Shahd.q كتب:
معلش يالهلوبه انا تعباكى معايا انا عاوزه اعمل الموديل ده بدل البونشو بس موضوع ام1 ده مش مفهمنى يعنى اشتغل 6 سطور غرز طوق والسطر السابع ابتدى اعمل ام 1 يعنى ال70 غرزه هيمشو 3ع 3م 3ع 3م للنهايه والسطر 8 3ع 3م للنهايه والسطر 9 نفس الشئ والسطر العاشر 3م 3ع للنهايه انا كده فهمت صح
Shahd.q كتب:
معلشي يالهلوبه والجزء ده مش فاهمه الله يخليكى تردى عليا بسرعه
3 غرز /مره واحده
2 غرزه/1-2-2(1-3)مره
غرزة واحده/ 3مرات
سيصبح عدد الغرز بعد كل التنقيصات=46-54-62(70-70) غرزة
انا عارفه ان تقلت عليكى سامحينى
اولا بعتذر عن التاخير فى الرد
الموضوع سهل ام1 اللى هو باترون المربعات
هتشتغلى 6 سطور غرزة طوق اللى هيا عدل على طول
السطر 7 = غرزة حافه (4ع, 4م ) هتكررى مابين الاقواس حتى اخر غرزة هتشتغليها غرزة حافه
السطر 8= غرزة حافه ( 4م,4ع) هتكررى مابين الاقواس حتى اخر غرزة هتشتغليها غرزة حافه
السطر 9 = زى السطر 7
السطر 10 = زى السطر 8
السطر 11 = زى السطر 8
السطر 12 = زى السطر 7
السطر 13 = زى السطر 8
السطر 14 = زى السطر 7
وتكررى السطور الثمانيه دول
عندما يصل الطول الى 17 سم هتبداى تقفلى من كل ناحيه علشان تحردى الباط
هتقفلى 3 غرز مرة واحده ( يعنى هتقفلى 3 غرز مرة من اليمين ومرة من الشمال)
ثم هتقفلى غرزتين مرتين ( يعنى هتقفلى غرزتين مرتين يمين ومرتين شمال)
ثم غرزة 3 مرات ( يعنى هتقفلى غرزة 3 مرات يمين و3 مرات شمال)
...............
اتمنى الفكرة تكون وضحت وتحت امرك فى اى استفسار تانى
