عايشه فى ملكوته كتب:
السلام عليكم اختى لهلوبه
اولا تسلم ايدك التطبيق احلا من صورته الاصليه وده حقيقى مش مجامله
ثانيا انا عاجبنى الموديل وشوفت الورشه بتاعته وان شاء الله هنفذه بس لما روحت اشترى الخيط لاقيت اكليريك 100% ولاقيت صوف 100% او 60% انا كنت عاوزه صوف لان شكله بيبقى اقيم فى الشغل لكن الالوان مش متوفره اسود او كحلى بس وصاحب المحل قال ان الصوف بيبقى خشن وبيشوك فى الجسم وانا كنت عاوزاه صوف علشان يدفى
انت ايه رايك اشترى اكليرك ولا اشوف محلات تانيه واجيب صوف اللى هتقوليلى عليه هعمله
انا اسفه على الرغى والاطاله وربنا يجازيكى خير
حبيبتى منورة الموضوع والمنتدى وعلى فكرة الأكريلك والألياف الصناعية بتدفى قوى برضه وكمان أرخص من الأصواف الطبيعية وكمان الالوان فى الأكريلك بتبقا متنوعة أكتر من الصوف الطبيعى
يعنى توكلى على الله وجيبى خيوط أكريلك بس ماركة حلوة ونظيفة يعنى البكرة 100 جرام تبقى فى حدود 11 أو 12 جنيه مصرى لو إنتى من مصر وغالبا الأنواع التركى بتبقا أنضف حاجه
ميرفت كتب:
حبيبتى لهلوبة انتى قايلة ان البلوفر مشغول من الكم و مزودين علان الظهلر و الامام و فى الشرح كاتبة ح نزود علان الاكمام و الله البلوفر ده على قد روعته حوانى و قلب مخى كل حاجة فيه مقلوبة
معلش ياقمر فعلا دى غلطة منى وانا صلحتها فى الشغل
هو احنا فعلا بنزود علشان الامام والخلف
