الدرس الرابع تنقيص الغرز فى التريكو وطرقه المختلفهDecreasing

الطريقة التانية من طرق التنقيص

p2tog

وده إختصار ل purl two together ومعناها بالعربى هنشتغل غرزتين مقلوب معا

_وفى هذه الطريقة بنشتغل غرزتين تريكو ليصبحوا غرزة واحدة مما يؤدى إلى نقص فى عدد الغرز الموجوده على السنارة عندنا

_هذه الطريقه من التنقيص يجعل العمل يميل الى اليمين لذلك تستخدم للتنقيص من ناحية الشمال للعمل ويقابلها من ناحيه اليمين من العمل طريقة ssp اللى هنشرحها فيما بعد


_إزاى ننقص بالطريقة دى
هندخل السنارة اليمين داخل غرزتين من اليمين للشمال كأننا هنشتغلهم مقلوب ليصبح عندنا غرزة واحدة بدلا من غرزتين



ودى أشكال تانية توضح نفس الطريقه من التنقيص





هذه الطريقه ايضا يمكن عملها من خلال الجزء الخلفى للغرزة

بادخال السنارة فى اليد اليمين خلال الجزء الخلفى للغرزتين اللى على السنارة الشمال وهنشتغلهم مقلوب كأنهم غرزة واحدة كما فى الصورة التالية



وهذه الطريقة تسمى بالانجليزيه p2tog tbl وهيا اختصار ل purl two stithes together through the back loop وتعنى هنشتغل غرزتين مقلوب معا خلال الجزء الخلفى للغرزة


....................................................

تابعونى

اهلا وسهلا بكى سوزان ومنورة الموضوع تابعى معى باقى طرق التنقيص فى التريكو

بسم الله الرحمن الرحيم

هنكمل النهارده طرق التنقيص وهنشرح الطريقة التالته

(3)

(skp) او (sl,k,psso)

وهيا إختصار ل
slip,knit,pass slipped stitch over

وتعنى هنسلت غرزة ثم هنشتغل غرزة عدلة ثم هنمرر الغرزة المسلوته فوق الغرزة العدلة

وتكون رمزها فى الباترونات بالشكل ده



وهذه الطريقة من التنقيص تميل الى الشمال لذلك بنستخدمها فى التنقيص فى الناحية اليمين من العمل

هنشرح بالصور ازاى بنعمل الطريقة دى من التنقيص

اولا هندخل السنارة اليمين فى الغرزة اول غرزة على السنارة الشمال كاننا هنشتغلها عدل بس هننقلها بدون شغل بمعنى هنسلتها من على السنارة الشمال الى السنارة اليمين



هنشتغل الغرزة التاليه عدل



هندخل السنارة الشمال فى الغرزة المسلوته على السنارة اليمين



هنمرر الغرزة المسلوته فوق الغرزة العدله باستخدام السنارة الشمال وهنوقعها من على السنارة بس ناخد بالنا من الغرزة العدلة ماتسبش من على السنارة



هنلاحظ فى الشكل ان الغرزة اليمين بقت فوق الغرزة الشمال واصبح عندنا غرزة واحده



وبكدا يبقا خلصنا شرح الطريقة ويارب تكون مفهومة

ودى بعض الرسومات التوضيحية لنفس الطريقة لزيادة التوضيح







..............................







................................





............................









ونلتقى ان شاء الله فى الطريقة القادمة من طرق التنقيص

فى رعاية الله

بسم الله الرحمن الرحيم

الطريقة التانية من طرق Double decreasing

sl2,k1,p2sso

(double centerd decrease)او(double vertical decrease)

وهيا اختصار ل slip two stitch ,knit one,pass two slipped stitch over

وتعنى هنسلت غرزتين ثم هنشتغل غر زة عدل ثم هنمرر الغرزتين المسلوتتين فوق الغرزة العدلة

وهذه الطريقة من التنقيص لايميل فيها الشغل الى اليمين ولا الى الشمال ولكن تكون فى المنتصف

وتكون رمزها فى الباترونات هكذا



وتعالوا نشرحها بالصور



هنسلت غرزتين كاننا هنشتغلهم عدل معا



هنشتغل الغرزة التاليه عدل



هندخل الابرة الشمال داخل الغرزتين المسلوتتين على السنارة اليمين



هنمرر الغرزتين المسلوتين فوق الغرزة العدلة ونسلتهم من على السنارة



وده هيبقا شكل الغرزة النهائيه

وبكدا نكون خلصنا شرح الطريقة دى

تابعونى

بسم الله الرحمن الرحيم

الطريقة الثالثة من طرق Double decreasing

k3tog

(right slanting double decrease)

وهيا اختصار ل knit three stitchs together

ويكون رمزها فى الباترونات هكذا



وهذه الطريقة يميل فيها الشغل الى اليمين

وتعالوا نشرح بالصور



هندخل السنارة اليمين فى الثلاث غرز معا ونشتغلهم عدل معا



وده الشكل النهائى للغرزة

.........................................

تم بحمد الله شرح طرق التنقيص فى التريكو

اتمنى يكون الشرح واضح وأى إستفسار انا فى الخدمة

ونلتقى إن شاء الله فى درس أخر من دروس التريكو

أترككم فى رعاية الله

يسلملى مرورك الغالى سوزان ونورتى الموضوع