lolo92 كتب:
السلام عليكم ....ازيكم وحشتيني يا لهلوبة والمنتدى والخياطة وحشتني جدا .... بقالي زمان بعيدة عن الساحة بسبب الشغل وظروف تانية
بس قررت ارجع تاني للخياطة وهموت اعمل البلوفر ده وطبعا كالعادة أريد مساعدة
اولا انا كان نفسي اعمله دائري عشان يبقى قطعة وحدة ولو ينفع كمان فنص الشغل ادخل الاكمام يبقى احسن
عشان انا بواجه مشكلة فاخر الشغل لما باجي اوصل كل القطع مع بعضها عشان اضبط الاكمام والقطعتين قدام بعض ممكن ابوظ الدنيا فلو ممكن اعمله دائري فيا ريت تقوليلي ازاي عشان ابدأ فيه من بكرة عشان عايزة اخلصه خلال شهر إذا امكن وشكرا مقدما 
وعليكم السلام ورحمة الله وبركاته
إزيك يالولو نورتى المنتدى من تانى ياحبيبتى واتمنى تكونى فى احسن حال
الشغل ممكن يبقا دائرى بس انا شيفاكى بدأتى خلاص امام وخلف العمل وده علشان انا اتاخرت فى الرد عليكى فبعتذر لتاخيرى فى الرد
lolo92 كتب:
ضروووووري عايزة رد يا لهلوبة
أنا بديت شغل كل جزء منفصل وبشتغل على المقاس الاول وخلصت لحد 64 سم الظهر بس بعد كده متلخبطة مش عارفة المفروض هعمل ايه فانا هقولك على اللي هعمله بالسطور وقوليلي صح ولالا
ده الكلام اللي حضرتك كتباه
_ عندما يصل الطول الى 64 سم من بداية الجيرسيه هنبدأ نقفل من كل جانب لعمل حردة الكتف كالتالى
للمقاس الاول
5غرز/مرة
6غرز/3مرات
_ فى نفس الوقت هنقفل لعمل حردة الرقبة الخلفية بقفل 11 غرزة اللى فى المنتصف
ثم هنكمل كل ناحية منفصلة وفى نفس الوقت هنكمل التقفيل فى بداية كل سطر ناحية الرقبة كالتالى
5غرز/مرة واحدة
4غرز/مرة واحدة
وده اللي انا هعمله على حسب فهمي للكلام
بعد ما اوصل لل64 سم
السطر الأول هيكون كالتالي ............. اانقص 5 غرز وبعدين اشتغل 22 غرزة جرسية وبعدين اقفل 11 وبعدين اشتغل 22 جرسية وبعدين اقفل 5
السطر التاني هبدأ اشتغل كل ناحية لوحدها .... الناحية اليمن ... انقص 6 غرز، 5 غرز جرسية، اقفل 5 غرز ناحية الرقبة
الناحية الشمال... اقفل 6 غرز، 5 جرسية، اقفل 5غرز ناحية الرقبة
السطر الثالث .....الناحية اليمين انقص 6غرز، 1غرزة جرسية ، اقفل 4 غرز اللي ناحية الرقبة وبالمثل بانسبة للناحية التانية
السطر الرابع .... هنقص 6 غرز
وبعدين اقفل الظهر
هو أنا كده صح ولا فاهمة غلط ولا ايه يا رب تردي بسرعة يا لهلوبة
هعدل بس على كلامك شوفى وخدى بالك ان التقفيل بيكون فى اول السطر يعنى ماينفعش تقفلى فى اخر السطر
بعد ما اوصل لل64 سم
السطر الأول هيكون كالتالي ............. هتقفلى 5 غرز وبعدين اشتغلى 28 غرزة جرسية وبعدين اقفل 11 وبعدين اشتغل 33 جرسية
السطر التاني هبدأ اشتغل كل ناحية لوحدها .... الناحية اليمن ... هتقفلى 5 غرز ، 28 غرز جرسية
الناحية الشمال... هتقفلى 5 غرز ناحية الرقبه , 23 غرزة جيرسيه
السطر الثالث ..... الناحية الشمال هتقفلى 6 غرز ناحية الكتف , 17 غرزة جيرسيه
الناحية اليمين .... هتقفلى 5 غرز ناحية الرقبه ، 23 غرز جرسية
السطر الرابع .... الناحية اليمين .... هتقفلى 6 غرز ناحية الكتف ، 17 غرز جرسية
الناحية الشمال ....هتقفلى 4 غرز ناحية الرقبه ، 13 غرز جرسية
السطر الخامس .... الناحية الشمال .... هتقفلى 6 غرز ناحية الكتف ، 7 غرز جرسية
الناحية اليمين ... .هتقفلى 4 غرز ناحية الرقبه ، 13 غرز جرسية
السطر السادس ... الناحية اليمين .... هتقفلى 6 غرز ناحية الكتف ، 7 غرز جرسية
الناحية الشمال .... 7 جيرسيه
السطر السابع .... الناحية الشمال ...... هتقفلى 6 غرز ناحية الكتف ، 1 غرز جرسية
الناحية اليمين .... 7 جيرسيه
السطر الثامن ..... الناحية اليمين ...... هتقفلى 6 غرز ناحية الكتف ، 1 غرز جرسية
هتقفلى الغرزة المتبقية فى كل كتف
