الدرس السادس:غرزة النصف عمود half double crochet stitch

بسم الله الرحمن الرحيم

الدرس السادس



غرزة النصف عمود (وتعرف أيضا بإسم غرزة البريد المنزلقة)

وتسمى بالإنجليزية Half double crochet stitch

وإختصارها hdc

ورمز الغرزة

ورمزها فى الباترونات

وتعالوا نشوف شرح الغرزة دى بالصور

طبعا كأساس أى عمل كروشية هنعمل أول سطر غرزة السلسلة وليكن 10 غرز سلسلة

عشان نعمل غرزة النصف عمود لازم نشتغل غرزتين سلسلة إضافين كإرتفاع لغرزة النصف عمود فيصبح عدد غرز السلسلة 12

وكقاعدة ستكون غرزة النصف عمود=إرتفاع غرزتين سلسلة



هنلف الخيط حول إبرة الكروشيه



هندخل الإبرة من الأماام إلى الخلف داخل ثالث غرزة سلسلة (ملاحظه هامه هناك البعض يترك ثالث سلسلة كقاعدة لغرزتين الإرتفاع وبيدخل فى الرابعه فقد تجدين بعض الشروحات فى بعض المواقع بتدخل فى السلسلة الرابعه)



هنلف الخيط حول الإبرة مرة اخرى



هنمرر الخيط بالإبرة من خلال ثالث سلسلة



هنلاحظ وجود 3 لفات على إبرة الكروشيه



هنلف الخيط حول إبرة الكروشيه



هنمرر الخيط بالإبرة من خلال الثلاث لفات الموجودين على الإبرة



ودلوقتى أصبح عندنا غرزة نصف عمود أو زى ما البعض بيسموها غرزة بريد منزلقة



ولعمل غرزة نصف عمود أخرى هنلف الخيط حول الإبرة وندخل الإبرة فى غرزة السلسلة التاليه ونكرر الخطوات السابقه



وهنكمل هكذا فى كل غرزة سلسلة حتى نهاية السطر

وعند الببداية فى سطر جديد يجب عمل غرزتين سلسلة إضافيتين كإرتفاع لغرزة نصف العمود



ونلف الخيط حول الإبرة وندخل الإبرة فى ثالث لفة زى ما موضح فى الرسم السابق وهكذا

وعند نهاية السطر ده ناخد بالنا اننا مش هنشتغل غرز فى غرزتين السلسلة الإرتفاع



وده شكل لغرزة النصف عمود بعد عمل كذا سطر



........................................
............................
...................
..........

وبكدا نبقا خلصنا درس النهاردة

ويارب يكون الشرح واضح

التطبيق على هذا الدرس

row1: ch 10 ,2 ch, turn
row2: (1 hdc in the next st) repeat 4 times

............................................................
شرح التطبيق
row = الصف
ch 10= عشر سلاسل
2 ch = أي قومي لاحقا بعمل سلسلتين إضافتين (سلاسل الارتفاع)

ملاحظة: في الغالب لن يذكر في الباترون الكتابي مقدار او حتى جملة سلسلة الارتفاع إلا نادر
لأنه عليك حفظ ان غرزة نصف العمود تحتاج لارتفاع سلسلتين قبل قلب العمل.

turn = معناها اقلبي العمل
(وبعض الأحيان لا يتم ذكر لذلك - لأنه واضح متى ما وصلت للصف الثانى احتاج لقلب العمل)

1hdc = أي غزرة واحدة من غرزة نصف العمود
in the next st = أي في "الغرزه" التــــــــــالية.

القوسين ( ) = معناهم انه الجمله الموجوده بين القوسين. يتم تكرارهم عدد من المرات. وقد تم ذكر هذا:

repeat 4 times= أي نقوم بتكرار الجملة الموجوده بين القوسين 4 مرات.

اي سنقوم بعمل إضافي:
row3
row4
row5
row6
على نفس المنوال والطريقة السابقة.

..........................
فى إنتظار تطبيقاتكم ياحلوات

اهلا وسهلا بكى وسام ونورتى الموضوع واتمنى يكون الشرح واضح ومفهوم

وياريت اشوف تطبيقك

انتى اللى نورتينى ونورتى المنتدى كله

يسلملى وجودك الغالى فلة 3

جميل جدا واضح انك تلميذه مجتهده

اهلا بيكى rowella87

سعيده بمتابعتك للدروس

لما تيجى تبتدى سطر جديد هتشتغلى سلسلتين جداد واللى بيمثلوا ارتفاع غرزة نصف العمود

ولاحظى انك فى اول سطر مش بتسيبى غرزتين زى مانتى فاهمه فالغرزتين دول زياده فوق عدد الغرز المطلوب عمله فى اول سطر

هفترض معاكى انى فى بدايه كل سطر هسيب غرزتين هاجى بعد كام سطر مش هلاقى غرز اشتغلها ههههههه

اتمنى تكون النقطه وضحت واى استفسار انا فى الخدمة