فستان تريكو كلوش للبنات من 3 الى 12 سنه بالباترون والشرح بالعربى

بسم الله الرحمن الرحيم

فستان تريكو كلوش للبنات من 3 الى 12 سنه بالباترون والشرح بالعربى

ده شكل الفستان



المقاسات=

حسب السن = 3/4 _ 5/6 _ 7/8 _ 9/10 _ 11/12 سنوات
حسب طول الطفل = 98/104 _ 110/116 _ 122/128 _ 134/140 _ 146/152 سم

...........

المواد المطلوبه

_ 200 - 200 - 250 - 300 - 350 جرام من الصوف الوردى الجنجاه
_ 50 جام من الصوف الفوشيا
_ إبر تريكو دائرية( طول 60سم) مقاس 3 مللى
_ إبر ترريكو دائرية( طول 45سم) مقاس 2.5 مللى

..........

قياس الوحدة

عينة 10سم×10سم من غرزة الجيرسيه= 24غرزة×48سطر

قبل البدء فى شرح خطوات عمل الفستان

الرسم التالى يوضح القياسات النهائية للفستان بالسنتيميتر

وأيضا يوضح الباترون المرسوم لرسمة الأجورالمستخدمة فى برواز الوسط (A1)



وترجمة الباترون المرسوم لرسمة الأجور(A1) كالتالى

السطر1= 9ع
السطر2= 2ع,2ع معا,لفة,1ع,لفة,إسلتى غرزة,1ع,مررى المسلوته فوق العدلة,2ع
السطر3= 9ع
السطر4= 1ع,2ع معا,لفة,1ع,لفة,إسلتى غرزة,3ع,مررى المسلوته فوق العدلة,1ع
السطر5= 9ع
السطر6= 2ع معا,لفة,1ع,لفة,إسلتى غرزة,5ع,مررى المسلوته فوق العدلة
السطر7= 9ع
السطر8= 1ع,لفة,إسلتى غرزة,1ع,مررى المسلوته فوق العدلة,3ع,2ع معا,لفة,1ع
السطر9= 9ع
السطر10= 2ع,لفة,إسلتى غرزة,1ع,مررى المسلوته فوق العدلة,1ع,2ع معا,لفة,2ع
السطر11= 9ع
السطر12= 3ع,لفة,إسلتى غرزة,2ع معا,مرى المسلوته فوق العدلة,3ع
السطر13= 9ع

خطوات عمل الفستان

أولا

( الجزء السفلى)

_ هنشتغله على الإبر الدائرية أمام وخلف العمل من جنب إلى الأخر

_ هنبدأ بعمل 84_92_100_108_116 غرزة على إبر دائرية مقاس 3مللى باللون الفوشيا

_ هنشتغل الجزء السفلى كله بغرزة الطوق (كل السطور عدل)حتى النهاية

_ هنشتغل أول سطر (ظهر العمل)كالتالى= 12ع,هنضع علامة,(8ع,هنضع علامة) هنكرر مابين الأقواس 9_10_11_12_13 مرة ,8ع

_ السطر التالى(وجه العمل)= عدل كله

_ ثم هنستمر كالتالى

السطر1= عدل باللون الفوشيا
السطر2= عدل باللون الفوشيا
السطر3 إلى السطر 13= عدل باللون الوردى الجنجاه
السطر14( هنعمل السطور القصيرة)باللون الوردى الجنجاه= هنشتغل عدل حتى اول علامة ,هنلف الشغل ونشتغل عدل حتى اخر السطر ,ثم هنشتغل عدل حتى ثانى علامة ,هنلف الشغل ونشتغل عدل حتى اخر السطر ,هنشتغل عدل حتى ثالث علامة ,هنلف الشغل ونشتغل عدل حتى اخر السطر ,هنشتغل عدل حتى رابع علامة ,هنلف الشغل ونشتغل عدل حتى اخر السطر , وهنستمر هكذا حتى نصل الى اخر علامة ونلف الشغل ونشتغل عدل حتى اخر السطر

السطر15= عدل باللون الوردى الجنجاه

هنكر السطور من 1 الى 15 حتى يصل الطول الى 60_64_68_72_76 سم من عند الوسط (او حتى يصل الى 137_155_175_195_217 سم من عند الذيل) هنقفل الشغل باللون الوردى الجنجاه وهنخيط الجزء السفلى من الجانب (بمعنى هنخيط البداية بالنهاية)

