بلوزة تريكو بأكمام منفصلة وكرات على الصدر والشرح بالعربى

بسم الله الرحمن الرحيم

بلوزة تريكو بأكمام منفصلة وكرات على الصدر والشرح بالعربى

ده شكل البلوزة





وده شكلها من الظهر



ويمكن إرتدائها بدون الكم



(المقاسات)
xs , s , m , l , xl , 2xl , 3xl

(المقاسات النهائية)
محيط الصدر = 30-33-36-40.5-44-48-52.5 إنش
الطول = 22.5-23-23.5-24-24.75-25-25.5 إنش

المواد المستخدمة

_ 450 - 550 - 600 - 650 - 700 - 800 - 1000 جرام من الصوف
_ إبر دائرية مقاس 3.5 مللى وطول 24 إنش
_ إبر دائرية مقاس 3.5 مللى وطول 32 إنش
_ إبر مدببة الطرفين مقاس 3.5 مللى
_ سوف نحتاج أيضا إلى إبر دائرية إحتياطية مقاس 3.5 مللى أو أقل وطولها 32 إنش أو أقل
_ 6 علامات للغرز(يجب أن يكون هناك علامة مختلفة عن باقى العلامات)
_ دبوس
_ عداد السطور
_ 6 - 6 - 6 - 6 - 10 - 10 - 10 زراير صغيرة

قياس الوحدة

عينة من غرزة الجرسيه 10 سم×10سم= 21.5 غرزة × 32 سطر

فى الرسم التخطيطى التالى توضيح للقياسات النهائية للبلوفر بالإنش لكل مقاس

الخطوات

أولا
الظهر

_ بإستخدام الإبر الدائرية الطويلة هنبدأ بعمل 83 - 91 - 99 - 111 - 121 - 131 - 143 غرزة
_السطر الأول(وجه العمل) = هنسلت غرزة كأننا هنشتغلها مقلوب(1ع فى اللفة الخلفية,1م)هنكرر مابين الأقواس حتى أخر غرزتين هنشتغلهم كالتالى 1ع فى اللفة الخلفية,1ع
_السطر الثانى(ظهر العمل) = هنسلت غرزة كأننا هنشتغلها عدل(1م فى اللفة الخلفية,1ع)هنكرر مابين الأقواس حتى أخر غرزتين هنشتغلهم كالتالى 1م فى اللفة الخلفية,1م
_السطر الثالث= زى الأول
_السطر الرابع=زى الثانى

_ هنشتغل 8 - 2 - 4 - 4 - 4 - 4 - 6 سطور جرسيه (مع الاستمرار فى سلت اول غرزة من كل سطر كما سبق فى السطور الامامية والخلفية)

_السطر التالى (سطر تنقيص)(وجه العمل)= هنسلت غرزة,1ع,2ع معا,هنشتغل عدل حتى اخر 4 غرز هنشتغلهم كالتالى إسلتى غرزة ,1ع,مررى الغرزة المسلوتة فوق العدلة,2ع

_ هنشتغل 3 - 5 - 5 - 5 - 5 - 5 - 5 سطور جرسيه (مع الاستمرار فى سلت اول غرزة من كل سطر كما سبق فى السطور الامامية والخلفية)

_ هنكرر أخر 4 - 6 - 6 - 6 - 6 - 6 - 6 سطور 9 - 7 - 7 - 7 - 7 - 7 - 7 مرات

_سيصبح عدد الغرز بعد جميع التنقيصات = 63 - 75 - 83 - 95 - 105 - 115 - 127 غرزة

_ هنشتغل 8 - 6 - 6 - 6 - 6 - 6 - 6 سطور جرسيه (مع الاستمرار فى سلت اول غرزة من كل سطر كما سبق فى السطور الامامية والخلفية)

_ اصبح الان الطول 7.5 - 7.5 - 7.75 - 7.75 - 7.75 - 7.75 - 8 إنش وعدد السطور التى تم شغلها = 60 - 60 - 62 - 62 - 62 - 62 - 64 سطر

_ السطر التالى (سطر تزويد)(وجه العمل) = إسلتى غرزة,1ع,هنزود غرزة,هنشتغل عدل حتى اخر غرزتين هنشتغلهم كالتالى هنزود غرزة,2ع

_ هنشتغل 5 - 7 - 7 - 7 - 7 - 7 - 7 سطور جرسيه (مع الاستمرار فى سلت اول غرزة من كل سطر كما سبق فى السطور الامامية والخلفية)

