اليوم بيصغر... و أنا بكبر!!!

[center][CENTER]السلام عليكم ورحمة الله وبركاته

اليوم بيصغر ليه!![/center]




[center]أكيد مره كنت بتكلم صديق طفولتك عن الماضي و ذكرياته[/center]





[center]و إزاي اليوم كان فيه بركة .. دا كل الناس عملت كده...لو إنت ما فكرتش كده يبقى إنت أكيد مش طبيعي و لازم تتعالج لأنك فقدت الإحساس بالزمن!![/center]





[center]بس يعني إيه اليوم كان فيه بركة و الوقتي ما عتش فيه بركة!![/center]





[center]و البركة دي عند مين بالزبط؟؟ عندك إنت و لا عند الناس كلها؟؟[/center]





[center]الموضوع دا بصراحه جه في بالي دلوقتي بعد ما كنت بتناقش مع صاحبي إمبارح [/center]
[center]و طبعا كالعاده إتخانقنا مع بعض...خناقه فكرية مش أكتر...يعني ما فيش حد طلب الإسعاف ما تخافوش...لأني عارف إن قلبكم عليه!!!!!!![/center]




[center]خلينا في موضوعنا.....[/center]




[center]عشان نفسر مع بعض بركة اليوم...لازم الأول نفكر ليه اليوم بقى صغير....هل دي من علامات الساعة؟؟[/center]
[center]هل دا إلي كان بيقول عليه الرسول [COLOR=red](( صلى الله عليه وسلم )) إن اليوم فعلا إن اليوم ما عتش هيبقى فيه بركة!!!. [/COLOR]
إزاي حتى الرسول [COLOR=#ff0000](( صلى الله عليه وسلم )) إلي كان عايش من 1400 سنه و إلي حياته كانت كلها أحداث...ما كنش حاسس ببركة اليوم!!.....[/COLOR]
طيب لو فرضنا إن دي من علامات الساعه...يبقى من أيام الرسول [COLOR=#ff0000](( صلى الله عليه وسلم )) أو خلينا نقول من أيام سيدنا آدم (( عليه السلام )) لحاد دلوقتي اليوم هيعدي في دقائق ما كنش في ثواني!!........[/COLOR]
بس إزاي و أنا صغير كنت حاسس ببركة اليوم....و بعدين العلماء ما أثبتوش إن الأرض بتلف كل يوم أسرع من إلي قبله!![/center]




[center]عشان نفسر الظاهرة دي...لازم نفهم مع بعض ذاكرة الإنسان.....[/center]



[center]فكر كده في أي حاجه قديمة من أي موقف أو لعبة أو فيلم قديم..و قولي إزاي هتفتكره؟؟[/center]



[center]هل من الممكن تفتكره كله على بعضه و كأنك بتتفرج على فيلم!!( طبعا إستحاله) بلاش دي.......لو أنا قولتلك إنت أكلت إيه في اليوم إلي زي ده الشهر إلي فات..هتفتكر؟؟...الإجابة إنه لو كان في حاجه [COLOR=red]مميزه في اليوم إلي زي ده الشهر إلي فات على الأكل هفتكرإنت أكلت إيه...و حط خط على مميزه دي....[/COLOR][/center]



طيب لو أنا قولتلك إنت عملت إيه في اليوم إلي فات من كام يوم و قولت ما أعرفش...هقولك إنت [COLOR=red]ما عشتش اليوم دا و لا إيه؟؟...و حط [/COLOR]خط تحت ما عشتش دي



[center]دماغك عامله زي الهارد (HARD DISK) ...بتخزن الزمن على مساحات ..مش كله طبعا...[/center]



[center]يعني إيه مش كله طبعا؟؟...أنا هقولك...لو إنت خرجت في مكان مثلا و روحت البحر و شفت مناظر حلوة! ( طبيعة مثلا..و مخك ما يروحش بعيد...إحنا مش بنلعب هنا) و بعدين روحت البيت..و بعد كام يوم إفتكرت الخروجه دي...إيه إلي إنت هتفتكره؟؟[/center]




