وعلى فكرة انا لحد قبل ما تكلميني كنت فعلا محتار انا هعرف اقف عند الحردة فين وبعد ما اعمل الحردة هقف لحد فين بس انتي فعلا جبتيلي فكرة عشان احسب بيها الحردة يعني دايما انتي لما بتكلميني بتجيني افكار كده وحلول يعني بجد الف شكر ليكي
عنوان المشاركة: Re: توب تريكو للصيف بنص كم وكشكشة لاسيه بباترون مترجم للعربى
مرسل: السبت أكتوبر 18, 2014 11:30 am
عضو متالق
اشترك في: الثلاثاء مارس 12, 2013 8:24 pm
مشاركات: 655
طيب الحمد لله اهو اعوضك شوية عن الشرح الفاشل و كمان ممكن تعرفى ال 8 سطور يعملوا كام سم من الارقام المكتوبة على الخيط اللى انتى شغالة بيه مكتوب عليه من بره كام سطر يساوى 10سم ..... و موفقة ان شاء الله و تلبسيه بالهنا يا رب
عنوان المشاركة: Re: توب تريكو للصيف بنص كم وكشكشة لاسيه بباترون مترجم للعربى
مرسل: السبت أكتوبر 18, 2014 8:27 pm
مراقب عام
اشترك في: الاثنين إبريل 05, 2010 7:23 pm
مشاركات: 13047
مكان: المنصورة
lolo92 كتب:
السلام عليكم معلش يا لهلوبة انا عملت كم واحد طويل طوله كان كويس بس حاسة ان حردة الكم مش صح مش عارفة عشان انا اصلا اللي مش عارفة اركبه ولا ايه فممكن لو سمحتي اذا امكن يعني ولو ما فيهاش تعب تقوليلي اعمل بدل نص كم كم طويل ازاي؟؟؟ وكمان عايزة اعرف ازاي اركب الكم اصلا في التوب نفسه أنا اسفة والله انا عارفة اني تعباكي معاية بس اصلي نفسي اخلص التوب قبل الشتا عشان البسه السنة دي
وعليكم السلام ورحمة الله وبركاته ياحبيبتى انا تحت امرك فى اى وقت وبشكر ميرفت جدا اللى لسه متمسكه بالمنتدى على عكس كثير سابوه لما حصل فيه ركود فترة ولادتى ولو إنتى لسه محتاجه مساعدتى انا افضل الاول تحددى انتى عاوزة شكل الكم يكون ازاى؟ يعنى هل الكم هيبقا ساده بدن الرسمه ولا هتعملى الرسمه من تحت؟ وهل انتى عاوزة الكم واسع من عند الاسورة ولا عاوزاه مجسم زى بودى الكارينا كدا؟ وكمان عاوزة اتاكد انتى شغاله بابر مقاس 3 ؟ واتاكد برضه انك مقاس لارج؟ وان شاء الله اقولك تعملى ايه بالظبط فى انتظارك
عنوان المشاركة: Re: توب تريكو للصيف بنص كم وكشكشة لاسيه بباترون مترجم للعربى
مرسل: السبت أكتوبر 18, 2014 10:13 pm
عضو متالق
اشترك في: الثلاثاء مارس 12, 2013 8:24 pm
مشاركات: 655
حبيبتى يا لهلوبة و الله العظيم ......... الشكر على ايه بس نفسى افهم انا اللى لو قعدت اشكرك من هنا لاخر الايام مش ح اوفى حقك و لا حق المنتدى و ده صدق و الله العظيم مش مجاملة المنتدى هنا هو اللى علمنى كل حاجة اعرفها و عمرك ما سبتينى فى اى سؤال او طلب الله يكرمك فى اولادك دايما بدعيلك...يبقى ازاى بس نسيب المنتدى ؟؟ وده ما يمنعش انك سايبة فراغ كبيييييييييييير ما فيش حد يملاه غيرك الصراحة ... و محتاسين اخر حوسة من غيرك ....بس لازم نصبر و نساعد بعض
عنوان المشاركة: Re: توب تريكو للصيف بنص كم وكشكشة لاسيه بباترون مترجم للعربى
مرسل: الأحد أكتوبر 19, 2014 2:57 pm
مراقب عام
اشترك في: الاثنين إبريل 05, 2010 7:23 pm
مشاركات: 13047
مكان: المنصورة
ميرفت كتب:
حبيبتى يا لهلوبة و الله العظيم ......... الشكر على ايه بس نفسى افهم انا اللى لو قعدت اشكرك من هنا لاخر الايام مش ح اوفى حقك و لا حق المنتدى و ده صدق و الله العظيم مش مجاملة المنتدى هنا هو اللى علمنى كل حاجة اعرفها و عمرك ما سبتينى فى اى سؤال او طلب الله يكرمك فى اولادك دايما بدعيلك...يبقى ازاى بس نسيب المنتدى ؟؟ وده ما يمنعش انك سايبة فراغ كبيييييييييييير ما فيش حد يملاه غيرك الصراحة ... و محتاسين اخر حوسة من غيرك ....بس لازم نصبر و نساعد بعض
عنوان المشاركة: Re: توب تريكو للصيف بنص كم وكشكشة لاسيه بباترون مترجم للعربى
مرسل: الأحد أكتوبر 19, 2014 7:04 pm
عضو فعال
اشترك في: الجمعة يوليو 19, 2013 6:15 pm
مشاركات: 277
حمدلله على السلامة يا لولو معلش بنزعجك دايما