_ هنكرر أخر 6 - 8 - 8 - 8 - 8 - 8 - 8 سطور 8 - 6 - 6 - 6 - 6 - 6 - 6 مرات ثم هنشتغل سطر التزويد مرة كمان

_سيصبح عدد الغرز بعد جميع التزويدات = 83 - 91 - 99 - 111 - 121 - 131 - 143 غرزة

_ هنشتغل 3 - 3 - 3 - 3 - 5 - 5 - 5 سطور جرسيه (مع الاستمرار فى سلت اول غرزة من كل سطر كما سبق فى السطور الامامية والخلفية)

_ هنقفل اول 5 غرز فى بداية السطرين التاليين
_عدد الغرز = 73 - 81 - 89 - 101 - 111 - 121 - 133 غرزة

_ اصبح الان الطول 15 - 15.25 - 15.5 - 15.5 - 15.75 - 15.75 - 16 إنش وعدد السطور التى تم شغلها = 120 - 122 - 124 - 124 - 126 - 126 - 128 سطر

هنتوقف الى هنا ثم نبدأ فى عمل الجزء الأمامى

ثانيا
الأمام

قبل مانبدأ فى الأمام الرسم التالى يوضح باترون الكرات

الباترون اللى فوق للمقاسات xs-s-m-l
والباترون اللى تحت للمقاسات xl-2xl-3xl



ملاحظة كمان قبل البدء فى الامام
الكرة الواحدة (المربع الصغير حرف B فى الباترون المرسوم) بنشتغلها كالتالى
هنشتغل فى الغرزة الواحده 5 غرز بعن طريق شغل غرزة عدلة امامية ثم خلفية ثم امامية ثم خلفية ثم امامية فى نفس الغرزة سوف نحصل على 5 غرز
هنلف الشغل ونشتغل الخمس غرز مقلوب
هنلف الشغل ونشتغل الخمس غرز عدل
هنلف الشغل ونشتغل 2م معا,1م,2م معا
هنلف الشغل ونسلت غرزة ,2ع معا,هنمرر الغرزة المسلوته فوق العدلة
فى النهاية سوف يتبقا عندنا غرزة واحده وتكون قد تكونت الكرة


_ بإستخدام الإبر الدائرية القصيرة هنبدأ بعمل 83 - 91 - 99 - 111 - 121 - 131 - 143 غرزة
_السطر الأول(وجه العمل)= إسلتى غرزة كأنك هتشتغليها مقلوب(1م,1ع فى اللفة الخلفية)هنكرر مابين الأقواس حتى أخر غرزتين هنشتغلهم 1م,1ع
_السطر الثانى(ظهر العمل)= إسلتى غرزة كأنك هتشتغليها عدل(1ع,1م فى اللفة الخلفية)هنكرر مابين الأقواس حتى أخر غرزتين هنشتغلهم 1ع,1م
_السطر الثالث= زى الأول
_السطر الرابع= زى الثانى

_هنبدأ من أول السطر الخامس فى عمل باترون الكرات كالتالى
السطر الخامس(وجه العمل)= إسلتى غرزة, 28 - 32 - 36 - 42 - 41 - 46 - 52 عدل , هنضع علامة, هنشتغل اول سطر من باترون الكرات حسب مقاسم,هنضع علامة,29 - 33 - 37 - 43 - 42 - 47 - 53 عدل

هنمشى على السطر الخامس كاساس يعنى هنشتغل باترون الكرات فوق 25 - 25 - 25 - 25 - 37 - 37 - 37 غرزة الموجودين بين العلامتين وباقى الغرز هنشتغلها جرسيه

مع ملاحظة ان فى باترون الكرات اول سطر هنعمله مرة واحده بس وهنبدأ نكرر الباترون من اول السطر الثانى وحتى السطر 17

_ بعد شغل 7 - 1 - 3 - 3 - 3 - 3 - 5 سطور فى باترون الكرات هنشتغل التنقيص والتزويد كما هو مشروح فى الظهر

_هنقطع الخيط وهنحتفظ بالعلامات فى مكانها وهننقل كل الغرز الى الابر الدائرية الإحتياطية

......................

ثالثا
النص كم

_بإستخدام الأبر الدائرية القصيرة هنبدأ بعمل 60 - 64 - 70 - 78 - 84 - 92 - 96 غرزة
_السطر الأول(وجه العمل)= هنسلت غرزة كاننا هنشتغلها مقلوب(1ع فى اللفة الخلفية,1م)هنكرر مابين الأقواس حتى أخر غرزة هنشتغلها 1ع
_السطر الثانى(ظهر العمل)= هنسلت غرزة كاننا هنشتغلها عدل(1م فى اللفة الخلفية,1ع)هنكرر مابين الأقواس حتى أخر غرزة هنشتغلها 1م
_السطر الثالث=زى الاول
_السطر الرابع=زى الثانى

هنقطع الخيط ونضع الغرز على الابرة الاحتياطية الموجود عليها الامام مع التاكد ان وجه العمل لكل قطعه فى نفس الاتجاه

_هنشتغل الكم الاخر بنفس الطريقة ونتركة على الابرة مع قطع الخيط

................

