_كيكة الأنجل فوود أو طعام الملائكة عبارة نوع من أنواع الكيك الأسفنجي _هذه الكيكة تتميز عن أنواع الكيك الثانيه بانها لا تحتوى على أي نسبة دسم ٠٪ فلذلك تعتبر حلوى مثاليه للى بيعملوا ريجيم او اللى بيخافوا على وزنهم من الزياده _سبب التسميه هو طبيعة الكيكة البريئة إن صح التعبير ، كونها خفيفه وبيضاء وبنفس الوقت بدون أي دسم في المقابل فيه كيكة ثانيه اللي هي تقريبا عكس هذي الكيكة وهي كيكة الديفل فود أو طعام الشياطين ههه devils food cake اللي هي عبارة عن كيكة شكولاته دسمه و ثقيلة عكس كل شي تمثله هذي الكيكة .. _الكيكة تعتبر كيكة إسفنجية sponge cake وهذا يعني إنها مرفوعة ببيض ، الكيكة مافيهاش أي مواد رافعة غير بياض البيض (المارينج)وعشان كدا مهم إن المارينج اللي هنعمله يكون مضبوط صح. _طيب إزاى هتنفش الكيكة بدون مواد رافعة ؟ السر في الهواء المحبوس داخل المارينج . الهواء داخل المارينج يتمدد في الفرن وده بيرفع الكيك ويخليه خفيف نفس العمليه هي اللي ترفع السوفليه و الكيكات الإسفنجية الثانيه . _ بياض البيض فيه مشكلة وهو إنه ينشف وبيبقا حجر إذا ماكانش معاه دهن وهنا يجي دور السكر اللي يلين الكيكه ويخليها رطبه حتى بعد ما تطلع من الفرن .
_مهم جدا لضمان نجاح المارينج او بياض البيض ان الوعاء وكمان ذراع الخفق اللى هنضرب فيه البياض يكون ناشف تماما ونضيف ومافهوش اى مواد دهنيه وكمان نتاكد ان بياض البيض يكون فى درجة حرارة الغرفه
_وفيه كمان نقطه تانية مهمة جدا ومعظمنا فى مصر او فى الوطن العربى عامة مابنستخدمهاش فى عمل الكيكات الاسفنجية وهوا cream of tartar (كريم اوف تارتار )وهوا مثبت للمارينج واللى بيحافظ على ارتفاعه وثباته وكمان بتخلى الكيكه حامضيه اكتر وده مابيخلهاش تتحمر اسرع من اللازم قبل ماتستوى من جوا
_فى كمان حاجه مهمه وهوا الدقيق لازم نستخدم دقيق الحلويات والدقيق ده ميزته انه بيكون فيه نسبة البروتين اقل من انواع الدقيق التانيه عشان كدا كل ما كان البروتين فى الدقيق اقل كل ماكانت العجينه طريه ولينه لان البروتين هوا اللى بيخلى العجين قاسى واللى مايلاقيش دقيق حلويات ممكن تجيبى دقيق عادى وتشيلى من كل كوبايه ملعقتين وتبدليهم بنشا ذرة
_بنحتاج كمان صينية كيك اللي فيها عود في الوسط واللي لها قاعدة متحركة ، الصينية دي بهذا الشكل ضروريه لهذا النوع من الكيك مافيش أي بديل لان الفتحه اللى فى النص بتساعد ان الحرارة تتوزع كويس وتدخل فى وسط الكيكة ، الصينية يسمونها أحيانا angel food cake pan .
............. طولت عليكوا فى المقدمه تعالوا نشوف المقادير
*1 1/4 كوب(125جرام)من الدقيق المنخول *1 1/2كوب(300جرام)من سكر البودرة *1 1/2كوب(360مللى)بياض بيض فى درجة حرارة الغرفة *ملعقة كريم اوف تارتار *1/2 ملعقة ملح *ملعقة عصير ليمون طازج *ملعقتين سائل الفانيليا *1/2 ملعقة اصانص او رائحة اللوز
..............