بصي يا ستي انا كنت عايزة اعمل الكم بحيث يبقى الرسمة من تحت وبعدين سادة زي نظام جسم التوب كده من تحت الكشكشة ومن فوق سادة وانا كنت عايزاه بحيث الكم من بعد الرسمة لا يكون ضيق اوي ولا واسع اوي يعني كم مناسب عادي
وانا فعلا شغالة لارج وشغالة على ابر 3
وانا فعلا عملت الكم بحيث اني بديت عادي زي ما هو مكتوب من غير ما اعمل حردة الكم وبعدين رحت نقصت عشر غرز وواصلت وبعد تسعين سطر رحت بديت ازود غرزتين كل واحد سم لحد ما كملت العشر الغرز اللي انا نقصتهم في الاول بحيث اني ارجع الغرز ل82 غرزة وكان ساعتها الطول 46 تقريبا او 45 وبعدين بديت اعمل الحردة عادي زي ما هو مكتوبة في الباترون وبعدين عملت 8 سم وبعدين قفلت غرزة مرتين وبعدين اشتغلت اتنين معا فوق كل الغرز وبعدين قفلت انا عملت كل ده بعد ما حسبت ان الكم ككل هيكون حوالي 56 او 57 سم وبعدين رحت مركباه في الجسم ورحت لابساه لقيت الحمدلله الكم مضبوط وسعه والحردة مضبوطة
مش عارفة بقى انا اشتغلت صح ولا غلط كده بس مدام طلع مضبوط فاعتقد اتوكل على الله واعمل الكم التاني بنفس الطريقة ولا فيه حاجة في الكم الأولاني اللي عملته؟؟؟ بس انا متهيقلي اني خيطت الكم غلط لاني كان المفروض اشبك حردة الكم في حردة الباط في التوب بابر بحيث لما اخيط يطلع مضبوط بس انا عملتها بالبركة كده فحساه ما طلعتش الخياطة صح بس في لبسه عادي ومش باين ودي صور للكم اللي عملته
عنوان المشاركة: Re: توب تريكو للصيف بنص كم وكشكشة لاسيه بباترون مترجم للعربى
مرسل: الأحد أكتوبر 19, 2014 9:06 pm
مراقب عام
اشترك في: الاثنين إبريل 05, 2010 7:23 pm
مشاركات: 13047
مكان: المنصورة
طيب بسم الله ماشاء الله عليكى ده انتى اللى تعلمينا ياجميل الكم طالع تحفه وزى ما إنتى عاوزاه بالظبط مظبوط جدا توكلى على الله واشتغلى الكم الثانى بالمثل ولو انتى شايفاه مش مظبوط فى التركيب فكيه وظبطيه انتى بتخيطى الاول حردة الكم مع فتحة الباط وبعد كدا بتخيطى جوانب الكم مع جوانب البودى مرة واحده ولازم تتقنى الشغل للنهايه علشان انتى اكيد عارفه قد ايه التريكو متعب وبياخد وقت ومجهود ومش هنيجى على تركيب الكم ونكروت شوفى الفيديو ده بيوضح طريقة تركيب الكم
عنوان المشاركة: Re: توب تريكو للصيف بنص كم وكشكشة لاسيه بباترون مترجم للعربى
مرسل: الأحد أكتوبر 19, 2014 10:29 pm
عضو فعال
اشترك في: الجمعة يوليو 19, 2013 6:15 pm
مشاركات: 277
والله لولا المنتدى اللي عملاه والشروحات اللي فيه ولولا وجودك ووجود ميرفت ما كنتش عرفت اعمل حاجة يعني دروس التريكو بتاعت التزويد والتنقيص ساعدتني والصورة بتاعت شكل الكم اللي نزلتها ميرفت ساعدتني غير طبعا انها ادتني افكار وساعدتني بجد جزاكم الله خيرا وبجد انا كل يوم بحب المنتدى ده اكتر واكتر لأنه مقارنة بأي منتدى لو انتي مش موجودة فلو الواحد اقلب في المنتدى شوية هيقدر يلاقي حلول لكل حاجة وانا فعلا مبسوطة جدا لأني اشتركت في المنتدى الرائع ده
وان شاء الله اخر الاسبوع هبقى ااعمل الكم التاني وافك الكم الاولاني عشان اركبه صح واول ما اخلصه هبقى البسه واتصور بيه تقوليلي رايك
عنوان المشاركة: Re: توب تريكو للصيف بنص كم وكشكشة لاسيه بباترون مترجم للعربى
مرسل: الاثنين أكتوبر 20, 2014 10:32 am
عضو متالق
اشترك في: الثلاثاء مارس 12, 2013 8:24 pm
مشاركات: 655
لولو حبيبتى تسلم ايديكى التوب طالع رررررررررررررررروعة ما شاء الله و تلبسيه بالهنا يا رب ................. ولهلوبة منوووووووووووووورة الكرة الارضية .....المنتدى رجعت له الروح
لا تستطيع كتابة مواضيع جديدة في هذا المنتدى لا تستطيع كتابة ردود في هذا المنتدى لا تستطيع تعديل مشاركاتك في هذا المنتدى لا تستطيع حذف مشاركاتك في هذا المنتدى لا تستطيع إرفاق ملف في هذا المنتدى
و كمان ممكن تعرفى ال 8 سطور يعملوا كام سم من الارقام المكتوبة على الخيط اللى انتى شغالة بيه مكتوب عليه من بره كام سطر يساوى 10سم ..... و موفقة ان شاء الله و تلبسيه بالهنا يا رب
المنتدى رجعت له الروح