رابعا
الرقبة

_ ملاحظة: العلامة مختلفة اللون سوف نضعها فى نهاية السطر عشان نعلم النهاية

_بإستخدام الابر الدائرية الطويلة والخيط المتصل بالظهر هنشتغل كل غرز الظهر عدل ثم هنضع علامة ثم هنشتغل الغرز بتوع إحدى الأكمام عدل,هنضع علامة, هنشتغل كل غرز الامام زى الباترون ,هنضع علامة, هنشتغل كل غرز الكم الثانى عدل,هنضع العلامة المختلفة اللون فى النهاية وهنبدأ الشغل الدائرى

_الأن أصبح على الإبرة 266 - 290 - 318 - 358 - 390 - 426 - 458 غرزة

_بينما نشتغل الرقبة سوف نستمر فى عمل الكرات فى الجزء الامامى بين العلامتين وسوف نتوقف عن عمل هذه الكرات عندما نكون قد اكملنا 10 - 11 - 11 - 11 - 11 - 12 - 12 تكرار من الباترون
_بعد الإنتهاء من باترون الكرات ممكن نقل العمل الى الابر الاقصر او حتى الى الابر مدببة الطرفين عند الحاجه
_ السطر الأول(سطر تنقيص)= (1ع,2ع معا,هنشتغل عدل حتى اخر 3 غرز قبل العلامة هنشتغلهم اسلتى غرزة,1ع,مررى المسلوتة فوق العدلة,1ع)هنكرر مابين الأقواس 4 مرات
_هنشتغل 2 - 2 - 2 - 1 - 1 - 1 - 1 سطور زى الباترون
_ هنكرر اخر 3 - 3 - 3 - 2 - 2 - 2 - 2 سطور 11 - 9 - 7 - 29 - 31 - 29 - 29 مرة
_عدد الغرز بعد جميع التنقيصات= 170 - 210 - 254 - 118 - 134 - 186 - 218 غرزة
_ هذه الخطوة خاصة فقط بالنسبة للمقاسات xs - s - m - 2xl - 3xl هنشتغل سطر تنقيص كمان ثم هنشتغل 1 - 1 - 1 - 0 - 0 - 0 - 0 سطر زى الباترون وهنكرر 2 - 2 - 2 -0 - 0 - 1 - 1 سطور دول 7 - 12 - 16 - 0 - 0 - 5 - 7 مرات
سيصبح عدد الغرز= 106 - 106 - 118 _118_134_138_154 غرزة

_ هنا سوف نكمل لكل المقاسات
_ هنشتغل 3 - 1 - 1 - 3 - 3 - 3 - 3 سطور زى الباترون
_الى هنا سوف نكون قد إشتغلنا 176_180_184_188_194_196_200 سطر وسيكون طول البلوفر 22 - 22.5 - 23 - 23.5 - 24.5 - 24.5 - 25 إنش
_هنشتغل كمان سطر تنقيص , عدد الغرز = 98-98-110-110-126-130-146 غرزة
_هنشتغل 4 سطور ثم نشيل العلامات ونقفل الشغل

.................

