بلوزة تريكو بغرزة الطوق للسيدات والباترون والشرح بالعربى

بسم الله الرحمن الرحيم

بلوزة تريكو بغرزة الطوق للسيدات والباترون والشرح بالعربى

دى شكل البلوزة



المقاس= مقاس واحد

وفى الرسم التالى يوضح القياسات النهائية للبلوزة بالسنتيمتر



المواد المطلوبة

_ 700 جرام من الصوف
_ ابر تريكو مدببة الطرف مقاس 5.5 مللى
_ ابرة كروشيه مقاس 5 مللى
_ علامات

...........

قياس الوحدة

10 سم× 10سم= 12 غرزة×23 سطر

خطوات عمل البلوزة


الظهر والوجه متماثلان

* الظهرة عبارة عن جزئين يمين وشمال ( وايضا الوجه)

(الجزء اليمين)

_ هنبدأ بعمل 24 غرزة على الابر التريكو مقاس 5.5 مللى وهنضع علامه بين اول 22 غزة والغرزتين التاليتين
_ هنشتغل غرزة الطوق(كل السطور عدل) فوق كل الغرز
_ فى نفس الوقت هنزود على جانبى الغرزتين كالتالى
فى بداية كل سطرين من الناحية الشمال كالتالى
غرزتين 7 مرات
ثم
3 غرز 3 مرات

من الناحية اليمين للغرزتين قبل العلامه كالتالى
فى بداية كل سطرين هنزود غرزة 9 مرات

_ أصبح عدد الغرز بعد التزويدات= 56 غرزة
_ عندما يصل الطول الى 8 سم هنقفل 22 غرزة اللى قبل العلامة وسيتبقى عندنا 34 غرزة على الابرة

_ فى نفس الوقت هنزود من ناحية اليمين فى بداية كل سطرين كالتالى
غرزتين 6 مرات
ثم
غرزة مرتين

_ عندما يصل الطول الى 9 سم هنترك الشغل جانبا وهنبدأ شغل الكم من أول إسورة الكم كالتالى
هنبدأ بعمل 7 غرز على الابر التريكو مقاس 5.5 مللى وهنشتغل غرزة الطوق وفى نفس الوقت هنبدأ نزود على الجانبين كالتالى

من الناحية اليمين كل سطرين/7 غرز 4 مرات ثم 8 غرز 3 مرات
من الناحية الشمال كل 4سطور/ غرزة 7 مررات

_ عندما يصل طول الكم الى 6سم هنضع غرز الكم على الابرة اللى عليها غرز البلوزة بحيث تكون غرز الكم على شمال غرز البلوزة وسيصبح عندنا على الابرة 114 غرزة وهنستمر فى شغل غرزة الطوق فوق كل الغرز

_ عندما يصل الطول الى 15 سم هنبدا نقفل من ناحية الشمال لعمل الكتف كالتالى
فى اول كل سطرين ناحية الشمال هنقفل غرزة 13 مرة ثم هنقفل غرزتين 26 مرة

_ وفى نفس الوقت هنبدأ نزود من الناحية اليمين لعمل الزجزاج كالتالى
فى اول كل 4سطور من ناحية اليمين هزود غرزة 3مرات
ثم فى اول كل سطرين ناحية اليمين هنقفل 6غرز مرتين
ثم فى اول كل 8 سطور هنزود غرزة 3مرات
ثم فى اول كل سطرين ناحية اليمين هنقفل 6غرز مرتين
ثم فى اول كل 6 سطور هنزود غرزة مرتين

_ عندما يصل الطول الى 50 سم هنقفل 24 غرزة المتبقيين مرة واحدة واللى هيكونوا فتحة الرقبة

(الجزء الشمال)

_ زى الجزء اليمين ولكن معكوس يعنى الشغل اللى فى اليمين هيكون فى الشمال والشغل اللى فى الشمال هيكون فى اليمين

_ ولكن الإختلاف الوحيد هيكون فى التزويد لعمل الزجزاج فى الشمال هيكون كالتالى
فى اول كل سطرين من ناحية الشمال هنقفل غرزتين مرتين ثم غرزة مرة واحدة
ثم هنزود كل 8 سطور غرزة 3 مرات

ثم فى اول كل سطرين من ناحية الشمال هنقفل 6 غرز مرتين ثم غرزة مرة واحدة
ثم هنزود كل 6 سطور غرزة 4 مرات

_ عندما يصل الطول الى 50 سم هنقفل 30 غرزة المتبقيين مرة واحدة واللى هيكونوا فتحة الرقبة

,,,,,,,,,,,,,,

* بإستخدام ابرة الكروشيه مقاس 5 هنوصل الناحيتين ونقفل خط الزجزاج اللى فى النص بتمرير خيط فى كل غرزة من اليمين ومن الشمال على طول خط الزجزاج وهنشتغل غرزة منزلقة حتى نكون قد انتهينا من توصيل وقفل كل الغرز

,,,,,,,,,,,,,,

* الجزء اللى فى النص فى اسفل البلوزة باستخدام ابرة التريكو هنلقط 28 غرزة وهنشتغلهم غرزة الطوق حتى يصل طوله الى 18 سم وهنقفل الشغل

,,,,,,,,,,,,,,,

* التقفيل
هنخيط كل الاجزاء ببعضها البعض

.................

وبكدا نكون بحمد الله إنتهينا من شرح البلوزة
اتمنى يكون الشرح سهل وبسيط
وانا تحت امركم فى اى استفسار

بصى ياجميل انتى عندك 24 غرزة هتجنبى 22 دول مش هيبقا فيهم زيادة ولا اى شغل ودول اللى هيبقو لمستطيل اللى فى الرسم التخطيطى
اما الغرزتين المتبقيتين دول اللى هيبقا فيهم تزويد من شمالهم ومن يمينهم قبل العلامه وهما دول اللى هيكونوا البلوزة

اما معنى غرزتين 7 مرات انتى تقصدى ازاى هتزودى غرزتين مرة واحده فهتستخدمى اما الطريقة دى بداية التريكو بطريقة الضفيرة

او دى البداية فى التريكو للمبتدئين casting on

ومعنى الارقام
يعنى مثلا لما يقولك زودى غرزتين 7 مرات يعنى هتزودى فى بدايه السطر من ناحية الشمال غرزتين ثم السطر اللى بعده مش هتزودى ثم السطر التالى هتزودى غرزتين من ناحية الشمال وهكذا حتى تكونى قد زودتى غرزتين لمده 7 مرات

اتمنى تكون الفكرة وصلت

والباترون ده مترجم من الروسى للاسف يعنى لو كان فيه نسخه انجليزيه كنت جبتهالك حبيبتى

تسلمى ياحبيبتى ويارب اكون دايما عند حسن ظنكم

الشكر لله يا قمر وتحت امرك فى اى استفسار

وجودك الاجمل حبيبتى منورة المنتدى كله

ربنا يكرمك ياحبيبتى
وبتمنى اكون عند حسن ظنكم دائما