[center]هتفتكر شوية صور في خلايا ذاكرتك مع شوية مقاطع فيديو للمواقف [COLOR=red]المميزه ( خلي بالك) [/COLOR][/center]



[center]بس إزاي إذا كنت أنا عشت الخروجه دي كلها!![/center]




[center]ببساطه مخك أو الهارد بتاعك حذف الكام ساعه بتوع الخروجه و ساب الحاجات المميزه بس ...و مع الزمن بيمسح الحاجات المميزه دي و بيقلل من مساحتها في الهارد بتاعك عشان يحط حاجات تانيه...[/center]




[center]إيه دا...هو كمبيوتر؟؟ ...أيوه هو كدا.....[/center]




[center]هتلاقي أغلب ذكرياتك عبارة عن شوية صور على مقاطع فيديو صغيره على صور متحركة ..يعني مافيش أفلام طبعا...لأن الأفلام مساحتها كبيره..و إنت مخك هيشيل إيه و لا إيه؟؟!!![/center]



[center]و طبعا في ملفات ورد (word) بتاعت المذاكره..و إلي مخك بيفرمتها أول ما بتسلم ورقة الإمتحان!!![/center]




[center]أمال إيه حكاية إن اليوم بيصغر!!...و إيه علاقة الذاكرة باليوم...[/center]




[center]يا إبني ما هو اليوم عبارة عن ذاكرة..و لا إيه؟؟[/center]



[center]و إنت صغير و دماغك لسه طرية بتبقى خلايا الذاكرة فاضيه و مافيش فيها حاجه...أو بمعنى..مش متحمل عليها حاجه!![/center]



[center]و بالتالي ممكن تلعب في الشارع طول النهار و بعدين تيجي بالليل و تحكي لصاحبك إيه إلي حصل في النهار دا من غير لخبطه في ترتيب الأحداث...( دماغك فاضيه بقى) فكل يوم تحملك كام فيلم ...و لما تيجي تفتكر اليوم دا هتلاقي افلام كتير إنت محملها على اليوم دا....و بكدا هتحس ببركة اليوم[/center]





[center]لما حضرتك بتكبر دماغك بتتملا حاجات كتير...فيومك بدل ما كان 5 افلام بيبقى فيلمين و بعدين نص فيلم و بعدين تمن فيلم ...و في الآخر بتصفي على شوية صور و مقاطع و خلاص...و حتى المقاطع بتبقى جودتها وحشه...يلا أهوو أحسن من مافيش...و كل دا طبعا للحاجات المميزهو الباقي بيحذف مش في السلة...بيخرج مع النفايات!!....و طبعا افلامك المميزه و إنت صغير..لا يمكن أبدا إن هي تتمسح من دماغك...مهما وصل عمرك...ممكن تصغير شويه أو تتاكل لكن ما تتمسحش[/center]




[center]فتلاقي الراجل العجوز بيسمعلك أحداث و أغاني طفولته كويس أوي...لكن أحداثه دلوقتي و لا يعرف عنها حاجه!![/center]



[center]بمعنى إن لو عندك طفل عمره 6 سنين و راجل عمره 20 سنه[/center]



[center]الأحداث بتتخزن في مخ الطفل أبو 6 سنين بمعدل ربع الخلايا طبعا بعد ما بنشيل السنتين بتوع الرضاعه إلي مش بتفتكر فيهم طبعا[/center]



[center]في حين الراجل أبو 20 سنه الأحداث هتتخزن في دماغه بمعدل 1 على 18[/center]




[center]يعني لما تشوف عيل صغير أدامك...إعرف إن يومه في بركه..مش عصر السرعة و لا حاجه[/center]



[center]( [COLOR=red]فأبو دماغ طرية يومه فيه بركة) و هي دي النظرية إلي كنت عايز أقولها من البداية[/COLOR][/center]



[center]و كفاية عليكم كدا لحسن الهارد بتاعكم يتفيرس و أنا مش مسؤول[/center]




[center]هههههههههههه[/center]
[center]مش عارف الخيال دا آخرته هيوديني على فين!![/center][/CENTER]