وبكدا نكون أنهينا البلوفر

أخيرا
الاكمام المنفصلة

_بإستخدام الإبر مدببة الطرفين هنبدأ بعمل 53 - 59 - 63 - 71 - 77 - 85 - 91 غرزة
_هنوزع الغرز بالتساوى على الإبر ونبدأ الشغل دائرى وهنعلم بداية السطر بدبوس
_هنشتغل سطر عدل
_السطر التالى(سطر فتحات الزراير)= 23 - 26 - 28 - 32 - 32 - 36 - 39 عدل,(لفة,2ع معا,1ع)هنكرر مابين الأقواس 3 - 3 - 3 - 3 - 5 - 5 - 5 مرات, 21 - 24 - 26 - 30 - 30 - 34 - 37 عدل
_هنشتغل 14_8_10_6_11_20_14 سطر
_السطر التالى(سطر تنقيص)= 1ع,2ع معا,هنشتغل عدل حتى اخر 3 غرز هنشتغلهم اسلتى غرزة,1ع,مررى المسلوته فوق العدلة,1ع
_هنشتغل 15-14-14-11-9-7-7 سطور
_هنكرر اخر 16 - 15 - 15 - 12 - 10 - 8 - 8 سطور 7 - 9 - 9 - 12 - 14 - 16 - 18 مرة
_ عدد الغرز سيصبح = 37 - 39 - 43 - 45 - 47 - 51 - 53 غرزة
_هنشتغل 12 - 0 - 2 - 4 - 9 - 18 - 12 سطر زى الباترون
_سيصبح عدد السطور المشغولة = 156-160-164-168-172-176-180 سطر وسيصبح الطول = 19.5-20-20.5-21-21.5-22-22.5 إنش
_السطر التالى(سطر تزويد)= 1ع,زودى غرزة,هنشتغل عدل حتى اخر غرزة ,هنزود غرزة ثم 1ع
_هنشتغل سطرين جرسيه
_هنكرر اخر 3 سطور مرة كمان
_عدد الغرز اصبح= 41-43-47-49-51-55-57 غرزة
_السطر التالى= 20 - 21 - 23 - 25 - 27 - 28 عدل,هنزود غرزة,هنشتغل عدل حتى اخر السطر
_عدد الغرز اصبح = 42 - 44 - 48 - 50 - 52 - 56 - 58 غرزة
_السطر التالى= (1ع فى اللفة الخلفية,1م)هنكرر مابين الاقواس حتى اخر السطر
_هنكرر اخر سطر مرتين كمان ثم نقفل الشغل

...........

التشطيب

_هنخيط جوانب البلوفر
_هنخيط الزراير فى النص كم

................

وبكدا نكون خلصنا شرح وترجمة البلوفر
أتمنى لكم الفائدة وأى إستفسار أنا تحت أمركم

بصى ياقمر انا انصحك انك تجيبى إبر مدببة الطرف اللى هيا العادية لانك مش هتلاقى الابر الدائرية الحلوة يعنى مش هتلاقى غير الصينى ودى بيبقا شغلها وحش قوى وتجيبى مجموعة الابر مدببة الطرفين هيا بتبقا حوالى 5 او 6 إبر مع بعض كدا هاتيهم عشان تشتغلى بيهم الجزء الدائرى اللى فوق وهاتى الابر كلها مقاس 3.5 مللى

يبقا انتى هتجيبى إبر مدببة مقاس 3.5 مللى وهتجيبى مجموعة إبر مدببة الطرفين مقاس 3.5 مللى دول إن شاء الله هيشتغلوا البلوفر

بالنسبة للخيط أحلى خيط التركى وأهم حاجه المقاس لازم يكون مكتوب على الخيط إبر 3.5 عشان يطلع مظبوط معاكى
هتلاقى انواع كتير بقا من الخيوط التركى فيه موهير وصوف وقطن حسب ذوقك انتى واللى ترتاحى فى لبسه

عشان تعرفى مقاسك اللى هتشتغلى عليه فى الموديل ده هو كاتبلك المقاسات النهائيه للبلوفر

محيط الصدر = 30-33-36-40.5-44-48-52.5 إنش
الطول = 22.5-23-23.5-24-24.75-25-25.5 إنش

يعنى هتقيسى محيط الصدر هنفترض مثلا إنه طلع = 29 إنش يبقا هتشتغلى على المقاس الاول xs طيب نفترض انه طلع 35 إنش يبقا هنشتغل على المقاس m وهكذا
خدى بالك إن 1 إنش = 2.54 سم

اتمنى تكون الصورة وضحت واى استفسار انا تحت امرك

بصى ياجميل فى حاجتين فى التريكو
اول حاجه انك تشتغلى امام وخلف العمل يعنى سطر رايح وسطر جاى ودى ممكن تشتغليها على اى نوع من الابر سواء كانت الابر دائرية او ابر مدببة الطرف اللى هيا العادية او حتى الابر مدببة الطرفين الفكرة كلها انك لما بتخلصى السطر بتلفى الشغل وتشتغلى السطر اللى بعده

وثانى حاجة انك تشتغلى دائرى يعنى السطور كلها رايحه فى إتجاه واحد ومفيش لف للشغل ودى لازم تشتغليها على ابر دائرية او الابر مدببة الطرفين اللى بتبقا مفتوحة من الناحيتين وماينفعش تشتغليه على الابر مدببة الطرف

دى صورة للابر مدببة الطرف اللى هيا العاديه



دى صورة للابر مدببة الطرفين



دى صورة للابر الدائرية