ثانيا

(الجزء العلوى)

_ هنشتغله دائرى على الابر الدائرية

_ هنلقط على دوران الوسط بداية من المنتصف الخلفى غرزة بين كل سطرين على الابر الدائرية مقاس 2.5 مللى باللون الفوشيا 144_153_162_171_180 غزة

_ هنشتغل سطر مقلوب ثم سطر عدل

_ ثم هنشتغل رسمة الأجور للوسط (A1)

_ بعد الإنتهاء من رسمة الأجور هنشتغل سطر عدل ثم سطر مقلوب

_ هنبدل الابر الى الابر الدائرية مقاس 3 مللى والخيط الى اللون الوردى الجنجاه وهنشتغل غرزة الجيرسيه وفى نفس الوقت فى السطر التانى هنقص 4_3_2_1_0 غرزة بالتساوى على مدار السطر

سيصبح عدد الغرز بعد التنقيص = 140_150_160_170_180 غرزة

_ عندما يصل الطول الى 7_8_9_10_11 سم من اول لقط الغرز هنشتغل السطر التالى كما يلى=
هنشتغل 32_34_36_38_40 غرزة ثم هنقفل 6_7_8_9_10 غرزة التاليين لعمل حردة الباط ثم هنشتغل 64_68_72_76_80 غرزة ثم هنقفل 6_7_8_9_10 غرزة التاليين لعمل حردة الباط الاخرى ثم هنشتغل ثم هنشتغل 32_34_36_38_40 غرزة

هنضع الشغل جانبا وهنشتغل برواز الكم

..........

ثالثا

(برواز الكم)

_ هنشتغله امام وخلف العمل على الابر الدائرية
_ هنبدأ بعمل 56_59_62_65_68 غرزة على الابر الدائرية مقاس 2.5 مللى باللون الفوشيا

_ هنشتغل اول سطر (ظهر العمل)= عدل
السطر 2(وجه العمل)= عدل
السطر3= عدل
السطر4= هنقفل 3_4_4_5_5 غرز ثم هنشتغل 50_52_54_56_58 غرزة عدل ثم هنقفل اخر 3_4_4_5_5 غرز

..........

رابعا

(الرقبة)

_ هنضع الاكمام الان على نفس الابرة اللى عليها الفستان فى اماكنهم عند حردة الباط
اصبح الان على الابرة عدد الغرز = 228_240_252_264_276 غرزة

_ هنضع 12 علامة بحيث يكون بين كل علامة والاخرى 19_20_21_22_23 غرزة

_ هنستمر باللون الوردى الجنجاه وهنشتغل غرزة الجيرسيه لمدة 4_ 4_6_6_8 سطور

_ السطر التالى هنقص غرزة قبل كل علامة بعمل 2ع معا وهنكرر التنقيص كل 4 سطور 7_8_8_9_9 مرات
ثم كل سطرين 3 مرات

سيصبح عدد الغرز بعد التنقيص= 108_108_120_120_132 غرزة

_ هنبدل الى الابر الدائرية مقاس 2.5 مللى

_ الان هنشتغل ارتفاع فى المنتصف الخلفى باستخدام السطور القصيرة كالتالى=
8ع, هنلف الشغل وهنشتغل 16م , هنلف الشغل وهنشتغل 24ع,هنلف الشغل وهنشتغل 32م وهنلف الشغل وهنستمر هكذا وفى كل مرة نلف الشغل هنشتغل 8 غرز زيادة عن المرة اللى قبلها حتى نكون قد اشتغلنا 64_64_80_80_96 غرزة هنلف الشغل ونشتغل عدل الى ان نصل الى المنتصف الخلفى مرة اخرى

_ هنشتغل سطر عدل وفى نفس الوقت هنقص 22_16_22_16_22 غرزة بالتساوى على مدار السطر
سيصبح عدد الغرز بعد التنقيص= 86_92_98_104_110 غرزة

_ هنبدل الى الخيط الفوشيا وهنشتغل سطر عدل ثم سطر مقلوب ثم سطر عدل ثم سطر مقلوب ثم هنقفل الشغل

سيصبح طول الفستان الكلى= 54_59_65_70_75 سم

.........
التقفيل

_ هنخيط اسفل الكم وهنخيط تحت الابط

.......

انتهينا بحمد الله من شرح الفستان
وتحت مركم فى اى استفسار

وهنا نستعرض بعض التطبيقات للفستان