الخطوات _هنسخن الفرن عند درجة حرارة 350درجه فهرنهايت(177درجة سيليزية) _هنحضر صينية كعكة الملائة والمكونه من قطعتين زى ما فى الصورة وبيكون مقاسها 25 سم
_فى وعاء هنخلط الدقيق المنخول مع نصف كمية السكر ونضعهم جانبا
_فى وعاء الكيتشن ماشين هنضع بياض البيض ونضربه حتى يصبح زى الرغاوى
_ثم نضع عصير الليمون والملح وكريم التارتار ونستمر فى الخفق حتى تتكون راس لينه كما فى الصورة
عنوان المشاركة: كيكة طعام الملائكة Angel food cake بالخطوات المصورة
مرسل: الخميس مارس 01, 2012 11:53 pm
مراقب عام
اشترك في: الاثنين إبريل 05, 2010 7:23 pm
مشاركات: 13047
مكان: المنصورة
_بالتدريج هنضيف نصف كمية السكر المتبقية الى بياض البيض ملعقه ملعقه مع استمرار الخفق حتى تتكون قمم ثابته لامعه زى مافى الصورة
_هنضيف الفانيليا ورائحة اللوز الى البيض
_هنضيف خليط الدقيق والسكر على البياض ولكن على مراحل ونقلب باستخدام اسباتيولا عريضه بلطف ولكن بحركة سريعه وعندما يختفى الدقيق نضيف جرعه اخرى حتى تنتهى الكميه وناخد بالنا مانزودش فى التقليب عشان مانفرغش الهوا
_هنضع الخليط فى الصينية بدون دهن الصينيه اى ماده دهنيه وانتوا هتستعجبوا وتقولولى ان الكيكة كدا هتلزق فى الصينية وانا هقولكوا ان ده هوا المطلوب لان الكيكه محتاجه حاجه تمسك فيها عشان ترتفع وتعلى هنصب العجينه باستخدام كبشه او ملعقه ومانصبهاش زى باقى وصفات الكيكات عشان نحافظ على الهواء على قدر الامكان وبعد ماننقل العجينه كلها هنمشى سكينه فى قلب العجينه عشان نعمل مسار لتجمعات الهواء انها تتطله ونساوى السطح براحه
_هنضعها فى الفرن لمدة 40 - 45 دقيقة حتى يطلع منها عود خشب نظيف ومانفتحش الفرن قبل الوقت ده
عنوان المشاركة: كيكة طعام الملائكة Angel food cake بالخطوات المصورة
مرسل: الخميس مارس 01, 2012 11:54 pm
مراقب عام
اشترك في: الاثنين إبريل 05, 2010 7:23 pm
مشاركات: 13047
مكان: المنصورة
_سريعا وبعد مانخرجها من الفرن وهيا سخنه هنقلبها على كوب او اى حاجه سطحها مستوى ونتركها تبرد وهيا مقلوبه لمده ساعه ونصف والسبب اننا بنبردها وهيا مقلوبه عشان الكيكه بتكون هشه جدا وهيا ساخنه واذا تركناها فى وضعها المعدول ممكن تهبط
_بعدما تبرد تماما هنسلك جوانب الصينيه بسكين حاد ثم ايضا نسلك القاعده والعمود اللى فى المنتصف بنفس الطريقه
_يفضل تقطيع هذه الكيكه باستخدام سكينة الخبز المشرشرة ويفضل ان تقدم فى نفس اليوم او يمكن تغطيتها بالنايلون وتحفظ لايام فى درجة حرارة الغرفة وممكن ان توضع فى الثلاجه لعدة ايام
_هذه الكعكه ممكن ان تقدم لوحدها مع رشه من سكر البودرة او ممكن تقدم مع صوص الفراوله او التوت او الشيكولاته او ممكن ايضا مع الفواكه الطازجه والكريم شانتيه
ودى بعض التطبيقات للاستفاده من طرق التقديم وبالهنا والشفا
لا تستطيع كتابة مواضيع جديدة في هذا المنتدى لا تستطيع كتابة ردود في هذا المنتدى لا تستطيع تعديل مشاركاتك في هذا المنتدى لا تستطيع حذف مشاركاتك في هذا المنتدى لا تستطيع إرفاق ملف في هذا المنتدى
