التورتاية الجباااااارة بتعتى و بطريقتى happy valentine's day اعمليها لجوزك و عيالك يتفرجوا عليها و كوليها انتى الطريقة بالتفصيل و الصور
حطى عليها ربع كباية مية سخنة بتغلى و قلبى ...و تبقى عجينة التورتة خلاص جاهزة
هاتى صينية اى صينية و ادهنيها زبدة كويس
و حطى خليط الكيك و هيكون سمكها مايل للتخن و دة كدة صح. .. و دخليها الفرن سخن من قبل كدة على درجة 180 تقريبا من 20 إلى 25 دقيقة أبقى اختبريها و حطى السكينة مثلا فى النص لو طلعت عجين سبيها شوية كمان لاكن لو طلعت السكينة نظيفة يبقى خلاص استوت و اطفى الفرن. .. و سبيها تبرد خاااالص برحتها
بعد ما بردت و تمام طلعيها من الصينية و سبيها تهدى 10 دقايق
هنحضر بقى كريمة الزبدة بالشيكولاتة الهندسى بيها التورتة. .. عبارة عن كباية زبدة طرية بدرجة حرارة الغرفة. .. و 3 كبيات سكر بودر منخول كويس جدااا .و تقريبا 3 معالق كبار من الكاكاو الخام و طبعا نوع الكاكاو بيفرق جداا فى الطعم هاتى كاكاو حلو علشان تطلع طعمها حلو
كدة خلاص كريمة الزبدة جاهزة ... لو لقيتى قوامها ناشف معاكى زودى ها معلقة أو اتنين من اللبن و لو لقتيها سايبة معاكى زودى ها سكر بودر منخول و اضربى ... المهم أن قوامها يبقى ناعم و متماسك زى الكريم شانتيية. ....اركنيها على جمب
هاتى الكيك و اقطعيها قطعتين بالسكينة براحة و لو عوزة تقطعيها على 3 ينفع برحتك
دة كدة شكلها بقت نصفين
هاتى اول نص و حطى علية من فوق كام معلقة كدة من ال 7 up و على الأطراف علشان الكيك يشربوا. . و ممكن بدل السفن آب تحطى بالفرشة شربات حلويات زى بتاع البسبوسة أو لو عندك كومبود اناناس مثلا أو أى مية كومبود ينفع بردوا تسقى بيها الكيك. .. متزوديش اوى علشان الكيك ميطراش زيادة عن اللزوم يادوب وزعى كدة و خصوصا فى الأطراف
و حطى عليها كريمة الزبدة بالشيكولاتة
و عليها شرايح فراولة متقطعة رفيع ... دى فراولة فرش بتدى مازازة جميلة مع الكيك و كريمة الزبدة ... و ممكن تحطى كمان مكسرات زى عين الجمل مثلا .. و النص التانى بتاع التورتاية حطى علية كريمة الزبدة بس من غير ما تسقى الكيك بالسفن. ..لية !! علشان لو سقتية بالسفن مش هتعرفى تشلية و تحطية فوق النص الأولانى من الكيك ... فعلا كدة حطى علية بس كريمة الزبدة و شلية براحة و اقفلى بية على النص الأولانى
كدة حطناهم على بعض حطى بقى سفن آب من فوق علشان احنا مسقناش الجزء الفوق دة ... دلوقتى اسقيها برحتك امااان علشان خلاص اتحطت
هنحضر بقى الشوكليت جاناش البيتحط على التورتة من فوق. .. هو عبارة عن ربع كباية من كريمة الخفق للحلويات و معاها 3 شيكولاتة جالاكسي الشيكولاتاية الواحدة فيها 6 مكعبات انا عوزة 3 شيكولاتات يعنى 18 مكعب من شيكولاتة جالاكسي و معلقة زبدة كبيرة و على حمام مائى و نسيحعم مع بعض كويس
حطية على التورتاية من فوق يجنن و أسهل من الكريم شانتيية و أحلى كمان بكتييير
و حطيت من فوق شيكولاتة مالتيزرز و فرولة
دة شكلها من جوة رهيييييييبة
التورتاية دى تتعمل قبل ما تتاكل بيوم من بليل مثلا علشان تبقى أحلى و الكيك يريح و كل الحجات تشرب من بعضها. .. انتى بعد ما تعمليها حطيها فى التلاجة ساعة مثلا و بعد كدة طلعيها من التلاجة شليها على السفرة مثلا و تكون متغطية و سبيها تبقى بدرجة حرارة المكان و زى ما قلتلك هتبقى أحلى بكتير لو اتكلت تانى يوم و تسبيها عادى برة التلاجة لغاية 3 أيام مش هيحصلها اى حاجة خالص ... لأنك لو شلتيها فى التلاجة هتنشف. .. فكفاية عليها ساعة واحدة فى التلاجة بعد ما تخلصيها علشان الشيكولاتة و كريمة الزبدة تتماسك مع الكيك و بعد كدة خلاص تتساب برة التلاجة و تتاكل هتبقى تجنن و فظيييييييعة
لا تستطيع كتابة مواضيع جديدة في هذا المنتدى لا تستطيع كتابة ردود في هذا المنتدى لا تستطيع تعديل مشاركاتك في هذا المنتدى لا تستطيع حذف مشاركاتك في هذا المنتدى لا تستطيع إرفاق ملف في هذا المنتدى
