mareoma كتب:
شكراً لكى وبجد مفرش تحفة
نفسى جداً اعملة
بس يخصارة انا مبعرفش اشبك الوحدات فلو تتكرمى وتشرحيلى
ازاى اشبك الوحدات اكون شاكرة جداً
وياريت اى اخت تحاول برضة وتشرحلى طريقة التشبيك ضرورى
جزاكى اللة خيراً
أشكرك جدا على ذوقك ورقتك
وطريقة التشبيك سهلة جدا -- هاشرحهالك ببساطة :
أول وردة هتعمليها كاملة لغاية آخر سطر -
تيجي للوردة التانية تشتغلي لغاية ما توصلي للسطر الأخير وعند جزء البيكو ( بدل ما تعمليه 5 غرز طايرة - لآ هتعملي 2 غرزة طايرة يعني سلسلة وتروحي قلباها وتخلي ضهرها عند ضهر الوردة الأولى وتروحي مدخلة الإبرة في وسط البيكو بتاعة الوردة الأولى وتطلعي الإبرة منها وتعملي غرزة كمان طايرة يعني سلسلة واحدة وتروحي قافلة البيكو دي في العمود بتاعها ( اللي بلفتين ) وتكملي تمام زي السطر الأخير في الشرح -- بس خلي بالك هتشبكي مرتين زي الرسمة لغاية ماتعملي صف وردات بالطول اللي انتي عايزاه
وتمشي كدة في كل مرات التشبيك -- يارب اكون عرفت افهمك كويس
جربي وصوريها ووريني وانا معاكي
