_95 غرزة وهنشتغل البليسيه حتى يصل الطول الى 4.5 سم او بعد شغل 10 سطور هنقفل الشغل

* برواز البليسيه للكمين *

هنلقط 118 _ 122 _ 130 _ 138 _ 150 غرزة وهنشتغل البليسيه حتى يصل الطول الى 4.5 سم او بعد شغل 10 سطور هنقفل الشغل

...........

وبعد الانتهاء من عمل برواز البليسيه للاجزاء الخمسه هنخيط الأجزاء بعضها البعض كما فى الصورة التاليه



............

( سابعا )

* بروازى الزراير الأمامية *

_ هنشتغل بروازى الزراير الأماميه بلقط غرز على طول حافة الجزئين الأمامين على الإبر مقاس 5 مللى وشغل البليسيه 2 عدل و 2 مقلوب امام وخلف العمل

_ هنلقط على طول الحافة الأماميه 120 _ 120 _ 124 _ 124 _ 128 غرزة وهنشتغل البليسيه حتى يصل الطول الى 12 سم او بعد شغل 26 سطر
ونقفل الشغل

...........

( ثامنا )

* الكوله *

_ بعد غلق بروازى الزراير فوق بعضهما البعض هنلقط على دوران فتحة الرقبة 110 _ 110 _ 110 _ 118 _ 118 غرزة على الابر مقاس 5 مللى وهنشتغل البليسيه 2 عدل و 2 مقلوب حتى يصل الطول الى 24 سم او بعد شغل 52 سطر هنقفل الشغل



...........

( تاسعا )

* برواز لغلق البونشو من الجوانب كما بالصورة *

ويمكن الإستغناء عنه وإستبداله بزرار او بالخياطة فقط





_ هنبدأ بعمل 24 غرزة على الابر مقاس 5 مللى وهنشتغل البليسيه 2 عدل و2 مقلوب لمدة 4.5 سم او بعد شغل 10 سطور هنقفل الشغل وهنخيط البرواز فى الفاصل بين الكم والأمام والخلف كما موضح فى الصورة السابقة

.........

هنخيط الزراير فى اماكنها

.........

وبكده نكون انتهينا من شرح البونشو
اتمنى لكم المتعه والفائدة

للمزيد من باترونات التريكو العربيه

باترونات تريكو عربى