المقادير بقى : 160 جرام من الشيكولاتة الخام. . 3 بيضات ..فانيليا... نص كباية زبدة سايحة. . 3 معالق كبار سكر بودر. .. 2 معلقة كبيرة دقيق .. و بس خلاص
الشيكولاتة بقى ... انا بستخدم النوع دة من الشيكولاتة الخام حلوة و ممكن تستبدليها بجالكسى أو كادبورى مثلا برحتك .. شوفى الشيكولاتة مكتوب عليها كام جرام و ظبطيها أنها تكون 160 جرام .. ال 8 مكعبات الفى الصورة دول 160 جرام
كسرى الشيكولاتة بالسكينة علشان و هى متكسرة بتكون أسهل فى الدوبان بسرعة ...
حطى عليها الزبدة السايحة ... و حطيها فى الميكروويف 30 ثانية عوزين الشيكولاتة تسيح مع الزبدة ... لو معندكيش ميكروويف سيحيها فى حمام مائى. ...
عنوان المشاركة: Re: المولتن كيك بالصور والخطوات من مطبخ مروة الشافعى
مرسل: الخميس يناير 26, 2017 7:20 pm
مراقب عام
اشترك في: الاثنين إبريل 05, 2010 7:23 pm
مشاركات: 13047
مكان: المنصورة
هاتى البيض و حطى علية الفانيليا و انزلى بالسكر البودر و اضربى بالمضرب اليدوى
اضربيهم دقيقتين. ...
هاتى الشيكولاتة بالزبدة و حطيهم على بعض ....و قلبى ..
آخر حاجة بقى الدقيق و قلبى ...
دة شكلها تمام ....
هاتى بقى قالب زى الفى الصورة أو قوالب صغيرة سيراميك أو سيليكون و ادهنيها زبدة أو زيت ...
رشى كاكاو خام
وزعى الكاكاو فى الصينية كويس و الخطوة دى مهمة علشان الكيك ميلزقش. .. لو لزقت يبقى باظ المولتن كيك ..
حطى الخليط بقى فى الصينية
دخلية فرن سخن على درجة 180 هياخد تقريبا ربع ساعة او اكتر شوية .. علشان تعرفى هو جاهز و لا لأ شوفية هتلاقى الوش بتاعة بيتحرك معاكى بس الكيك عامل قشرة خفيفة من فوق ..
هيبقى شكلة كدة ... و لما بحرك الصينية يمين و شمال بلاقى قلبها بيلوق معايا هى دى كدة تبقى جاهزة .... و خلى بالك لو هتستخدمى قوالب أصغر من كدة زى مقاس قوالب الكاب كيك هتستوى فى 10 دقايق بس ... و متقلقيش الكيك دة افتحى الفرن علية برحتك كل شوية علشان تشوفيها خلصت و لا لأ..احنا مش هنخاف عليها لطهبط دى اصلا مفهاش باكنج بودر ..
و بس خلاص
يم يم ....رشى عليها سكر بودر أو لو بولة ايس كريم و صوص شيكولاتة رايح جاى عليها هتبقى وهمية ولا الحوجة ل Alain Le Notre يكش يولع الدايت جربوهااااااااااااااااا
لا تستطيع كتابة مواضيع جديدة في هذا المنتدى لا تستطيع كتابة ردود في هذا المنتدى لا تستطيع تعديل مشاركاتك في هذا المنتدى لا تستطيع حذف مشاركاتك في هذا المنتدى لا تستطيع إرفاق ملف في هذا المنتدى
